San Lucas 22:42 - DIOSPA QHELQACHISQAN DEUTEROCANONICAL

⁴² Tatáy, munankichus chayqa, noqamanta karunchay, imatachus ñak'arinay kashan, chayta. Chaywanpis ama noqaj munaynillay kachunchu, manachayqa qanpa munayniyki ruwasqa kachun, nispa.

DIOSPA QHELQACHISQ

⁴² Tatáy, munankichus chayqa, noqamanta karunchay, imatachus ñak'arinay kashan, chayta. Chaywanpis ama noqaj munaynillay kachunchu, manachayqa qanpa munayniyki ruwasqa kachun, nispa.

Quechua South Bolivia: Dios Parlapawanchej

⁴² —Tatáy, munanqui chayka, cay ñac'ariypi wañunayta nokamanta khechupuway. Astawanpis ama munayniyka ruwacuchunchu. Manachayrí munayniyqui ruwacuchun, —nispa.

San Lucas 22:42 ပူးပေါင်းရင်းမြစ်များ

Salmos 40:8

8 (9) Diosníy, munasqaykita ruwaspa kusikuni, yachachiwasqaykitaj sonqoypi kashan, nispa.

Isaías 51:17

Jerusalén llajta, rijch'ariy, rijch'arikuy, sayarikuytaj. Qanqa Tata Diospa k'araj phiñakuyninwan junt'a kashan, chay copata makinmanta jap'ispa, ujyarqanki. Qan machanaykikama phiñakuynin copamanta qonchuntinta ujyaykorqanki.

Isaías 51:22

Tukuyta Kamachej Tata Dios, ayllunman sayasqa Diosniykeqa ajinata nin: Qhaway, k'araj phiñakuyniywan junt'a copata makiykimanta oqharikapuniña. Kunanqa manaña jayk'ajpis phiñakuyniyta ujyankichu.

Jeremías 25:15

Israelpa Diosnin Tata Dios niwarqa: Qhawariy: Kay vasoqa vinowan jina phiñakuyniywan junt'a kashan. Chayta makiymanta jap'ispa, ujyachimuy maymanchus kachasqayki, chay tukuy suyukunaman.

San Mateo 11:25

Chaypacha Jesús kay jinata Diosta nerqa: Tatáy, janaj pachata, kay pachatawan kamachej Dios, noqa jatunchayki imaraykuchus qan kay imakunata yachayniyojkunamanta, yuyayniyojkunamantawan pakaykorqanki, wawa jina kajkunamantaj sut'incharqanki.

San Mateo 11:26

Arí, Tatáy, qan ajinata munarqanki, nispa.

San Mateo 20:22

Jesustaj nerqa: Mana yachankichejchu imatachus mañakusqaykichejta. Noqa imaynatachus ñak'arisaj, ajinata ñak'ariyta atiwajchejchu? nispa. Paykunataj nerqanku: Arí, atisqayku, nispa.

San Mateo 26:39

Aswan ñawpajman rispataj, Jesús pampakama k'umuykuytawan, Diosmanta mañakorqa: Tatáy, atikojtenqa, imatachus ñak'arinaymanta kacharichiway ari. Chaywanpis, ama noqaj munaynillay kachunchu, manachayqa qanpa munayniyki ruwasqa kachun, nispa.

San Mateo 26:42

Chantá Jesús ujtawan rispa, mañakullarqataj: Tatáy, ñak'arinaypuni kajtenqa, qanpa munayniyki ruwasqa kachun, nispa.

San Mateo 26:44

Jinapi paykunata saqespa, Diosmanta mañakoj kutillarqataj. Kinsa kaj mañakuyninpipis kikillantataj mañakorqa.

San Mateo 6:10

Jamuspa noqaykuta kamachiyta qallariy, munayniykitaj kay pachapi ruwasqa kachun, imaynachus janaj pachapi ruwakun, ajinallatataj.

Marcos 14:36

Mañakuspataj, Jesús nerqa: Tatáy, Tatitáy, qanpajqa tukuy imapis atikullan. Imatachus ñak'arinaymanta kacharichiway ari. Chaywanpis ama noqaj munaynillay kachunchu, manachayqa qanpa munayniyki ruwasqa kachun, nispa.

San Lucas 23:34

Chaymanta qhepamantaj Jesús nerqa: Tatáy, juchankuta pampachay, imaraykuchus mana yachankuchu imatachus ruwasqankuta, nispa. Chaykamataj soldadokuna suerteta choqaspa, Jesuspa p'achanta rak'inakorqanku.

San Juan 18:11

Jesustajrí Pedrota nerqa: Espadaykita waqaychakapuy. Sichus Tatay ñak'arinayta kamachiwan chayqa, manachu yuyanki ñak'arinaypaj wakichisqa kashasqayta? nispa.

San Juan 4:34

Jesustaj paykunata nerqa: Mikhunayqa Kachamuwaj Diospa munasqanta ruwanay, imatachus ruwanantataj tukuychanay.

San Juan 5:30

Jesús judiokunaj kurajninkukunata nillarqataj: Mana imatapis noqallamantachu ruwani. Noqaqa Tataypa niwasqanman jina pitapis juzgani, juzgasqaytaj cheqanpuni, imaraykuchus mana munasqallaytachu ruwayta mask'ani, manachayqa kachamuwaj Tataypa munaynillanta.

San Juan 6:38

Noqa mana munasqayta ruwanaypajchu janaj pachamanta urayk'amorqani, astawanqa Kachamuwajniypa munasqanta ruwanaypaj.

Hechos 21:14

Chantá ni imaynapi payta jark'ayta atispa, saqellarqaykuña: Tukuyta Kamachej Jesuspa munasqan ruwasqa kachun, nispa.