San Lucas 18:11 - DIOSPA QHELQACHISQAN DEUTEROCANONICAL

¹¹ Jinapi fariseo kajqa sayarikuspa, kay jinata Dioswan parlarikusqa: Diosníy, pachis niyki, imaraykuchus mana wakinkuna jina suwachu, sajrachu, qhenchachu kani, nillataj kay impuesto cobraj jinachu.

Qheshwa Biblia DC

¹¹ Fariseo kajqa, sayaykuspa payllapaj mañakusharqa: Diosníy, graciasta qoyki. Mana wakinkuna jina suwachu, sajrachu, qhenchachu, nitaj kay impuestero jinachu kani, nispa.

DIOSPA QHELQACHISQ

¹¹ Jinapi fariseo kajqa sayarikuspa, kay jinata Dioswan parlarikusqa: Diosníy, pachis niyki, imaraykuchus mana wakinkuna jina suwachu, sajrachu, qhenchachu kani, nillataj kay impuesto cobraj jinachu.

Quechua South Bolivia: Dios Parlapawanchej

¹¹ Chay fariseoka sumajta sayarispa payllapaj mañacusharka: “Diosníy, agradeceyqui mana waquin runasjinachu caskaymanta. Paycuna kolke orkhojcuna, mana chekan ruwajcuna, khenchacunapis cancu. Nitaj cay impuesto jap'ej runajinapischu cani.

San Lucas 18:11 ပူးပေါင်းရင်းမြစ်များ

Salmos 134:1

(1b) Tata Diospa tukuy kamachinkuna, tukuyniykichej payta yupaychaychej, pikunachus Tata Diospa Templonta tutan qhawankichej, chaykuna.

Salmos 135:2

Pikunachus Tata Diospa wasinpi ruwanayoj kajkuna, Diosninchejpa wasi pationpi kajkuna ima, payta yupaychaychej.

Proverbios 20:6

Ashkha runakuna sumaj kawsaqe kasqankuta ninku. Chaywanpis, atinikunapaj jina runakunaqa pisilla kanku.

Proverbios 30:12

Wakinkuna llimphu kasqankuta yuyakunku, chaywanpis millayta ruwasqankumanta mana llimphuchakunkuchu.

Isaías 1:15

Qankuna mañakunawaykichejpaj makiykichejta oqharejtiykichej, mana qhawarisqaykichejchu. Ashkha kutita mañakuwankichej chaypis, noqa manapuni uyarisqaykichejchu, imaraykuchus makiykichejqa yawarlla.

Isaías 58:2

Paykunaqa sapa p'unchay mask'awanku. Kamachisqayta rejsiyta munanku, cheqanta ruwaj ayllupis kankuman jina, Diosninkoj kamachisqanta manapis saqenkumanchu karqa jina. Jinallataj paykuna cheqan justiciata ruwanayta mañawanku, noqaman qayllaykamuwaspataj, kusikunku.

Isaías 65:5

Paykunapura ninakunku: Maypichus kanaykipi kakullay, amataj qayllamuwaychu, imaraykuchus noqa qanmanta aswan llimphu kani, nispa. Chaykunaqa q'oshñi jina senqayta k'arachiwanku, tukuy p'unchaynintin nina lawray jina kanku.

Jeremías 2:28

Judá, ruwakusqayki dioskuna maypitaj kashankuri? Mashkhachus llajtaykikuna kanku, chay chhikallataj diosniykikuna tiyapusunku. Chayrayku ñak'ariypi rikhurejtiyki, paykuna jamuspa, yanapasuchunku.

Jeremías 2:35

Chaywanpis qan ninkiraj: Noqa mana juchayojchu kani. Diosqa mana noqawan phiñasqachu kashan, nispa. Kunantajrí qan mana juchayoj kasqaykita nisqaykirayku, qanwan pleitota oqharisaj.

Ezequiel 33:31

Ajinata aylloyqa jamuspa, ñawpaqeykipi yachasqankuman jina tiyarikunku, parlasqaykita uyarinankupaj. Chaywanpis uyarisqankuta mana ruwankuchu. Simillankuwan misk'ita parlanku, sonqonkupitajrí qolqeta mask'anallapi yuyashanku.

Miqueas 3:11

Llajtapi justiciata ruwajkuna, qankuna rantichikunkichej. Sacerdotekuna, qankunapis qolqeraykulla yachachinkichej, sut'inchajkunapis qolqeraykullataj imatapis willankichej. Chantá mayta parlankichej Tata Diospi atinikusqaykichejmanta: Tata Dios noqanchejwan kashan, manataj ni ima mana allin kajpis qhatiriwasunchu, nispa.

San Mateo 10:3

Kallarqankutaj Felipe, Bartolomé, Tomás, impuestota cobraj Mateo, Alfeoj churin Santiago, Tadeo,

San Mateo 5:20

Chayrayku qankunata niykichej: Qankuna yuyankichej Diospa kamachisqanmanta yachachejkuna, fariseokunawan ima, cheqan runa kasqankuta. Manachus qankuna paykunamanta aswan cheqan kawsayniyoj kankichej chayrí, janaj pachamanta Diospa kay pachapi kamachiyninman mana yaykunkichejchu.

San Mateo 6:5

Dioswan parlarikuspaqa, ama puraj uya jina kaychejchu. Paykunaqa sayaykukuspa, Dioswan parlarikunku tantakuna wasikunapi, plazaj esquinankunapi ima, runakunawan rikuchikunankupaj. Noqarí kayta sut'ita niykichej: Ajinata ruwaspa, paykuna chayllata t'inkata jina jap'enqanku.

Marcos 11:25

Chaywanpis Diosmanta mañakushaspa, sichus pillawanpis phiñanasqa kawajchej chayqa, contraykipi juchallisqanta ñawpajta pampachaychej. Ajinamanta, janaj pachapi kaj Tataykichejpis contranpi juchallisqaykichejta pampachallanqataj.

San Lucas 20:47

Chaywanpis warmisapaj kapuyninkuta oqokapunku, mana jina kasqankuta reparachikunankupajtaj unay unayta Dioswan parlarikoj tukunku. Chayrayku paykuna aswan sinch'i ñak'ariywan jasut'isqa kanqanku, nispa.

San Lucas 22:41

Chantá Jesús paykunamanta karunchakorqa uj rumi choqayman jina, chaypi qonqoriykukuspataj, Diosmanta mañakorqa:

Gálatas 3:10

Chaywanpis Moisespa kamachisqanta kasusqankurayku cheqanpaj qhawasqa kayta tukuy munajkunaqa maldicisqa kanku, imaraykuchus Diospa Qhelqachisqanpi nin: Pichus Diospa qhelqachisqan kamachisqakunamanta tukuyninta mana junt'ajqa maldicisqamin, nispa.

Filipenses 3:6

Chantá Diospa kamachisqanta junt'ayta munasqayrayku, noqa Cristoj Iglesianta qhatiykachaspa, ñak'aricherqani. Kamachisqakunata junt'anapitaj mana k'amina karqani.

Apocalipsis 3:17

Qanqa nishanki: Noqaqa qhapaj kani, tukuy imayoj, manataj imamantapis pisinichu, nispa. Jinapis mana reparakunkichu khuyana kasqaykita, mana imayoj, wajcha, ñawsa, q'alallataj.