San Lucas 13:34 - DIOSPA QHELQACHISQAN DEUTEROCANONICAL

³⁴ Ay Jerusalén, qanqa Diosmanta sut'inchajkunata wañuchej llajta kanki. Qanman Diospa kachamusqankunatapis rumiwan ch'anqaykuspa, wañuchillankitaj. Mashkha kutitachus wawaykikunata tantayta munarqani, imaynatachus wallpa chillwinkunata lijran uraman tantaykun, ajinata. Qantajrí mana munarqankichu.

Qheshwa Biblia DC

³⁴ Jerusalén, Jerusalén, profetasta wañuchej llajta; qanman kachamusqastapis rumiswan ch'anqarqanki! Mashkha kutita, wawasniykita tantayta munarqani, imaynatachus wallpa chillwisninta lijrasnin uraman tantaykun ajinata, qantaj mana munarqankichu!

DIOSPA QHELQACHISQ

³⁴ Ay Jerusalén, qanqa Diosmanta sut'inchajkunata wañuchej llajta kanki. Qanman Diospa kachamusqankunatapis rumiwan ch'anqaykuspa, wañuchillankitaj. Mashkha kutitachus wawaykikunata tantayta munarqani, imaynatachus wallpa chillwinkunata lijran uraman tantaykun, ajinata. Qantajrí mana munarqankichu.

Quechua South Bolivia: Dios Parlapawanchej

³⁴ ‘¡Mayta phuticuni kancuna Jerusalenpi tiyacojcunamanta! Unaymantapacha Diospa willajcunanta wañuchejcuna, paypa cachaskasninta ch'ankajcunataj canquichej. May ashqha cutis kancunata nokaman tantamuyta munarkani. Imaynatachus wallpa chillwisninta phurusnin uraman tantan, ajinallatataj may ashqha cutis kancunata tantamuyta munarkayquichej. Kancunarí mana munarkanquichejchu.

San Lucas 13:34 ပူးပေါင်းရင်းမြစ်များ

Nehemías 9:26

Chaywanpis, Tata Dios, paykunaqa mana kasukojkuna karqanku. Contraykipi oqharikorqanku, kamachisqaykitataj qhesacharqanku. Chantaqa sut'inchajniykikunata wañucherqanku uyankupi qanman kutirikamunankuta k'amisqankurayku. Chaymantataj aswan millayta ruwaspa, sonqoykita nanachisorqanku.

Nehemías 9:30

Watan watanta paykunawan pacienciakorqanki. Espirituykiwan, sut'inchajkunapiwan paykunaman willachej kanki kamachisqaykita junt'anankuta. Chaytapis manallataj kasojchu kanku, chayraykutaj waj suyukunaj makinkuman paykunata jaywaykorqanki.

Salmos 149:2

Israel aylloqa ruwajninmanta kusikuchun, Sión llajtataj kuraj kamachejninmanta kusikuchun.

Salmos 17:8

Ñawi papaykita jina waqaychaway. Lijraykej uranpi ojllaykuspa pakaykuway.

Salmos 36:7

7 (8) Diosníy, munakuyniykeqa may sumajpuni. Runakunaqa lijrayki urapi pakakuyta mask'anku.

Salmos 57:1

1 (2) Khuyarikuway noqamanta, Diosníy, khuyarikullaway. Qan waqaychanawaykita mask'ani, sinch'i llakiy pasanankama lijrayki urapi pakakuyta munani.

Salmos 81:13

13 (14) Aylluychus uyariwanman karqa chayqa, Israeltajchus nisqayman jina purinman karqa chayqa,

Salmos 91:4

Lijranwan qhataykusonqa, chay urapitaj sumaj pakasqa kanki. Cheqa kayninpis escudo jina jark'allasonqataj.

Isaías 30:15

Tukuyta Kamachej Tata Dios, Israelpa May Llimphu Kaj Diosnin ajinata Israelta nin: Kutirikamuwaychej qhespichisqa kanaykichejpaj, noqapitaj atinikuychej. Ajinapi mana phutikuspalla, tukuy sonqo atinikuspataj kallpata jap'inkichej, nispa. Qankunatajrí chayta mana munarqankichejchu.

Isaías 50:2

Imaraykutaj jamuspa, mana pitapis tariparqanichuri? Imaraykutaj wajyashajtiypis, mana pipis kutichiwarqachuri? Ima kajtinpis, manachu atiyman kacharichiytari? Manañachu atiyneyqa kasqa paykunata kacharichinaypaj? Ujta nispalla, mama qochata ch'akichini, mayukunatapis ch'aki pampaman tukuchini. Chaypi kaj challwakunapis yakumanta jina wañuraspa, asnanku.

Jeremías 2:30

Qhasillata wawaykichejta jasut'erqani, ni chaywanpis wanarqankuchu. Qankuna kikiykichej phiña leonkuna jina noqamanta sut'inchajkunata wañucherqankichej.

Jeremías 26:23

Chaykunataj Uriasta Egiptopi jap'ispa, kuraj kamachej Joacinman apamusqanku. Paytaj kamachisqa Uriasta wañuchinankuta, ayantataj, maypichus wajcha runakunata p'ampaj kanku, chayman p'ampanankuta kamachillasqataj, nispa.

Jeremías 35:14

Recabpa churin Jonadabpa ayllonqa ñawpa tatankoj kamachisqanta kasuspa, mana vinota ujyankuchu. Chayrayku paykunaqa kunankama mana vinota ujyankuchu, imaraykuchus ñawpa tatankoj kamachisqanta junt'ashanku. Noqapis qankunaman kutin kutinta parlapayarqaykichej, jinapis qankunaqa mana kasuwankichejchu.

Jeremías 35:17

Chayrayku noqa Israelpa Tukuy Atiyniyoj Tata Diosnin nini: Noqa Judapi tiyakojkunaj patanman, jinataj Jerusalén llajtapi tiyakojkunaj patankumanpis tukuy ima ñak'ariykunata kachaykamusaj. Noqa parlapayarqaykichej, qankunatajrí mana kasuwarqankichejchu. Jinallataj wajyarqaykichej, manataj uyariwarqankichejchu, nispa.

Jeremías 6:16

Tata Dios ayllunman nillantaj: Ñankunapi sayaykuspa, qhawaychej. Chantá ñawpa ñankunamanta tapurikuychej, mayqenchus aswan allin ñan kasqanta. Chantá chay ñanta puriychej, sonqo samariytataj tarinkichej, nispa. Paykunatajrí nerqanku: Manapuni chayninta puriykumanchu, nispa.

Lamentaciones 1:16

Chayrayku noqa waqaykushani, ñawiypis waqaywan junt'a kashan. Mana piniypis sonqochanawanpaj kanñachu, nitaj pipis kallpachawajneyqa kanñachu. Wawaykunaqa thuñisqa llajtapi qhepakunku, awqayku atipaykuwasqaykurayku.

Lamentaciones 4:13

Chay jina jasut'i Diosmanta sut'inchajkuna juchallikusqankurayku karqa, sacerdotekuna millay juchata ruwasqankurayku ima. Paykunaqa chay llajtapi mana juchayoj runakunata wañucherqanku.

Oseas 11:2

Chaywanpis astawan payta wajyashajtiy, astawan noqamanta karunchakuwarqa. Payqa uywa ñak'asqata qhasi manakaj dioskunaman jaywarqa, inciensotataj lantikunaman q'oshñicherqa.

Oseas 11:7

Israel aylloyqa noqamanta karunchakuyllatapuni munan. Chayrayku janaj pachaman qhaparikojtinkupis, paykunata ni pi yanapanqachu.

Joel 2:23

Sionpi tiyakojkuna, mayta kusikuychej. Kusikuychej Tata Diosniykichejpi. Paymin maychus tiemponpi parachimusonqachej. Paymin ñawpaj kaj parata, qhepa kaj paratapis parachimusonqachej, ñawpaj tiempopi jina.

Zacarías 1:4

Ama ñawpa tataykichejkuna jina kaychejchu. Noqamanta ñawpa sut'inchajkunaqa paykunata sutiypi nerqanku: Millay kawsayta saqeychej, mana allin kajta ruwanamantataj t'aqakuychej, nispa. Paykunatajrí mana uyariwarqankuchu nitaj nisqayta kasuwarqankuchu. Noqa Tukuy Atiyniyoj Tata Diosmin chayta niykichej.

San Mateo 22:3

Chantá kuraj kamachejqa kamachinkunata kachasqa jatun mikhuyman wajyarisqa kajkunata pusamunankupaj. Wajyasqakunarí mana jamuyta munasqankuchu.

San Mateo 22:6

Wakinkunataj kuraj kamachejpa kachankunata jap'ispa, wañuchinankukama maqaykusqanku.

San Lucas 15:28

Chantá kuraj kaj chureqa phiñakuspa, manapuni wasiman yaykuyta munasqachu. Tatantaj llojsimuspa, mayta nisqa yaykunanta.

San Lucas 19:44

Chaymantataj paykuna thuñisonqanku, jinallataj qanpi tiyakojkunatapis wañurachillanqankutaj. Qanpi mana saqenqankuchu rumi patapi rumita, imaraykuchus mana reparakorqankichu Diosniyki qanta qhespichej jamushasojtin, nispa.

San Lucas 23:28

Jinapi Jesús chay warmikunata qhawarispa, nerqa: Jerusalenmanta warmikuna, ama noqamanta waqaychejchu, manachayqa qankunamanta waqaychej, wawaykichejkunamantawan.

Hechos 7:52

Diosmanta mayqen sut'inchajtataj ñawpa tatanchejkuna mana qhatiykacharqankuchu ñak'arichinankupaj? Chantá wañuchillarqankutaj pikunachus unaymantapacha willarqanku cheqan kaj runa jamunanta, chaykunata. Pay jamojtintaj, qankunaqa payta wasanchaspa wañuchillarqankichejtaj.

Hechos 7:59

Chay jinata payta ch'anqaykushajtinku, Estebanqa Diosmanta mañakuspa, nerqa: Tukuyta Kamachej Jesusníy, almayta jap'ikapuy, nispa.

Hechos 8:1

Saulopaj Estebanta wañuchisqankoqa allillan karqa. Chaymantapachataj Jerusalenpi ashkha runakuna Jesuspa iglesianta qhatiykachayta qallarerqanku. Chayrayku iglesiamanta ashkha ayqekorqanku Judea jap'iyman, Samaria jap'iyman ima. Jesuspa kuraj kachankunalla Jerusalenpi qhepakorqanku.

Deuteronomio 32:29

Sichus paykuna yuyayniyoj kankuman chayqa, reparakunkuman imapichus tukukunankuta.

Deuteronomio 5:29

Mayta munayman ajinallatapuni yuyanankuta, noqatataj yupaychanawankuta, kamachisqaytapis sapa p'unchay kasunankuta. Ajinata ruwaspa, paykuna jinataj wawankupis wiñaypaj kusiy kawsayta rikonqanku.

Apocalipsis 11:8

Chay testigokunaj ayankutaj Jerusalén llajtaj jatun plazanpi wijch'usqa kanqanku, maypichus Tukuyta Kamachej Jesusninku chakatasqa karqa, chaypi. Chay llajtaqa Sodomawan, chantá Egiptowan ima ninakun.

Rut 2:12

Israelpa Tata Diosnin, pipichus atinikushanki, paymin suegraykita yanapasqaykimanta kutichipusuchun, allin kajtataj qopusuchun tukuy ruwasqaykimanta, nispa.