San Lucas 13:24 - DIOSPA QHELQACHISQAN DEUTEROCANONICAL

²⁴ Atisqaykichejta ruwaychej Diospa kamachiyninman k'ullku punkunejta yaykunaykichejpaj, imaraykuchus Diospa kamachiyninman ashkha yaykuyta munanqanku, manataj atenqankuchu.

Qheshwa Biblia DC

²⁴ K'ullku punkunejta yaykunaykichejpaj kallpakuychej; imaraykuchus ashkhas munanqanku yaykuyta, manataj atenqankuchu.

DIOSPA QHELQACHISQ

²⁴ Atisqaykichejta ruwaychej Diospa kamachiyninman k'ullku punkunejta yaykunaykichejpaj, imaraykuchus Diospa kamachiyninman ashkha yaykuyta munanqanku, manataj atenqankuchu.

Quechua South Bolivia: Dios Parlapawanchej

²⁴ —Tucuy atiskayquichejtapuni ruwaychej Dios camachin, chayman yaycunayquichejpajka c'ullcu puncuyoj caskanraycu. Chekamanta niyquichej ashqha runas munaskancuta yaycuyta manataj atinancuta.

San Lucas 13:24 ပူးပေါင်းရင်းမြစ်များ

Proverbios 14:6

Alqochakoj runaqa yachayta mask'an, manataj tarinchu. Yuyayniyoj runapajrí imata yachanapis jasalla.

Proverbios 21:25

Qhellaqa tukuy imayoj kayta munan, nitaj makinwan llank'ayta munanchu.

Eclesiastés 10:15

Wampu runa jump'i suruyta llank'asqanrayku, llajtanman rina ñantapis mana rejsinchu.

Isaías 1:15

Qankuna mañakunawaykichejpaj makiykichejta oqharejtiykichej, mana qhawarisqaykichejchu. Ashkha kutita mañakuwankichej chaypis, noqa manapuni uyarisqaykichejchu, imaraykuchus makiykichejqa yawarlla.

Ezequiel 33:31

Ajinata aylloyqa jamuspa, ñawpaqeykipi yachasqankuman jina tiyarikunku, parlasqaykita uyarinankupaj. Chaywanpis uyarisqankuta mana ruwankuchu. Simillankuwan misk'ita parlanku, sonqonkupitajrí qolqeta mask'anallapi yuyashanku.

San Mateo 11:12

Bautizaj Juan jamusqanmantapacha kunankamaqa, Diospa janaj pacha kamachiynenqa ñawpajman rishan, awqakuna mana munashajtinkupis. Mana manchachikojkunatajrí Diospa kamachiyninman kallpankuwan yaykuyta munashanku.

San Lucas 13:23

Uj kutitaj uj runa taporqa: Wiraqochíy, pisi runallatachu Dios qhespichenqa? nispa. Jesustaj kuticherqa:

San Lucas 21:36

Qankunarí wakichisqapuni kaychej ari, tukuy tiempo Diosmanta mañarikuspa chay tukuy ima jamoj llakiymanta llusp'inaykichejpaj, ajinamanta Runaj Churinpa ñawpaqenpi mana manchachikuspa rikhuriyta atinaykichejpaj, nispa.

San Juan 13:33

Munasqa wawitaykuna, qankunawan manaña unaytachu kasaj. Imaynatachus judiokunaj kurajninkukunata nerqani, ajinallatataj qankunatapis niykichej: Qankuna mask'awankichej, chaywanpis maymanchus noqa rishani, chayman riyta mana atinkichejchu, nispa.

San Juan 5:4

imaraykuchus chaypacha yuyaj kanku unaymanta unay, uj ángel urayk'amuspa yakuta kuyurichisqanta. Pichus ñawpajta estanqueman yaykojtaj ima onqoyllamantapis qhaliyachisqa kanan karqa.

San Juan 6:27

Ama tukukoj mikhunata tarinaykichejraykullaqa chhikatapuni phutikuychejchu. Aswanpis qankunaqa wiñay kawsayta mask'anaykichejpaj tukuy sonqoykichejta churaychej. Chayta noqa Runaj Churillan qoyta atiykichej, imaraykuchus Tata Dios chaypaj churawarqa, nispa.

San Juan 7:34

Qankuna mask'awankichej, manataj tariwankichejchu, imaraykuchus maypichus kasaj, chayman qankuna mana jamuyta atinkichejchu, nispa.

San Juan 8:21

Jesús uj kutitawan nillarqataj: Noqa ripusaj, qankunataj mask'awankichej. Chaywanpis juchaykichej patapi wañunkichej. Chayrayku maymanchus rishani, chayman qankuna mana riyta atinkichejchu, nispa.

Romanos 10:3

Manallataj yachankuchu Diosqa imaynatachus runata cheqanpaj qhawasqanta. Manachayqa paykuna yuyasqankuman jinalla cheqanpaj qhawasqa kayta mask'arqanku. Ajinamanta imatachus Dios wakicherqa cheqan runapaj qhawasqa kananchejpaj, chayta qhesacharqanku.

Colosenses 1:29

Chaypajmin Cristoj atiyninpi atinikuspa, tukuy sonqoywan sinch'ita ruwashani. Cristoj atiynintaj noqapi sinch'ita llank'ashan.

Hebreos 4:11

Ajinaqa kallpakuna ari Diospa qosqan samarikuyman yaykunanchejpaj. Chaywanpis sichus Diosta mana kasusunchejchu chayqa, ñawpa israelitakuna jina urmallasunmantaj.

Josué 7:3

Kutimuspataj, Josueta nerqanku: Hai llajtata jap'ejqa mana tukuychu rinanchej tiyan, 2.000, chayrí 3.000 jinalla richunku, imaraykuchus Hai llajtayojkunaqa pisilla kanku, nispa.

2 Pedro 1:10

Chayrayku wawqe panakuna, sonqota churaychej cheqapuni Diospa wajyasqan, chantá ajllasqan kasqaykichejta rikuchinaykichejpaj. Ajinata ruwankichej chayqa, mana Jesucristomanta karunchakapunkichejchu.