San Lucas 11:41 - DIOSPA QHELQACHISQAN DEUTEROCANONICAL

⁴¹ Chayrayku sonqoykichejta llimphuchaychej kapuyniykichejmanta wakinta wajchakunaman qospa, ajinamantataj qankuna llimphupuni kankichej.

Qheshwa Biblia DC

⁴¹ Kapuyniykichejmanta wajchasman qoychej. Tukuy imaykichejtaj llimphu kanqa.

DIOSPA QHELQACHISQ

⁴¹ Chayrayku sonqoykichejta llimphuchaychej kapuyniykichejmanta wakinta wajchakunaman qospa, ajinamantataj qankuna llimphupuni kankichej.

Quechua South Bolivia: Dios Parlapawanchej

⁴¹ Wajcha runasman tucuy sonkowan qhuyaspa koychej. Ajinapitaj tucuy ima llimphu cashan kancunapaj.

San Lucas 11:41 ပူးပေါင်းရင်းမြစ်များ

Salmos 112:9

Pay pisichikojkunaman mana mich'akuspa kapuyninmanta jaywan. Allin ruwasqanqa wiñaypaj yuyarisqa kanqa, llimphu sonqowantaj umata oqharenqa.

Salmos 41:1

1 (2) Kusikuyniyojmin pichus mana kallpayoj wajcha runapi yuyajqa. Llakiy p'unchay chayamojtin, Tata Dios payta yanapanqa.

Proverbios 14:31

Wajcha runata waqachejqa Tata Diosta pisipaj qhawan. Wajcha runata khuyajrí Tata Diosta jatunchan.

Proverbios 16:6

Munakuywan, cheqa kaywan ima juchata pampachakun. Pichus Tata Diosta may jatun respetowan qhawajqa mana allinta ruwanamanta karunchakun.

Proverbios 19:17

Wajchakunaman manoyqa Tata Diosman mañariy jina, Tata Dios kikintaj chay manuta junt'aponqa.

Daniel (hebreo) 4:27

27 (24) Chayrayku kamachejníy, yuyaychasqayta kasuway: Kamachej jina cheqanta ruway, amataj astawan juchalliychu. Mana allin kajta ruwayta saqespa, wajcha runakunamanta khuyakuy. Ichapis ajinamanta astawan unayta mana ima llakiyniyoj kawsakunki, tukuy imapipis allillan risonqa, nispa.

San Mateo 26:11

Wajchakunaqa qankuna ukhupi kallanqankupuni. Noqarí manaña qankunawan unaytachu kasaj.

San Mateo 5:42

Pipis imata mañakusojtenqa, qoriy. Jinallataj: Manuriway, nispa nisunkiman chayqa, manuriy.

Marcos 7:19

Mikhunaqa mana runaj sonqonmanchu yaykun, manachayqa wijsallanman, chaymantataj llojsipun. Chayta nispa, Jesús tukuy mikhuna llimphupaj qhawasqa kasqanta niyta munarqa.

San Lucas 12:33

Chayrayku kapuyniykichejta vendeychej, chay qolqeta pisichikojkunaman rak'inaykichejpaj. Ajinamanta mana thantakoj wayaqata ruwakunkichej, kapuyniykichejtataj janaj pachapi waqaychankichej. Chaypeqa kapuyniykichej mana tukukonqachu, manataj suwapis yaykonqachu, nitaj thutapis k'utonqachu.

San Lucas 16:9

Chayrayku qankunapis kay pachapi kapuyniyoj kasqaykichejwan wajta yanapaspa kawsaqekunata mask'akuychej. Ajinamanta kapuyniykichej tukukojtin, wiñaypaj tiyakunapi kusiywan jap'eqasqa kankichej.

San Lucas 18:22

Chayta uyarispa, Jesús payman nerqa: Jina chayqa, uj imatawanraj ruwanayki tiyan: Tukuy kapuyniykita vendespa, wajchakunaman chay qolqeta rak'iray. Ajinata ruwaspa, janaj pachapi tukuy imayoj kanki. Chaymantataj kutimuspa, yachachisqay kanaykipaj noqawan jamuy, nispa.

San Lucas 19:8

Chantá Zaqueo sayarispa, Jesusta nerqa: Tukuyta Kamachej Jesús, tukuy kapuwasqanpa khuskanninta wajchakunaman qosaj. Sichus pimantapis ch'awkiyaspa imatapis suwarqani chayqa, tawa jinatawan kutichipusaj, nispa.

Hechos 10:15

Parlamojtajrí watej nimorqa: Imatachus Dios llimphuña kasqanta nin, chayta ama qan ch'ichi kasqanta niychu, nispa.

Hechos 11:29

Chantá Antioquiapi kaj wawqe panakuna nerqanku sapa uj kapusqanman jina qolqeta tantaspa, apachinankuta Judeapi kaj wawqe panakunaman.

Hechos 24:17

Ajinaqa unay watamanta Jerusalenman kuterqani, llajta masiykunapaj qolqe yanapata apanaypaj, jinallataj Diosman uywa ñak'asqa q'olachinata jaywanaypaj ima.

2 Corintios 8:12

Sichus pipis tukuy sonqowan qoyta munan chayqa, Dios chay qosqanta kusiywan jap'enqa. Pay munan tiyapuwasqanchejman jinalla qonanchejta, manataj mañakuwanchejchu mana tiyapuwajtinchejqa.

Efesios 4:28

Pichus suwakojqa amaña suwachunchu, manachayqa allin kajta ruwaspa, kawsananpaj ganakuchun. Ajinata ruwajtin, qolqeyoj kanqa pisichikojta yanapariyta atinanpaj.

Tito 1:15

Llimphu kajkunapajqa tukuy ima llimphullataj. Ch'ichi sonqoyojkunapaj, chantá Cristoman mana kutirikojkunapaj imarí mana imapis llimphuchu, imaraykuchus yuyayninku, sonqonkupis juchaj pierdechisqan kashan.

Hebreos 13:16

Amataj qonqaychejchu allin kajta ruwayta, jinallataj kapususqaykichejwan wajkunata yanapariyta, imaraykuchus chay jina ruwanapis sumaj jaywana jina Diosta kusichillantaj.

Hebreos 6:10

Diosqa cheqan kaspa, ruwasqaykichejmanta mana qonqaponqachu, jinallataj payta munakusqaykichejmantapis. Chayrayku qankuna Diospa ajllakusqankunata yanaparqankichej, kunanpis yanapashallankichejpuni.

Santiago 1:27

Diospa ñawpaqenpi munasqanta ruwaspa purinaqa llimphu, mana ch'ichiyoj kanan tiyan. Chaytaj kay jina: Wajcha wawakunata khuyarina, warmisapakunata yanapana, chantá Diosman mana kutirikojkunaj millay ruwasqankuwan mana ch'ichichakuna ima.