San Lucas 11:24 - DIOSPA QHELQACHISQAN DEUTEROCANONICAL

²⁴ Jesús uj rijch'anachinatawan nerqa: Jayk'ajchus runamanta supay llojsin, chaypacha, payqa ch'aki jallp'anejta purin samarikuyta mask'aspa. Mana tarispataj, nin: Kutipusaj, pimantachus llojsimorqani, chayman, nispa.

Qheshwa Biblia DC

²⁴ Ch'ichi supay, runamanta llojsejqa ch'aki jallp'asnejta purin samakunata mask'aspa; mana tarispataj nin: Kutipusaj, maymantachus llojsimorqani chay wasiyman.

DIOSPA QHELQACHISQ

²⁴ Jesús uj rijch'anachinatawan nerqa: Jayk'ajchus runamanta supay llojsin, chaypacha, payqa ch'aki jallp'anejta purin samarikuyta mask'aspa. Mana tarispataj, nin: Kutipusaj, pimantachus llojsimorqani, chayman, nispa.

Quechua South Bolivia: Dios Parlapawanchej

²⁴ Jesús cay quiquinchanawan parlarka: —Runamanta millay supaychus llojsin chayka, ch'aquinejpi khasillata purin samariyta masc'aspa. Mana tarispataj nin: “Llojsimorkani, chay runaman cutiycapusaj”, nispa.

San Lucas 11:24 ပူးပေါင်းရင်းမြစ်များ

Job 1:7

Chantá Tata Diosqa ch'ataykoj angelta taporqa: Maymantataj jamushankiri? nispa. Ch'ataykoj angeltaj kuticherqa: Tukuy kay pachata muyumusqaymanta jamushani, nispa.

Job 2:2

Chantá Tata Dios payta taporqa: Maymantataj jamushankiri? nispa. Ch'ataykoj angeltaj kuticherqa: Kay pachata muyumusqaymanta jamushani, nispa.

Salmos 63:1

1 (2) Diosníy, qanmin Diosniy kanki. Noqataj imata jina qanta mask'ayki, imaraykuchus tukuy sonqo qanpa ñawpaqeykipi karikuyta munani, imaynatachus ch'aki jallp'a yakuta munan, ajinata.

Proverbios 4:16

Paykunaqa mana puñunkuchu mana allin kajta mana ruwaspaqa. Sichus pitapis mana urmachinku chayqa, mana puñuypis jap'inchu.

Isaías 35:7

Chay ch'aki jallp'aqa yaku qochaman tukonqa, mana jayk'aj yaku tarinapitaj yaku juturikuna t'ojyanqa. Maynejkunapichus k'ita alqokuna puñoj kanku, chay cheqapi soqosowan, t'uturawan ima wiñanqanku.

Isaías 44:3

Noqaqa ch'aki pampapi yakuta puririchisaj, ch'aki jallp'apipis yaku mayukuna kanqa. Mirayniykimanpis Espirituyta kachamullasajtaj, wawaykikunatataj saminchasaj.

Isaías 48:22

Millay runakunapajrí mana allin kawsay kanchu. Ajinata Tata Dios nin.

Marcos 5:10

Chayta niytawantaj, Jesusmanta mayta mañakorqa ama karuman wijch'unanta.

Marcos 9:25

Chantá ashkha runakuna tantakamushajta rikuspa, Jesús chay supayta k'amerqa: Kay waynata opayachej, joq'arayachej supay, noqa kamachiyki: Llojsiy paymanta, amataj ujtawan payman kutiykunkichu, nispa.

San Lucas 11:25

Chayaspataj, pay reparan chay runa sumaj pichasqa, k'uchunchasqa ch'usaj wasi jina kashasqanta.

Efesios 2:2

Chaykunapi qankuna ñawpajta kawsaj kankichej, Diosman mana kutirikojkunaj purisqankuta qhatispa. Jinallataj mana rikukoj atiyniyojkunata kamachej Kuraj Supayta kasorqankichej, mayqenchus Diosta mana kasojkunaj sonqonkupi llank'ashan, chayta.

1 Pedro 5:8

Jinallataj allin yuyayniyoj jina, allinta qhawakuspa puriychej, imaraykuchus awqaykichej Kuraj Supayqa phiña león jina qhaparirispa, muyuykachashasunkichej, mayqellantapis oqoykunanpaj.