San Lucas 1:35 - DIOSPA QHELQACHISQAN DEUTEROCANONICAL

³⁵ Angeltaj kuticherqa: Santo Espíritu qanman jamonqa, Diospa atiynintaj llanthuykusonqa. Chayrayku paqarichikunki, chay wawaqa Diospaj t'aqasqa kanqa, Diospa Churin sutichasqataj.

Qheshwa Biblia DC

³⁵ Angeltaj kuticherqa: Santa Espíritu qanman jamonqa, Diospa atiynintaj llanthusonqa; nacej wawaqa ajllasqa sutichasqa kanqa Diospa Churin.

DIOSPA QHELQACHISQ

³⁵ Angeltaj kuticherqa: Santo Espíritu qanman jamonqa, Diospa atiynintaj llanthuykusonqa. Chayrayku paqarichikunki, chay wawaqa Diospaj t'aqasqa kanqa, Diospa Churin sutichasqataj.

Quechua South Bolivia: Dios Parlapawanchej

³⁵ Angeltaj payman cuticherka: —Santo Espíritu kanman uraycamusonka. C'ata Diospa atiynintaj kanta c'anchaycamusonka. Chayraycu wawayqueka mana juchayoj, c'acha rejsiska canka, Diospa cheka Wawan.

San Lucas 1:35 ပူးပေါင်းရင်းမြစ်များ

Job 14:4

Pitaj ch'ichita llimphuman tukuchiyta atinmanri? Mana pipis atinmanchu.

Job 15:16

Astawanraj millay juchasapa runapi mana atinikonqachu, yakutapis ujyashanman jina millay kajta ruwaj runapi.

Job 25:4

Runaqa Diospa ñawpaqenpi llimphu kayta atinmanchu? Mana pipis warmimanta paqarejqa juchamanta llimphuchu.

Salmos 2:7

Noqaqa Tata Diospa kamachisqanta willasaj. Paymin niwan: Qanqa churiy kanki, kunantaj noqa tatayki kani.

Salmos 51:5

5 (7) Paqarisqaymantapacha juchallinaman aysasqa sonqo kasqayta yachani. Mamaypa wijsanmantapacha noqa juchasapa kani.

San Mateo 1:18

Jesucristoj paqarikusqan kay jina karqa: María mamanqa mañaqasqa karqa Josewan casarakunanpaj. Chaywanpis manaraj khuska tiyakushajtinku, Mariaqa wijsallisqa rikhurerqa Santo Espíritoj atiyninwan.

San Mateo 1:20

Joseqa Mariata saqerpayayta yuyashajtintaj, Diospa angelnin payman mosqoypi rikhurispa, nerqa: José, Davidpa ayllunmanta kaj, Mariawan casarakullay, amataj p'enqakuychu, imaraykuchus pay wijsallisqa kashan Santo Espíritoj atiyninnejta.

San Mateo 14:33

Chaymantataj botepi kajkuna Jesusman qayllaykuspa, k'umuykukorqanku, nerqankutaj: Qanpuni Diospa Churin kanki, nispa.

San Mateo 27:54

Chaypacha romano soldadokunaj kuraj kamachejninku, chantá Jesusta qhawasharqanku, chay soldadokunawan ima jallp'ata ikhakojta, chay waj imakunatawan ima rikorqanku. Chayrayku maytapuni mancharikuspa, nerqanku: Kay runaqa Diospa Churinpuni, nispa.

San Mateo 4:3

Chaypacha Kuraj Supayqa Jesusta juchallichiyta munaspa qayllaykorqa, nerqataj: Sichus Diospa Churin kanki chayqa, kay rumikunata t'antaman tukunankuta niy, nispa.

Marcos 1:1

Kayqa Diospa Churin Jesusmanta sumaj willay, pichus Cristo karqa, chaymanta.

Marcos 1:24

Nazaretmanta Jesús, ima nispa noqaykuwan jap'inakoj jamunkiri? Noqaykuta tukuchejchu jamunki? Noqa yachani pichus kasqaykita. Qanqa Diospa May Llimphu Kaj Ajllakusqan kanki, nispa.

San Lucas 1:27

Chaypi manaraj qharita rejsej María sutiyoj uj sipas tiyakorqa. Payqa casarakunanpaj parlapayasqa karqa Josewan, pichus ñawpa kuraj kamachej Davidpa mirayninmanta karqa, chaywan.

San Lucas 1:34

Chaymanta Mariaqa angelta taporqa: Chantá imaynataj chay kanqari? Noqaqa manaraj qharita rejsinichu, nispa.

San Lucas 1:36

Jinallataj aylluykimanta Elisabet payaña kashaspapis, qhari wawayoj kanqa. Pitachus mana wawayojchu, nispa nej kanku, kunan chay warmeqa sojta killa onqojña.

San Juan 1:34

Noqataj ajina kasqanta rikorqani, sut'inchanitaj Jesusqa Diospa Churin kasqanta, nispa.

San Juan 1:49

Chaymanta Natanael, nerqa: Yachachej, qanqa Diospa Churin kanki, Israelpa Kuraj Kamachejnintaj, nispa.

San Juan 20:31

Kaykunarí qhelqasqa kashan, qankuna creenaykichejpaj Jesusqa Diospa Churin Cristo kasqanta, ajinamanta paypa atiyninnejta wiñay kawsayniyoj kanaykichejpaj.

Hechos 8:36

Ñanta rishaspataj, chayarqanku, maypichus yaku karqa, chayman. Chantá eunucoqa Felipeta nerqa: Kaypi yaku tiyan. Manachu atiyman noqa bautizasqa kayta? nispa.

Romanos 1:4

Jinallataj Santo Espíritu sut'ita sut'incharqa Jesusqa Diospa Churinpuni kasqanta, maypachachus jatun atiyninnejta payta wañusqamanta kawsaricherqa, chaypacha. Paymin Tukuyta Kamachej Jesucristo.

Gálatas 2:20

Noqaqa Cristowan khuska chakatasqa karqani, kunantaj manaña ñawpajta jinachu kawsani. Manachayqa noqapi Cristo munayninta ruwaspa kawsan. Chayrayku kunan Diospa Churinpi atinikusqayrayku kawsashani, imaraykuchus paymin munakuwarqa, noqaraykutaj pay kikin wañuchisqa kananpaj jaywaykukorqa.

Efesios 2:3

Ñawpajta tukuyninchej ajinallatataj kawsaj kanchej. Juchallinaman aysaj sonqonchejpa munayninman jina purej kanchej, munasqanta, yuyasqanta ima ruwaspa. Ajinamanta noqanchejpis chay wajkuna jina Diosnejta sinch'i jasut'isqa kanapaj jina karqanchej.

Hebreos 4:15

Chay Kuraj Kaj Sacerdotenchej pisi kallpa kasqanchejta yachaspa, khuyarikuwanchej, imaraykuchus payqa noqanchej jinallataj juchallinaman tanqasqa karqa. Chaywanpis pay mana jayk'ajpis juchallerqachu.