San Juan 8:44 - DIOSPA QHELQACHISQAN DEUTEROCANONICAL

⁴⁴ Qankunaj tataykichejqa Kuraj Supaymin, qankunataj paypa munasqallanta ruwayta munankichej. Payqa qallariymantapacha runa wañuchipuni, cheqa kajtataj mana uyariyta munanchu. Cheqa kajqa manallataj sonqonpi kanchu. Llullakuspaqa, llulla kasqanman jinapuni parlan, imaraykuchus payqa llulla, llullakuyta rikhurichejtaj.

Qheshwa Biblia DC

⁴⁴ Qankunaqa tataykichej supaymanta kankichej; chay tataykichejpa munaynintataj junt'ayta munankichej. Payqa runa wañuchipuni qallariymantapacha karqa, manataj jayk'ajpis cheqapeqa sayarqachu, nitaj cheqa kajqa sonqompichu karqa. Llullata parlaspaqa, paypa kayninmanta parlan; imaraykuchus payqa llulla, llullakuypa tatan kasqanrayku.

DIOSPA QHELQACHISQ

⁴⁴ Qankunaj tataykichejqa Kuraj Supaymin, qankunataj paypa munasqallanta ruwayta munankichej. Payqa qallariymantapacha runa wañuchipuni, cheqa kajtataj mana uyariyta munanchu. Cheqa kajqa manallataj sonqonpi kanchu. Llullakuspaqa, llulla kasqanman jinapuni parlan, imaraykuchus payqa llulla, llullakuyta rikhurichejtaj.

Quechua South Bolivia: Dios Parlapawanchej

⁴⁴ Kancunaka tatayquichej supay Satanasmanta canquichej. Tatayquichejpa munayninta ruwaytataj ajllanquichej. Payka kallariymantapacha runa wañuchi carka. Cheka cajtapis ni jayc'aj munarkachu. Manachayrí paypeka llullacuyllamin. Tucuy llulla cayka paymanta jamun. Chayraycutaj llullata parlaspaka payllamanta parlan.

San Juan 8:44 ပူးပေါင်းရင်းမြစ်များ

Génesis 3:15

Noqataj qantawan, warmitawan jap'inachisqaykichej. Jinallataj mirayniykiwan, mirayninwanpis chejninakonqanku. Warmej mirayninmanta kajqa umaykita sarusonqa, qantaj chaki talonninmanta khaninki, nispa. Ajinata Diosqa katarita nerqa.

1 Reyes 22:22

Chay espiritutaj nerqa: Noqaqa rispa, kuraj kamachejpa tukuynin sut'inchajninkunata llullata parlachisaj, nispa. Tata Diostaj nerqa: Rispa, nisqaykiman jina Ajabta q'otiyamuy. Chayta ruwaspa, pusayta atinki, nispa.

1 Crónicas 21:1

Ch'ataykoj angelqa israelitakunaj contrankupi oqharikuspa, Davidta enqhaykorqa, israelitakunata yupachinanpaj.

Job 1:11

Kunanqa tukuy kapusqanta qhechurpariy, rikunkitaj imaynatachus uyarinaykita contraykipi rimasqanta, nispa.

San Mateo 12:34

Qankuna venenoyoj katarikuna jina kankichej. Imaynatataj allin kajta parlawajchej, qankuna mana allin runakuna kashaspari? Imawanchus runaj sonqon junt'a kashan, chayman jina parlan.

San Mateo 13:15

Kay runakunaj sonqonqa rumiyasqa, ninrinkupis lojt'uyachisqa. Ñawinkutapis wisq'allankutaj ama rikunankupaj. Paykunachus ñawinkuwan qhawankuman, ninrinkuwan uyarinkuman, tukuy sonqotaj kutirikamuwankuman chayqa, chaypacha noqaqa paykunata qhaliyachiyman, nispa.

San Mateo 13:38

Jallp'aqa kay pachawan ninakun. Sumaj mujutaj Diospa janaj pacha kamachiyninpi kajkuna kanku, cizañataj Kuraj Supayta kasojkuna.

San Juan 6:70

Jesustaj kuticherqa: Chunka iskayniyojta ajllarqaykichej. Chaywanpis qankunamanta ujniykichejqa Supaymin, nispa.

San Juan 7:17

Pichus Diospa munasqanta ruwayta munajqa, yachachisqay Diosmantachus, chayrí noqallamantachus kasqanta yachanqa.

San Juan 8:38

Noqaqa Tata Diosniywan kashaspa imatachus rikusqayta willaykichej. Qankunatajrí imatachus tataykichej yachachisorqachej, chayta ruwashankichej, nispa.

San Juan 8:41

Qankunarí tataykichej jinallataj ruwashankichej, nispa. Paykunataj nerqanku: Mana noqaykoqa k'ipa wawachu kayku. Uj Tatayojlla kayku, chaytaj Diosmin, nispa.

San Juan 8:55

Qankuna mana payta rejsinkichejchu, noqatajrí payta rejsini. Noqachus niyman: Mana rejsinichu, nispa chayqa, qankuna jina llulla kayman. Noqarí payta rejsini, nisqantataj junt'ani.

Hechos 13:10

Ya, llullaj atipasqan, tukuy millay ruwanawan junt'asqa runa, qanqa Kuraj Supaypa wawan kanki, tukuy allin kajpa awqantaj. Mayk'ajkamataj Diospa cheqan ñanninta q'ewinkiri?

Hechos 24:9

Chantá Tértulo chayta nejtin, chaypi kaj judiokunapis nillarqankutaj ajinapuni kasqanta.

Hechos 5:3

Jinapi Pedro payta nerqa: Ananías, imaraykutaj Supay Satanasta sonqoykipi kasunki? Qanqa Santo Espirituta q'otiyayta munaspa vendesqayki qolqemanta wakinta pakaykorqanki.

2 Corintios 11:3

Jinapis kharkani qankunaqa Cristomanta ch'uwa sonqo kaywan yuyasqaykichejmanta pantachisqa kanaykichejta, imaynatachus kataripis Evata q'otiyarqa, ajinata.

1 Pedro 5:8

Jinallataj allin yuyayniyoj jina, allinta qhawakuspa puriychej, imaraykuchus awqaykichej Kuraj Supayqa phiña león jina qhaparirispa, muyuykachashasunkichej, mayqellantapis oqoykunanpaj.

2 Pedro 2:4

Diosqa wakin juchallikoj angelkunaj juchankuta mana pampacharqachu. Aswanpis paykunata ukhu pachaman wijch'uykorqa, tuti laqhapi wisq'asqa kanankupaj juzgasqa kananku p'unchay chayamunankama.

1 Juan 1:8

Sichus mana juchayoj kasqanchejta ninchej chayqa, noqallanchejtaj q'otiyakushanchej, manataj cheqa kajtachu parlashanchej.

1 Juan 2:21

Manamin cheqa kajta mana rejsisqaykichejraykuchu noqa kayta qhelqamuykichej, manachayqa cheqa kajta rejsisqaykichejrayku. Jinallataj qankuna cheqan kaj mana cheqan kajmanta waj jina kasqanta yachankichej.

1 Juan 2:4

Sichus pipis ninman: Noqaqa Dioswan allinpi kawsakushani, nispa, nitaj kamachisqanta kasunchu chayqa, chay runaqa llullamin, manataj cheqantachu parlashan.

1 Juan 3:12

Ama Caín jinaqa kanachejchu. Payqa Kuraj Supaypata kasqanrayku, wawqenta wañucherqa. Imaraykutaj Caín wawqenta wañucherqari? Payta wañucherqa, imaraykuchus paypa ruwasqan mana cheqanchu karqa, wawqenpatataj cheqan.

1 Juan 3:15

Pichus Jesucristota qhatikoj masinta chejnikojqa runa wañuchi, yachankichejtaj runa wañucheqa mana wiñay kawsayta jap'inanta.

Judas 1:6

Jinallataj wakin angelkunapis Tata Dios qosqan kamachinapaj atiyta mana waqaychasqankuchu. Manachayqa maynejmanchus churasqa karqanku, paykuna chayta saqesqanku. Diostajrí chay angelkunata tuti laqhayaypi wiñaypaj wisq'aykusqa, jatun juicio p'unchaypi juchachasqa kanankupaj.

Apocalipsis 12:9

Ajinata chay jatun sierpe jawaman wijch'usqa karqa. Chay sierpeqa unay ñawpa katari, pichus Kuraj Supay, Satanastaj sutichasqa kashan, chay. Payqa llullakuspa, kay pachapi tukuy runata loq'eyan. Chantá sierpeta, angelninkunatawan ima kay pachaman wijch'umorqanku.

Apocalipsis 13:14

Jinallataj jallp'amanta rikhurimoj sierpeqa ñawpa kaj sierpe atiyta qosqanwan t'ukuna imakunata ruwarqa, chaykunawantaj kay pachapi tukuy runata q'otiyarqa. Chantá jallp'amanta rikhurimoj sierpe kamachillarqataj, chay ñawpaj kaj sierpej lantinta ruwanankuta, mayqenpa ujnin umanchus k'irisqa kashajtin thañiporqa, chaypata.

Apocalipsis 2:10

Chaywanpis imatachus ñak'arinaykimanta ama manchachikuychu, imaraykuchus Kuraj Supay qankunamanta wakinta wisq'achenqa, cheqatapunichus noqapi atinikusqaykichejta yachananpaj. Chaypacha, chunka p'unchayta ñak'arichisqa kankichej. Qanrí wañunaykikama kasuwaspallapuni puriy, noqataj wiñay kawsayta t'inkata jina qosqayki.

Apocalipsis 21:8

Manchalikunarí, Diospi mana atinikuyta munajkuna, millay kajkuna, runa wañuchejkuna, khuchichakojkuna, layqakuna, lanti yupaychajkuna, chantá tukuy llullakojkuna ima azufrewan lawrashaj nina qochaman wijch'uykusqa kanqanku. Chaymá iskay kaj wañoyqa.

Apocalipsis 22:15

Jinapis jawapi qhepakonqanku millayta ruwajkuna, layqakuna, khuchichakojkuna, runa wañuchejkuna, lantita yupaychajkuna, jinallataj llullakuyta munakojkuna, chantá mana cheqanta ruwayta munakojkuna ima.

Apocalipsis 9:11

Phinki phinkikunata kamachejqa ukhu pachaj angelnin karqa, sutintaj hebreo parlaypi Abadón, griego parlaypitaj Apolión. Chay niyta munan “chinkachej”, nispa.