San Juan 8:31 - DIOSPA QHELQACHISQAN DEUTEROCANONICAL

³¹ Chantá Jesús paypi atinikoj runakunata nerqa: Nisqaytachus kasunkichej chayqa, cheqapuni yachachisqaykuna kankichej.

Qheshwa Biblia DC

³¹ Chantá, Jesús nerqa paypi creej judiosman: Palabrayman jinachus sayankichej chayqa, cheqamanta yachachisqasniy kankichej.

DIOSPA QHELQACHISQ

³¹ Chantá Jesús paypi atinikoj runakunata nerqa: Nisqaytachus kasunkichej chayqa, cheqapuni yachachisqaykuna kankichej.

Quechua South Bolivia: Dios Parlapawanchej

³¹ Paypi jap'icoj israelcunaman Jesús nerka: —Nokaj niskayta casuspalla kancunaka cheka yachacojcunay canquichej.

San Juan 8:31 ပူးပေါင်းရင်းမြစ်များ

San Mateo 24:13

Chaywanpis qankunamanta pichus tukukuykama sinch'ita sayaj, chay runatamá Dios qhespichenqa.

San Juan 1:47

Chantá Jesús Natanaelta payman qayllaykushajta rikuspa, nerqa: Kay runaqa israelitapuni, imaraykuchus payqa mana pitapis q'otiyanchu, nispa.

San Juan 2:2

Jesús, chantá yachachisqankuna ima chay casarakuyman rinankupaj wajyarisqa karqanku.

San Juan 6:55

Ukhuypis, yawarniypis sumaj mikhuna jina, chaytaj mikhojman, ujyajman ima kawsayta qon.

San Juan 8:36

Chayrayku Churichus juchaykichejmanta kacharichisonqachej chayqa, cheqapuni kacharichisqa kankichej.

Hechos 13:43

Chay tantakuna wasimanta puririshajtinkutaj, ashkha judiokuna, chantá Diosta yupaychaj mana judiokuna ima Pablota, Bernabetawan qhaterqanku. Jinapitaj Pablowan, Bernabewan paykunata yuyaycharqanku Diospa qhasilla k'acha yanapayninpi mana sayk'uspa kakunankuta.

Hechos 14:22

Chay llajtakunapitaj paykuna Jesuspi atinikojkunata kallpacharqanku Jesusta qhatikusqankupi sinch'ita sayanankupaj, nerqankutaj: Diospa kamachiyninman yaykunanchejpaj noqanchej tukuy imaynamanta ñak'arinanchejpuni tiyan, nispa.

Hechos 26:22

Chaywanpis Dios yanapawasqanrayku kunankama kawsashaniraj, chayraykutaj Jesusmanta willani mana kasu ruwana kajkunaman, atiyniyojkunamanpis. Imatachus Diosmanta ñawpaj sut'inchajkuna, Moisés ima kananta nerqanku, chay kikinta yachachini.

Romanos 11:22

Qhaway ari, Dios may jina k'acha kasqanta, jinallataj cuentaman churay Diosqa mana imallatapis pasachej kasqanta. Diosqa juchallejkunaj juchankuta mana qhawakullarqachu chaypis, qanwan k'acha karqa. Sitajchus qan k'acha kasqanmanta jap'ikuspa kawsanki chayqa, Diosqa k'achallapuni kanqa. Mana jap'ikunkichu chayrí, qanpis k'utusqallataj kanki.

Romanos 2:7

Allinta ruwaspa mana sayk'ojkunaman Dios wiñay kawsayta qonqa, pikunachus Diospa ñawpaqenpi jatunpaj qhawasqa kayta mask'anku, mana jayk'aj wañuyta ima, chaykunaman.

Colosenses 1:23

Chaywanpis chay ajina kananpaj Cristopi atinikuspa sinch'ita sayanaykichej tiyan. Jinallataj Jesusmanta sumaj willayta jap'ikusqaykichejrayku imatachus tukuy sonqo suyashankichej, chaymanta mana karunchakunaykichejchu tiyan. Chay sumaj willayqa tukuynejpi willasqa kashan, noqataj chay sumaj willaymanta willaranaypaj churasqa kani.

1 Timoteo 2:15

Chay tukuywanpis warmeqa chaymanta qhespichisqa kanqa, sichus mama jina imachus ruwananta junt'anqa chayqa. Jinallataj pay Diospi atinikuspa, munakuypi, llimphu kawsaypi ima purinan tiyan.

1 Timoteo 4:16

Qan imaynatachus purisqaykita allinta qhawakuy, jinallataj wajkunaman imatachus yachachisqaykitapis. Chantá imachus cheqan kajpi sinch'ita sayay qhespichisqa kasqaykej allinninpaj, jinallataj uyarisojkunapis qhespichisqa kanankupaj.

2 Timoteo 3:14

Qanrí imatachus yachaqakusqaykipi sinch'ita sayay. Qan yachanki chayqa cheqapuni kasqanta. Yachallankitaj, pikunachus chayta yachachisorqanku, chaykunapi atinikuyta atisqaykita.

Hebreos 3:14

Noqanchej Cristowan khuska chayaqeta jap'inanchejpaj churasqa kanchej, sichus Diospi atinikusqanchejpi qallariymanta tukukuykama sinch'ita sayasunchej chayqa.

Hebreos 8:9

Kay tratoqa mana ñawpa tatankukunawan ruwasqay trato jinachu kanqa. Chay tratota ruwarqani maypachachus paykunata makinkumanta aysarispa, Egipto suyumanta orqhomorqani chaypacha. Paykunatajrí trato ruwasqayta mana junt'arqankuchu. Chayrayku noqapis paykunata mana rikoj tukorqani, nispa Tukuyta Kamachej Dios nin.

Santiago 1:25

Aswanpis Diospa mana pantayniyoj kacharichej kamachisqanta allinta qhawana. Chantá mana qonqaspa, chayta kasuna. Pichus Diospa nisqanta ajinata kasojtaqa Dios saminchanqa.

1 Juan 2:19

Paykunaqa noqaykuwan khuska karqanku. Chaywanpis mana noqaykumantapunichu karqanku. Noqaykumantachus kankuman karqa chayqa, paykunaqa noqaykuwan qhepakunkuman karqa. Jinapis llojsipuspa, mana jayk'ajpis noqaykumantachu kasqankuta yachayta qorqanku.

1 Juan 2:24

Chayrayku, imatachus qallariymantapacha yachachisorqachej, chayta kasuspa ama sayk'uychejchu. Sichus qallariymantapacha yachasqaykichejta kasuspallapuni kankichej chayqa, Churiman, Tata Diosman ima ujchasqa kashankichej.

2 Juan 1:9

Pichus pantaykuspa, mana Cristoj yachachisqanpi sayanchu chayqa, Dios mana paywanchu kashan. Pichus Cristoj yachachisqanpi sayajrí Tata Dioswan, chantá Churinwan ima ujchasqa kashan.

1 Samuel 12:14

Sichus Tata Diosta manchachikuspa, payllata yupaychankichej, sitajchus nisusqaykichejta uyarispa, kamachisqanta kasunkichej, chantá qankuna, jinataj kuraj kamachejniykichej ima Diosniykichej Tata Diospa munayninman jina kawsankichej chayqa, tukuy imapis allillanmin kanqa.