San Juan 8:20 - DIOSPA QHELQACHISQAN DEUTEROCANONICAL

²⁰ Jesús chayta nerqa Temploj pationpi ofrendata churana cheqanejpi yachachishaspa. Chaywanpis mana pipis payta jap'icherqachu, imaraykuchus pichus pay kasqanta rejsichikunan p'unchay manaraj chayamusqachu.

Qheshwa Biblia DC

²⁰ Jesustaj kay imasta nerqa, templopi yachachishaspa ofrendata churana cheqapi; manataj pipis payta jap'iykorqachu, imaraykuchus manaraj horan chayamorqachu.

DIOSPA QHELQACHISQ

²⁰ Jesús chayta nerqa Temploj pationpi ofrendata churana cheqanejpi yachachishaspa. Chaywanpis mana pipis payta jap'icherqachu, imaraykuchus pichus pay kasqanta rejsichikunan p'unchay manaraj chayamusqachu.

Quechua South Bolivia: Dios Parlapawanchej

²⁰ Tucuypa ñaupakencupi Jesús chay imasta parlasharka kolke churana chaypi, yupaychana-wasi patiopi yachachishaspa. Nitaj pipis payta jap'iycorkachu wañunan hora manaraj chayamuskanraycu.

San Juan 8:20 ပူးပေါင်းရင်းမြစ်များ

1 Crónicas 9:26

Tawantin punku qhawajkuna mana jayk'aj saqespa qhawallajpuni kanku. Paykunaqa levitakuna karqanku, Diospa Templonpi kaj cuartokunata, jinataj qhapaj kaj imakunatawan qhawaj kanku.

San Mateo 26:55

Chantá Jesús chay runakunata taporqa: Suwata jinachu jap'iwaj jamunkichej, espadayoj, k'aspiyoj ima? Sapa p'unchay Temploj pationpi yachachishajtiy, imaraykutaj mana jap'iwarqankichejchuri?

San Mateo 27:6

Jinapi kuraj sacerdotekuna chay qolqeta oqharispa, nerqanku: Kay qolqetaqa mana Diosman jaywana qolqetawan khuska waqaychayta atisunmanchu, imaraykuchus kay qolqeqa runa wañuchinapaj pagana qolqe, nispa.

Marcos 12:41

Jesús qolqe churana qayllapi tiyashaspa, imaynatachus runakuna Temploman qolqeta apamushasqankuta qhawasharqa. Chaypacha ashkha qhapajkunaqa ashkha qolqeta churasharqanku.

Marcos 12:43

Jesustajrí yachachisqankunata wajyaspa, nerqa: Kayta sut'ita niykichej: Kay wajcha warmisapaqa qolqe churanaman aswan ashkhata churan tukuy churajkunamanta nisqaqa.

San Lucas 20:19

Chayta uyarispa, kuraj sacerdotekuna, Diospa kamachisqanmanta yachachejkuna ima Jesusta chay kikinpi jap'iykuyta munarqanku, imaraykuchus reparakorqanku contrankuta chay rijch'anachinata nisqanta. Chaywanpis, mana payta jap'erqankuchu runakunata manchachikusqankurayku.

San Lucas 21:1

Uj kuti Jesús Temploj pationpi kashaspa, qhawasharqa imaynatachus qhapajkunaqa Diospaj qolqeta apamusqankuta qolqe churanaman churashasqankuta.

San Juan 10:39

Jesús chayta nisqanrayku, chay runakuna ujtawan Jesusta jap'iytapuni munarqanku. Paytajrí qayllankumanta chinkarerqa.

San Juan 2:4

Jesustajrí kuticherqa: Mamáy, imaraykutaj chayta niwankiri? Pichus noqa kasqayta rejsichikunay p'unchay manaraj chayamunchu, nispa.

San Juan 7:14

Khuskan raymi kashajtin, Jesús Temploman rerqa. Chantá Temploj pationpi yachachiyta qallarerqa.

San Juan 7:30

Chaymanta paykuna Jesusta jap'iyta munarqanku, manataj mayqenpis aterqachu, imaraykuchus manaraj jap'inanku p'unchay chayamusqarajchu.

San Juan 7:44

Paykunamanta wakintaj Jesusta jap'iykuyta munarqanku. Chaywanpis mana pipis imanayta aterqachu.

San Juan 7:8

Qankuna raymiman rillaychej. Noqarí manaraj risajchu, imaraykuchus pichus kasqayta rejsichikunay p'unchay manaraj chayamunrajchu, nispa.

San Juan 8:2

Q'ayantin sut'iyaytataj Temploj pationman Jesús kutirejtin, may chhika runa chayman tantakorqanku. Jesustaj tiyarikuspa, paykunaman yachacherqa.

San Juan 8:59

Chaymanta judiokunaqa Jesusta ch'anqaykunankupaj rumita oqharikorqanku. Paytajrí paykunaj chawpinkuta rispa, Temploj pationmanta llojsiporqa.