San Juan 8:15 - DIOSPA QHELQACHISQAN DEUTEROCANONICAL

¹⁵ Qankunaqa runaj yuyasqanman jinalla noqata juzgashawankichej. Noqatajrí mana pitapis juzganichu.

Qheshwa Biblia DC

¹⁵ Qankunaqa, aychaj munasqanman jinalla juchachankichej. Noqataj mana pitapis juchachanichu.

DIOSPA QHELQACHISQ

¹⁵ Qankunaqa runaj yuyasqanman jinalla noqata juzgashawankichej. Noqatajrí mana pitapis juzganichu.

Quechua South Bolivia: Dios Parlapawanchej

¹⁵ Kancunaka cay pacha yuyaymanjinalla chay willaskay chekachus manachus caskanta ninquichej. Nokarí ni pita juchachashanichu.

San Juan 8:15 ပူးပေါင်းရင်းမြစ်များ

Amós 5:7

Ay, qankunamanta, justiciata ñak'arinaman tukuchejkuna, pikunachus cheqan kajta ruwanata pampaman wijch'ojkuna.

Amós 6:12

Caballokuna atinkumanchu chhankata wichariyta? Atinmanchu pipis mama qochapi yuntawan llank'ayta? Qankunarí justiciata wañunaman tukuchinkichej, justiciaj ruwasqantataj jayaman tukuchinkichej.

Habacuc 1:4

Mana kamachisqaykiman jinachu imatapis ruwanku, nitaj pipajpis justicia kanchu. Millay runakunaqa cheqan runakunata qhatiykachanku, ajinamantataj justiciata q'ewinku.

San Lucas 12:14

Jesustaj kuticherqa: Wawqéy, pitaj noqata juezpaj churawarqa, chayrí chayaqeta rak'ejta jinari? nispa.

San Juan 12:47

Chaywanpis parlasqayta uyarispa mana kasojtaqa mana noqachu juchachani, imaraykuchus mana runakunata juchachajchu jamorqani. Aswanpis paykunata qhespichej jamorqani.

San Juan 18:36

Jesustaj kuticherqa: Noqaqa mana kay pachapi kamachejkuna jinachu kani. Kay pachapichus kamachiyta munayman chayqa, noqata qhatiwajkuna maqanakunkuman judiokunaj kurajninkukuna ama jap'inawankupaj. Noqarí mana kay pachapi kamachejkuna jinachu kani, nispa.

San Juan 3:17

Diosqa mana runakunata juchachananpajchu Churinta kay pachaman kachamorqa, manachayqa paynejta paykunata qhespichinanpaj.

San Juan 7:24

Ama qhawasqaykichejman jinallaqa niychejchu imachus allin, imatajchus mana allinchu kasqantaqa. Manachayqa cheqan kajman jina allinta unanchaychej chayta reparanaykichejpaj, nispa.

San Juan 8:11

Warmitaj nerqa: Mana pipis, wiraqochíy, nispa. Jesustaj payta nerqa: Noqapis manallataj juchachaykichu. Kunanqa ripuy, amañataj ajinata juchallispa puriyñachu, nispa.

Romanos 2:1

Chayrayku, qanqa judío kashaspapis, mana ni imata kutichikuyta atinkichu, imaraykuchus wajkunata juchachaspaqa, qan kikillaykitataj juchachakushanki. Qan wajkunata juzgashaspapis, kikillantataj ruwanki.

1 Corintios 2:15

Chaywanpis pichus Diospa Espiritunpa yanapasqan kajqa, allinchus manachus kasqanta tukuy imata qhawan. Chaywanpis pikunachus mana Diospa Espiritunniyojchu kanku, chaykuna Diospa Espiritunniyoj kajta mana juzgayta atinkuchu.

2 Corintios 5:16

Chayrayku kunanmanta ñawpajmanqa manaña pitapis qhawaykuchu Diosman mana kutirikojkunaj yuyasqankuman jina. Arí, ñawpajta Cristotapis Diosman mana kutirikojkuna jina qhawaj kayku. Kunanrí payta manaña jinatachu qhawayku.

Santiago 2:4

Manachu chayta ruwaspaqa, runata qhawarashankichej, millay yuyayniyoj juez jina?

1 Samuel 16:7

Tata Diostajrí nerqa: Ama allin rijch'ayninta qhawaychu, nitaj sayaynintapis. Mana noqaqa payta ajllakunichu. Noqaqa mana runa jinachu qhawani. Runaqa ñawinpa rikusqallanta qhawan, noqarí sonqota qhawani, nispa.