San Juan 7:37 - DIOSPA QHELQACHISQAN DEUTEROCANONICAL

³⁷ Chay raymi tukukuy jatun p'unchaypi Jesús sayariytawan, jatunmanta parlaspa, nerqa: Tukuy pichus yakumanta ch'akichikojqa noqaman jamuchun, noqataj ujyananpaj yakuta qosaj.

Qheshwa Biblia DC

³⁷ Qhochuku tukukuy jatun p'unchaypitaj, Jesús sayariytawan sinch'ita parlaspa nerqa: Pichus ch'akichikojqa, noqaman jamuchun, ujyachuntaj.

DIOSPA QHELQACHISQ

³⁷ Chay raymi tukukuy jatun p'unchaypi Jesús sayariytawan, jatunmanta parlaspa, nerqa: Tukuy pichus yakumanta ch'akichikojqa noqaman jamuchun, noqataj ujyananpaj yakuta qosaj.

Quechua South Bolivia: Dios Parlapawanchej

³⁷ Tucuy chay jatun p'unchaycunamanta khepa caj p'unchayka aswan sumaj carka. Chay p'unchaypitaj Jesuska tucuypa ñaupakencupi sayaricuspa nerka: —Ch'aquichicoj runajina wiñay causayta munajka nokaman jamuchun wiñay causayta jap'inanpaj.

San Juan 7:37 ပူးပေါင်းရင်းမြစ်များ

Nehemías 8:18

Chay raymita chay qanchis p'unchaykunapi israelitakuna ruwashajtinku, Esdrasqa sapa p'unchay Diospa kamachisqanmanta qhelqata paykunaman yachacherqa. Pusaj kaj p'unchaypitaj tukuyninku jatun tantakuypi tantakorqanku, kamachisqa kasqanman jina.

Salmos 143:6

Qanmanta mañakuspa, makiyta oqharini. Ch'aki jallp'apis kayman jina qanmanta ch'akichikuni.

Salmos 42:2

2 (3) Kawsaj Dioswan karikuyta imata jina mask'ani. Mayk'ajtaj Diospa ñawpaqenman risaj, payta yupaychanaypajri?

Salmos 63:1

1 (2) Diosníy, qanmin Diosniy kanki. Noqataj imata jina qanta mask'ayki, imaraykuchus tukuy sonqo qanpa ñawpaqeykipi karikuyta munani, imaynatachus ch'aki jallp'a yakuta munan, ajinata.

Proverbios 1:20

Yachayqa uj warmipis kanman jina ñankunapi, plazakunapiwan ima jatunmanta parlan.

Proverbios 8:1

Yachayqa uj warmipis kanman jina jatunmanta qhaparin, yuyayniyoj kaytaj uyarichikun.

Proverbios 8:17

Noqaqa pichus munakuwajta munakuni. Pikunachus tukuy sonqo mask'awajkunataj tariwanku.

Proverbios 8:3

Llajtaman yaykuna punkukunapi, chantá wasi punkukunapi ima kay jinata uyarichikun:

Proverbios 9:3

Chantá warmi kamachinkunata kacharqa, llajtaj loman patamanta qhaparinankupaj:

TAKIYKUNA 5:1

Noqa huertayman yaykuniña, chunkitúy, munasqetáy. Noqaqa mirraytawan, sumaj k'acha q'apayniyoj jawinatapis pallaniña. Chantá abeja misk'itapis mikhuniña. Vinoytawan, lecheytawanpis ujyaniña. Munasqa kawsaqeykuna, mikhurikuychej, ujyarikuychej munanakuspa sajsanaykichejkama.

Isaías 12:3

Qankunapis pujyumanta yakuta jina kusiywan Diospa qhespichisqanta ujyaychej.

Isaías 40:2

K'acha simiwan Jerusalenman parlaykuspa, wata runa kananku tukukapusqanta niychej. Willallaychejtaj juchanku pampachasqaña kasqanta. Tata Diosqa chay juchankumanta uj jinatawan paykunata jasut'inña, nispa.

Isaías 40:6

Uj runaj nisqanta uyarillarqanitaj: Qhapariy, nispa nejta. Noqataj nerqani: Imatataj qhaparisajri? nispa. Paytaj kutichiwarqa: Qhapariy tukuy runaj kawsayninku qhora jinalla kasqanta, jatun kayninkutaj pampa t'ika jinalla.

Isaías 44:3

Noqaqa ch'aki pampapi yakuta puririchisaj, ch'aki jallp'apipis yaku mayukuna kanqa. Mirayniykimanpis Espirituyta kachamullasajtaj, wawaykikunatataj saminchasaj.

Isaías 55:1

Tukuy ch'akichikojkuna, jamuychej yakuta ujyaj. Mana qolqeyojkuna, jamuychej. Mana qolqellawan trigota rantikuspa, mikhuychej. Jamuychej, mana pagaspalla vinota lechetapis ujyaychej.

Isaías 55:3

Noqaman qayllamuwaychej, ninriykichejta kicharispa. Sumajta uyariwaychej, kawsaytataj tarinkichej. Qankunawan wiñaypaj uj tratota ruwasaj, imatachus munakusqay Davidman nerqani, chayta junt'aspa.

Isaías 58:1

Tata Dios niwarqa: Ama samarispa, kunka llik'ikuyta qhapariy, pututu jina qhapariy. Jacobpa miraynin aylluypa juchanta sut'iman orqhoy.

Jeremías 16:19

Chantá noqa Jeremías nerqani: Tata Dios, qanmin kallpay, waqaychawajniytaj kanki. Ñak'ariypi qanllamin pakakunay kanki. Qanman kay pachaj k'uchunmantapacha jamuspa, nisonqanku: Ñawpa tatanchejkunaj diosninkoqa qhasi manakaj ni imapaj walej dioskunalla kasqanku.

Jeremías 2:2

Rispa, Jerusalén llajtapi tiyakojkunaman willamuy, allinta uyarinankupaj jina sinch'ita qhapariy: Tata Dios kay jinata nin: Imaynatachus qan sipasllaraj kashaspa, noqallata munakuwasqaykita yuyarikuni. Maypachachus warmiypaj aysarikorqayki chaypacha, manchayta munakuwasqaykita yuyarikuni. Ch'in pampanejta, mana jayk'aj tarpusqa jallp'anejta qhepayta jamusqaykita yuyarikullanitaj.

Ezequiel 47:9

Mayllamanpis kay iskay mayu yaykojtinku, tukuy laya animalkuna chay yakupi kawsanqanku. Ashkha challwakunapis kallanqankutaj. Mayllamanpis kay yaku chayaspaqa, k'ara yakuta misk'iman tukuchenqa. Pillapis kay mayuman chayajqa kawsanqa.

Levítico 23:36

Qanchis p'unchay junt'ata q'olachispa Tata Diosman jaywankichej. Pusaj kaj p'unchaypitaj, watej Tata Diospa sutinpi tantakuspa, uywata q'olachispa payman jaywankichej. Chay p'unchay raymichakuna p'unchay kasqanrayku, ama ima ruwanatapis ruwankichejchu.

Levítico 23:39

Qanchis kaj killamanta chunka phishqayoj p'unchayta chajra oqhariyta tukuspaña, uj semanata Tata Diospa sutinpi raymita ruwankichej. Ñawpaj kaj p'unchayta samarinkichej, jinallataj pusaj kaj p'unchaytapis.

Miqueas 6:9

Tata Diosqa israelitakunata wajyashan, pichus allin yuyayniyoj kajtaj nisqanta tukuy sonqo uyarin. Uyariychej, tukuy runakuna, jinallataj kamachejkunapis.

Zacarías 9:15

Tukuy Atiyniyoj Tata Diosqa paypata kajkunata waqaychanqa. Paykunataj warak'ajkunaj ruminkuta saronqanku, awqankutataj phirenqanku. Ujyanqanku machanankukama, vasonkuta yawarwan junt'achenqanku, imaynatachus altarman ch'ajchunapaj yawarta vasoman junt'achinku, ajinata.

Números 29:35

Pusaj kaj p'unchaypitaj yupaychanaykichejpaj tantakunkichej. Chay p'unchayqa imachus ruwanaykichejmanta ama ni imata ruwankichejchu.

San Mateo 11:28

Noqaman jamuychej, tukuy sayk'usqa kajkuna, llasa q'epiyojkuna ima, noqataj samarichisqaykichej.

San Mateo 3:3

Diosmanta ñawpa sut'inchaj Isaías kay Juanmanta ajinata nisqa: Ch'innejpi uj runaj qhaparisqan uyarikun: Tata Diospaj ñanta pichaychej, purinantataj cheqanyachiychej, nispa.

San Mateo 5:6

Kusikuyniyojmin kanku cheqan kawsaymanta yarqhachikojkunaqa, ch'akichikojkunapis, imaraykuchus Dios paykunata sajsachenqa.

San Juan 1:23

Chantá Juanqa Diosmanta sut'inchaj Isaiaspa nisqanman jina kuticherqa: Noqaqa ch'innejpi qhaparej kani: Tukuyta Kamachej Dios jamunanpaj ñanta pichaychej, nispa.

San Juan 14:6

Chantá Jesús kuticherqa: Noqa ñan kani, cheqa kajtaj, kawsaytaj. Mana pipis Tata Diosman chayayta atinchu, mana noqanejta rispaqa.

San Juan 4:10

Jinaqa Jesús kutichispa, nerqa: Qanqa Dios imatachus qosuyta munasqanta mana yachankichu, nillataj pichus yakuta mañakusojtapis rejsinkichu. Yachawajchus chayqa, noqamanta yakuta mañakuwankiman, noqataj kawsachej yakuta qoykiman, nispa.

San Juan 4:11

Chantá chay warmi nerqa: Wiraqochi, mana imapis yakuta orqhonaykipaj tiyapusunkichu, pujyutaj allin ukhu. Maymantataj chay kawsachej yakuta qowankimanri?

San Juan 4:14

Noqaj qosqay yakuta ujyajrí manaña jayk'ajpis ujtawan ch'akichikonqachu. Aswanpis noqaj qosqay yakoqa paypi mana ch'akej pujyu jina kanqa, chay yakutaj payman wiñay kawsayta qonqa, nispa.

San Juan 5:40

Chaywanpis qankuna mana noqaman jamuyta munankichejchu wiñay kawsayta tarinaykichejpaj, nispa.

San Juan 6:35

Jesustajrí paykunata nerqa: Noqamin kawsayta qoj t'anta kani. Pillapis noqaman jamojqa mana jayk'ajpis yarqhachikonqachu, nillataj noqapi atinikojqa jayk'ajpis ch'akichikonqachu.

San Juan 6:37

Chaywanpis Tataypa tukuy qowasqan runakuna noqaman jamonqanku, noqataj pikunachus noqaman jamojkunata mana qhesachasajchu.

San Juan 6:55

Ukhuypis, yawarniypis sumaj mikhuna jina, chaytaj mikhojman, ujyajman ima kawsayta qon.

San Juan 7:28

Chayta Jesús uyarerqa Temploj pationpi yachachishaspa. Chantá jatunmanta parlaspa, nerqa: Qankuna noqata rejsiwasqaykichejta yuyankichejchu, maymantachus kasqaytapis? Jinapis noqaqa mana noqallamantachu jamuni. Pichus noqata kachamuwajqa cheqan kajllatapuni parlan, qankunataj payta mana rejsinkichejchu.

1 Corintios 10:21

Qankuna mana atinkichejchu Tukuyta Kamachej Jesuspa copanmanta ujyashaspa, supaykunaj copanmantapis ujyayta. Nillataj atinkichejchu Tukuyta Kamachej Jesuspa Cenanmanta mikhuyta, supaykunaj mikhunanmantapis mikhuyta.

1 Corintios 10:4

Jinallataj tukuyninku Diospa qosqan yakuta ujyarqanku. Chaytaj paykunawan khuska purej chhankamanta phullchimusqa, chay chhankataj Cristo karqa.

1 Corintios 11:25

Ajinallatataj cenaytawankama copata jap'ispa, nerqa: Kay vinoyoj copaqa wañusqaywan uj mosoj tratota ruwasqayta sut'inchashan. Sapa kuti kay copamanta ujyaspa, noqamanta yuyarikunkichej, nispa.

1 Corintios 12:13

Jinallataj Santo Espiritulla tukuyta bautizawarqanchej, uj ukhu jinalla kananchejpaj judiokuna, mana judiokuna, wata runakuna, mana wata runa kajkuna ima. Diostaj chay kikin Santo Espiritullantataj tukuyninchejman qowarqanchej.

Efesios 5:18

Ama machakuychejchu, imaraykuchus machanaqa mana ruwanata ruwanaman apasunkichejman. Aswanpis Santo Espíritoj kamachiyninpi sapa p'unchay puriychej.

Apocalipsis 21:6

Nillawarqataj: Noqa Tukuy Imaj Qallariynin, Tukukuynintaj kani. Tukuy ima ruwasqaña. Noqataj ch'akichikojmanqa kawsachej yaku juturimanta yakuta qhasilla ujyachisaj.

Apocalipsis 22:1

Chay qhepata angelqa kawsaj yakuyoj ch'uwa mayuta rikuchiwarqa, cristal jina lliphipejta, mayqenchus Diospa kamachina tiyananmanta, chantá Corderojmantawan llojsimusharqa, chayta.

Apocalipsis 22:17

Santo Espirituwan, casarakoj sipaswan ima ninku: Jamuy, nispa. Chayta uyarejpis nillachuntaj: Jamuy, nispa. Ch'akichikojqa jamuchun, ujyayta munajtaj kawsayta qoj yakumanta qhasilla ujyachun, nispa.