San Juan 7:33 - DIOSPA QHELQACHISQAN DEUTEROCANONICAL

³³ Jesustajrí nerqa: Qankunawanqa manaña unaytachu kasaj, manachayqa pichus kachamuwajman kutipusaj.

Qheshwa Biblia DC

³³ Chaypacha Jesús nerqa: Pisi p'unchayllatawanña qankunawan kasaj, chantá, kachamuwajniypaman kutipusaj.

DIOSPA QHELQACHISQ

³³ Jesustajrí nerqa: Qankunawanqa manaña unaytachu kasaj, manachayqa pichus kachamuwajman kutipusaj.

Quechua South Bolivia: Dios Parlapawanchej

³³ Chayraycu Jesús paycunaman nerka: —Pisi p'unchaycunatawanraj casaj kancunawan. Chaymanta ujtawan ripusaj cachamuwajniypaman.

San Juan 7:33 ပူးပေါင်းရင်းမြစ်များ

Marcos 16:19

Chantá Tukuyta Kamachej Jesús parlajtinkama, janaj pachaman oqharisqa karqa, chaypitaj Diospa pañanman kamachinanpaj tiyaykukorqa.

San Juan 13:1

Pascua raymiman qayllallaña karqa. Jesustaj kay pachata saqespa Tatanpaman kutipunanpaj p'unchay chayamushasqanta yacharqa. Jinataj kay pachapi ruwananta junt'ashaspa imaynatachus yachachisqankunata munakorqa, ajinata paykunata tukukuykama munakorqa.

San Juan 13:3

Jesustaj Tata Diosmanta jamusqanta, chantá Diosmantaj kutipunanta yacharqamin. Jinallataj Diosqa tukuy atiyta payman qosqanta yachallarqataj.

San Juan 13:33

Munasqa wawitaykuna, qankunawan manaña unaytachu kasaj. Imaynatachus judiokunaj kurajninkukunata nerqani, ajinallatataj qankunatapis niykichej: Qankuna mask'awankichej, chaywanpis maymanchus noqa rishani, chayman riyta mana atinkichejchu, nispa.

San Juan 14:12

Kayta sut'ita niykichej: Pichus noqapi atinikojqa, paypis noqaj ruwasqayta ruwallanqataj. Chaypis astawanraj ruwanqa, imaraykuchus noqaqa Tata Dioswan kanaypaj rishani.

San Juan 14:19

Uj chhikamantawan Diosman mana kutirikojkunaqa manaña rikuwanqankuchu. Qankunarí rikuwankichej. Noqa kawsasqayraykutaj qankunapis kawsallankichejtaj.

San Juan 14:28

Kay nisqayta uyarerqankichejña: Rishani chaypis, qankunaman kutimullasajtaj, nispa. Sichus munakuwankichejman chayqa, Tata Diosman rishasqaymanta kusikuwajchej, imaraykuchus payqa noqamanta kuraj.

San Juan 16:10

Reparachillanqataj noqaqa mana juchayoj cheqan kasqayta, imaraykuchus Tatayman kutipushani, qankunataj manaña kay pachapi rikuwankichejchu.

San Juan 16:28

Tata Dios kachamuwasqanrayku noqa kay pachaman jamorqani, kunantaj kay pachata saqespa, Tataywan kanaypaj kutishani, nispa.

San Juan 16:5

Kunanrí Kachamuwaj Dioswan kanaypaj kutipushani, manataj mayqenniykichejpis tapuwankichejchu: Maymantaj rishankiri? nispa.

San Juan 17:11

Noqa manaña kay pachapichu kasaj. Paykunataj kay pachapi qhepakonqanku, noqatajrí qanman jampusaj. May llimphu kaj Tatáy, noqapi atinikojkunata atiyniykiwan waqaychay, paykuna uj sonqolla kanankupaj, imaynatachus qanwan noqawan ujlla kanchej, ajinata.

San Juan 17:13

Kunantaj, maypichus qan kashanki, chayman kutimpushani. Kay pachapi kashaspa, noqaqa qhatiwajkunaman kaykunata nerqani, paykuna noqa jina manchay kusisqa kanankupaj.

San Juan 20:17

Jesustaj nerqa: Ama jap'iwaychu, imaraykuchus patapi kashaj Tatayman manaraj rinirajchu. Astawanqa wawqeykunaman nimuy: Pay nisunkichej: Tatayman, Tataykichejman, Diosniyman, Diosniykichejmantaj rishani, nispa.

San Juan 9:4

P'unchayllaraj kashajtin, Kachamuwajniypa ruwananta ruwananchejpuni tiyan. Laqhayaykojtinñarí, mana pipis imatapis ruwayta atinñachu.