San Juan 7:28 - DIOSPA QHELQACHISQAN DEUTEROCANONICAL

²⁸ Chayta Jesús uyarerqa Temploj pationpi yachachishaspa. Chantá jatunmanta parlaspa, nerqa: Qankuna noqata rejsiwasqaykichejta yuyankichejchu, maymantachus kasqaytapis? Jinapis noqaqa mana noqallamantachu jamuni. Pichus noqata kachamuwajqa cheqan kajllatapuni parlan, qankunataj payta mana rejsinkichejchu.

Qheshwa Biblia DC

²⁸ Chayta uyarispa Jesusqa, templopi yachachishaspa sinch'ita parlarerqa: Noqata rejsiwankichej, yachankichejtaj maymantachus kasqayta; manataj sapaymantachu jamuni. Kachamuwarqa chaytaj cheqapuni, qankunataj payta mana rejsinkichejchu.

DIOSPA QHELQACHISQ

²⁸ Chayta Jesús uyarerqa Temploj pationpi yachachishaspa. Chantá jatunmanta parlaspa, nerqa: Qankuna noqata rejsiwasqaykichejta yuyankichejchu, maymantachus kasqaytapis? Jinapis noqaqa mana noqallamantachu jamuni. Pichus noqata kachamuwajqa cheqan kajllatapuni parlan, qankunataj payta mana rejsinkichejchu.

Quechua South Bolivia: Dios Parlapawanchej

²⁸ Yupaychana-wasi patiopi yachachispa tucuy uyarinancupajjina Jesús cayta nerka: —¡Arí! Kancuna nokata rejsiwaspa maymantachus jamuskaytapis yachaskayquichejta yuyanquichej. Astawanrí mana nokallamantachu jamuni, manachayka cachamuwajniy Diosmanta. Payka chekamin. Kancunarí mana payta rejsinquichejchu.

San Juan 7:28 ပူးပေါင်းရင်းမြစ်များ

Salmos 9:10

10 (11) Tata Dios, qanta rejsisojkuna qanpi atinikunku, imaraykuchus qan mask'asojkunataqa ni jayk'aj saqerparinkichu.

Jeremías 31:34

Manaña pipis runa masinta yachachenqañachu, nitaj wawqentapis nenqañachu: Tata Diosta rejsiy, nispa, imaraykuchus juch'uymanta jatunkama tukuy rejsiwanqanku. Noqa millay ruwasqankuta pampachasaj, manañataj jayk'ajpis juchankumanta yuyarikusajchu. Noqa Tata Diosmin chayta nini.

Jeremías 9:6

6 (5) Tata Dios nin: Qanqa, Jeremías, tiyakunki kay ch'awka runakunaj chawpinkupi, chay jina ch'awka kasqankuraykutaj mana rejsikapuwayta munankuchu.

Oseas 4:1

Israelitakuna, Tata Diospa nisqanta uyariychej. Payqa kay suyupi tukuy tiyakojkunawan quejaman yaykun, imaraykuchus qankuna payta wasanchankichej, nitaj khuyakuyniyoj kayta yachankichejchu, nillataj Diostapis rejsinkichejchu.

Oseas 5:4

Israelitakunaj tukuy millay ruwasqanku paykunata jark'an ama noqaman kutirikamunawankupaj. Khuchichakuywan atipasqa kaspa, noqata Tata Diosninkupaj mana rejsikapuwankuchu, nispa.

San Mateo 11:27

Chantá Jesús chaypi kajkunata nillarqataj: Tatayqa tukuy imata qowan. Mana pipis yachanchu pichus Churi kasqanta. Chaytaqa Tatalla yachan. Nitaj pipis yachanchu pichus Tata kasqanta, manachayqa Churillan yachan, jinallataj pimanchus Churin rejsichiyta munan, chay.

San Mateo 2:23

Nazaret llajtaman chayaspataj, chaypi tiyakorqa. Ajinapi imatachus Diosmanta ñawpa sut'inchajkunaj nisqanku junt'akorqa: Pay Nazaret llajtayoj nisqa kanqa, nispa.

San Mateo 26:55

Chantá Jesús chay runakunata taporqa: Suwata jinachu jap'iwaj jamunkichej, espadayoj, k'aspiyoj ima? Sapa p'unchay Temploj pationpi yachachishajtiy, imaraykutaj mana jap'iwarqankichejchuri?

San Lucas 10:22

Chantá Jesús chaypi kajkunata nillarqataj: Tatayqa tukuy imata qowan. Mana pipis yachanchu pichus Churi kasqanta. Chaytaqa Tatalla yachan. Nillataj pipis yachanchu pichus Tata kasqanta, manachayqa Churillan yachan, jinallataj pimanchus Churi rejsichiyta munan, chaypis, nispa.

San Lucas 2:11

Kunan Davidpa llajtanpi qhespichej paqarin. Payqa Tukuyta Kamachej Cristomin.

San Lucas 2:39

Jesuspa tatankuna tukuy imata Tukuyta Kamachej Diospa kamachisqanman jina junt'aspa, Galileapi Nazaret llajtankuman kutiporqanku.

San Lucas 2:4

Chantá Josepis Davidpa mirayninmanta kasqanrayku, Judea jap'iyman, Davidpa llajtan Belenkama rerqa Galileapi Nazaret llajtamanta.

San Lucas 2:51

Chantá Jesusqa tatan mamanwan Nazaretman kutiporqa, chaypitaj paykunata kasuspa tiyakorqa. Mamantajrí chay tukuyta sonqollanpi waqaycharqa.

San Juan 1:46

Natanaeltajrí kuticherqa: Nazaret llajtamanta allin runa rikhurimunmanchuri? nispa. Felipetaj nerqa: Jamuy ari, chantá qan kikiyki rikunki, nispa.

San Juan 10:36

Sichus Tata Dios ajllawaspa noqata kay pachaman kachamuwarqa chayqa, imaraykutaj qankuna ninkichej, noqa Diospa Churin kani, nispa, Diospa contranta rimasqaytari?

San Juan 12:49

Noqarí mana munasqayman jinallachu parlani. Manachayqa Kachamuwaj Tata imatachus kamachiwasqanta parlani, yachachinitaj.

San Juan 14:10

Felipe, Tatayqa noqawan ujchasqa kawsan, noqataj payman ujchasqa kawsani. Imatachus willaykichej, chaytaqa mana noqallamantachu parlani. Aswanpis noqawan ujchasqa kawsaj Tata Diosmin imatachus ruwananta noqanejta ruwan.

San Juan 14:31

Ajina kanan tiyan, runakuna yachanankupaj noqa Tata Diosta munakusqayta. Yachallanqankutaj paypa kamachiwasqanta ruwasqayta, nispa. Chayta niytawantaj, Jesús nerqa: Sayariychej, jaku ripuna, nispa.

San Juan 16:3

Paykuna ajinata ruwanqanku, imaraykuchus Tata Diosta, chantá noqata ima mana rejsiwaykuchu.

San Juan 17:25

Tatáy, cheqanpuni kanki. Chaywanpis qanman mana kutirikojkuna justiciaykita mana rejsinkuchu. Noqatajrí rejsiyki, qhatiwajkunapis qan kachamuwasqaykita yachanku.

San Juan 17:3

Paykuna wiñay kawsayman yaykunku, maypachachus qanpi, chantá noqapi atinikunku, chaypachalla. Qanpi atinikunanku tiyan, imajtinchus qan uj k'ata cheqa kaj Dios kanki. Noqapipis atinikunallankutaj tiyan, imajtinchus noqaqa qanpa kachamusqayki Jesucristo kani.

San Juan 3:2

Uj ch'isi Jesusta watukoj rispa, pay nerqa: Yachachej Wiraqochi, yachachinawaykupaj Diospa kachamusqan kasqaykita yachayku. Mana pipis, imatachus qan ruwanki, chay jina runaj mana jayk'aj rikusqan t'ukunata ruwayta atinmanchu, Dios mana paywan kajtenqa, nispa.

San Juan 3:33

Tukuy pichus sut'inchasqanta jap'ikojqa sut'ita nin Dios cheqatapuni parlasqanta.

San Juan 5:32

Chaywanpis noqamanta willajqa waj tiyan, yachanitaj noqamanta imatachus willasqanqa cheqapuni kasqanta.

San Juan 5:43

Noqaqa Tataypa sutinpi jamuni, qankunataj qhesachawankichej. Waj runachus mana pejpa kachamusqallan jamusunkichejman chayrí, paytaqa mana qhesachawajchejchu.

San Juan 6:42

Chantá nillarqankutaj: Manachu kay runaqa Joséj churin Jesuslla? Manachu tatanta, mamantawan rejsinchej? Jina chayqa, imaraykutaj nishan: Janaj pachamanta urayk'amuni, nispari? nispa.

San Juan 7:14

Khuskan raymi kashajtin, Jesús Temploman rerqa. Chantá Temploj pationpi yachachiyta qallarerqa.

San Juan 8:14

Jesustajrí paykunata kuticherqa: Noqa kikiymanta willasqayqa cheqapuni, imaraykuchus noqaqa maymantachus jamusqayta yachani, maymantajchus rishasqaytapis. Qankunarí mana chayta yachankichejchu.

San Juan 8:16

Chaywanpis sichus noqa juzgayman chayqa, maychus kajtapuni juzgayman, imaraykuchus mana sapallaychu juzgani. Aswanpis kachamuwaj Tataywan khuska juzgani.

San Juan 8:19

Chantá Jesusta taporqanku: Tatayki maypitaj kashanri? nispa. Jesustaj kuticherqa: Qankunaqa mana noqata rejsiwankichejchu, nitaj Tataytapis. Sichus noqata rejsiwankichejman chayqa, Tataytapis rejsillawajchejtaj, nispa.

San Juan 8:26

Qankunamanta ashkhata parlanay kashan, jinataj juzganay. Chaywanpis noqata Kachamuwajqa cheqanta parlan, noqataj paymanta uyarisqallayta runakunaman willani, nispa.

San Juan 8:42

Chantá Jesús nerqa: Cheqapunichus Tata Diosniykichej kanman chayqa, noqata munakuwankichejman, imaraykuchus noqaqa Diosmanta jamuni, manataj noqallamantachu, manachayqa Dios kachamuwarqa.

San Juan 9:29

Noqayku yachayku Diosqa Moisesman parlasqanta. Chaywanpis chay runa maymantachus kasqanta mana yachaykuchu, nispa.

Hechos 17:23

Llajtaykichejpi puriykachashaspaqa, chay dioskunata yupaychanapaj may chhika altarkunata rikuni. Jinallataj uj altartapis tarini kay jinata nishajta: “Kayqa mana rejsisqa diospata”, nispa. Chay Diosmanta, pitachus mana rejsispalla yupaychankichej, chaymantamin noqaqa parlasqaykichej.

Romanos 1:28

Jinapi Diosta mana cuentaman churayta munasqankuraykutaj, Dios paykunata saqerparerqa ch'ichi millay yuyasqankuman jina mana ruwanata ruwanankupaj.

Romanos 3:4

Chayqa mana jinachu, aswanpis tukuy runakuna llulla kanku chaypis, Diosqa cheqa kajtapuni parlan. Diospa Qhelqachisqanpi nin: Nisqaykinejta cheqan kasqaykita rejsichikunki, juzgasojtinkutaj, atipanki, nispa.

2 Corintios 1:18

Aswanpis Dios yachan qankunaman arí nispaqa, manaña mana nispa ninaykuta.

2 Corintios 4:6

Chayqa ajina, imaraykuchus Tata Diosqa kay pachata ruwashaspa, nerqa: Laqhayajpi k'anchay k'anchachun, nispa. Jinallataj pay chay k'anchayta sonqonchejpipis k'ancharichillantaj, Diospa jatun kayninpa lliphipiyninta Jesucristoj uyanpi rejsinanchejpaj.

Tito 1:2

Cheqa kajta yachasqankoqa paykunata yanapan wiñay kawsayniyojña kasqankuta sut'ita yachanankupaj, imaraykuchus mana jayk'aj llullakoj Diosmin chay wiñay kawsayta qonanta nerqa, manaraj kay pacha ruwasqa kashajtin.

Hebreos 6:18

Diosqa mana jayk'aj llullakunchu. Chayrayku tiluspa nisqanmanta mana kutiriyta atinchu. Ajinaqa pikunachus waqaychasqa kayta mask'aspa, payman qayllaykojkuna paypi atinikuyta atinchej imatachus niwasqanchejta qonawanchejmanta.

1 Juan 5:10

Tukuy pichus Diospa Churinpi atinikojqa tukuy sonqo yachan, Tata Diospa Churinmanta sut'inchasqanqa cheqapuni kasqanta. Pichus Tata Diospa sut'inchasqanta mana tukuy sonqo jap'ikojrí Diosta llullata jina rikhurichin, Churinmanta Tata Diospa sut'inchasqanta mana jap'ikusqanrayku.

1 Samuel 2:12

Elíj churinkunaqa millay puriyniyoj runakuna karqanku. Tata Diosta mana kasorqankuchu, nitaj manchachikorqankuchu.