San Juan 6:53 - DIOSPA QHELQACHISQAN DEUTEROCANONICAL

⁵³ Chantá Jesús paykunata nillarqapuni: Kayta sut'ita niykichej: Manachus noqaj ukhuyta mikhunkichej, nitaj yawarniytapis ujyankichejchu chayqa, qankuna mana wiñay kawsayniyojchu kankichej.

Qheshwa Biblia DC

⁵³ Jesustaj paykunaman nerqa: Cheqamanta, cheqamanta niykichej: Manachus Runaj Churimpa aychanta mikhunkichej, nitaj yawarnintapis ujyankichejchu chayqa, mana qankunapis kausayniyojchu kankichej.

DIOSPA QHELQACHISQ

⁵³ Chantá Jesús paykunata nillarqapuni: Kayta sut'ita niykichej: Manachus noqaj ukhuyta mikhunkichej, nitaj yawarniytapis ujyankichejchu chayqa, qankuna mana wiñay kawsayniyojchu kankichej.

Quechua South Bolivia: Dios Parlapawanchej

⁵³ Jesustaj paycunaman nerka: —Chekatapuni niyquichej: Sichus nokamanta mana miqhunquichejchu nitaj yawarniymanta ujyanquichejchu chayka, mana wiñay causayniyojchu canquichej.

San Juan 6:53 ပူးပေါင်းရင်းမြစ်များ

San Mateo 18:3

nerqataj: Kayta sut'ita niykichej: Diosman kutirikunaykichej tiyan kay wawaman jina tukuspa. Manachayqa, Diospa janaj pacha kamachiyninman ni yaykullankichejpischu.

San Mateo 5:18

Chayrayku sut'ita niykichej: Janajpis, kay pachapis kanankamaqa, Diospa kamachisqanmanta mana uj simillapis chinkachisqachu kanqa, aswanpis tukuynin junt'akonqa.

San Mateo 8:20

Jesustajrí kuticherqa: Atojkunajtaqa qaqapi jusk'unku tiyan, p'isqokunapis thapayojllataj kanku. Runaj Churinpajtarí, mana maypichus samarinallanpajpis kanchu, nispa.

San Lucas 13:3

Manapuni, aswanpis ajinallataj qankunawanpis kanqa, manachus Diosman kutirikunkichej chayqa.

San Lucas 13:5

Noqarí niykichej mana jinachu kasqanta. Manachus Diosman kutirikunkichej chayqa, ajinallataj qankunawanpis kanqa, nispa.

San Juan 13:8

Pedrotajrí nerqa: Mana jayk'ajpis chakiyta mayllawankichu, nispa. Jesustaj kuticherqa: Manachus mayllasqayki chayqa, mana noqata qhatiwayta atiwajchu, nispa.

San Juan 15:4

Chaywanpis noqallamanpuni ujchasqa kaychej, imaynatachus noqapis qankunawan ujchasqa kani, ajinata. Imaynatachus yura uva sach'aman mana ujchasqa kaspa, sapallanmanta mana poqoyta atinchu, ajinallatataj qankunapis Diospa munasqanta ruwayta mana atinkichejchu, manachus noqaman ujchasqallapuni kankichej chayqa.

San Juan 3:3

Jesustajrí kutichispa, nerqa: Kayta sut'ita niyki: Sichus pipis watej mana paqarinmanchu chayqa, Diospa kamachiyninta ni rikullanqapischu, nispa.

San Juan 3:36

Pichus Diospa Churinpi atinikojqa wiñay kawsayniyoj. Churipi mana atinikuyta munajrí mana wiñay kawsayman yaykonqachu, aswanpis Diospa phiñakuynin paypa patanpi kashan.

San Juan 3:5

Chantá Jesús kuticherqa: Sut'ita niyki: Sichus pipis yakumanta, chantá Espiritumanta ima mana paqarin chayqa, Diospa kamachiyninman mana yaykuyta atenqachu.

San Juan 6:47

Noqataj kayta sut'ita niykichej: Pichus noqapi atinikojqa wiñay kawsayniyoj.

San Juan 6:51

Noqamin janaj pachamanta urayk'amoj kawsayta qoj t'anta kani. Pillapis kay t'antamanta mikhojtaj wiñaypaj kawsanqa. Noqa qosaj, chay t'antaqa ukhuymin. Noqataj ukhuyta qospa wañusaj runakunaman wiñay kawsayta qonaypaj, nispa.

San Juan 6:55

Ukhuypis, yawarniypis sumaj mikhuna jina, chaytaj mikhojman, ujyajman ima kawsayta qon.

San Juan 6:62

Sichus Runaj Churinta rikuwajchej, maypichus karqa, chayman wicharishajta chayqa, imatataj yuyawajchejri?

1 Juan 5:12

Pichus Diospa Churinman ujchasqa kajqa wiñay kawsayta jap'inña. Pitajchus Diospa Churinman mana ujchasqa kajrí, mana wiñay kawsayniyojchu.

Apocalipsis 2:17

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun: Noqaqa pichus atipajman maná nisqa chay pakasqa mikhunata mikhuchisaj. Jinallataj uj yuraj rumisituta qosaj, chay rumisitupitaj mosoj suti qhelqasqa kanqa. Chay sutita mana pipis yachanqachu, manachayqa pichus chay rumita jap'ejlla yachanqa.

Apocalipsis 2:7

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun. Chantá noqa pichus atipajman kawsay sach'amanta mikhuchisaj, mayqenchus Diospa janaj pacha huertanpi kashan, chaymanta.