San Juan 6:47 - DIOSPA QHELQACHISQAN DEUTEROCANONICAL

⁴⁷ Noqataj kayta sut'ita niykichej: Pichus noqapi atinikojqa wiñay kawsayniyoj.

Qheshwa Biblia DC

⁴⁷ Cheqamanta, cheqamanta niykichej: Pillapis noqapi creejqa, wiñay kausayniyoj.

DIOSPA QHELQACHISQ

⁴⁷ Noqataj kayta sut'ita niykichej: Pichus noqapi atinikojqa wiñay kawsayniyoj.

Quechua South Bolivia: Dios Parlapawanchej

⁴⁷ ‘Chekatapuni niyquichej: Nokapi jap'icojka wiñay causayniyojmin.

San Juan 6:47 ပူးပေါင်းရင်းမြစ်များ

San Juan 11:26

Pillapis kawsashaspa noqapi atinikojtaj mana jayk'aj wañonqachu. Chay nisqayta jap'ikunkichu? nispa.

San Juan 14:19

Uj chhikamantawan Diosman mana kutirikojkunaqa manaña rikuwanqankuchu. Qankunarí rikuwankichej. Noqa kawsasqayraykutaj qankunapis kawsallankichejtaj.

San Juan 3:16

Dios chay jinatapuni kay pachapi kaj chhikata munakusqanrayku uj k'ata Churinta qorqa. Ajinamanta tukuy pichus paypi atinikojqa mana chinkanqachu, aswanpis wiñay kawsayniyoj kanqa.

San Juan 3:18

Pillapis paypi atinikojqa mana juchachasqachu kanqa. Paypi mana atinikojrí ñapis juchachasqaña, Diospa k'ata Churinpi mana atinikusqanrayku.

San Juan 3:36

Pichus Diospa Churinpi atinikojqa wiñay kawsayniyoj. Churipi mana atinikuyta munajrí mana wiñay kawsayman yaykonqachu, aswanpis Diospa phiñakuynin paypa patanpi kashan.

San Juan 5:24

Kaytapis nillaykichejtaj: Sichus pipis parlasqayta uyarispa, kachamuwaj Tataypi atinikun chayqa, payqa wiñay kawsayniyoj, manataj juicio p'unchaypi juchachasqachu kanqa. Pay mana jayk'ajpis juchachasqachu kanqa, imaraykuchus wañuymanta kawsayman chimpapunña.

San Juan 6:27

Ama tukukoj mikhunata tarinaykichejraykullaqa chhikatapuni phutikuychejchu. Aswanpis qankunaqa wiñay kawsayta mask'anaykichejpaj tukuy sonqoykichejta churaychej. Chayta noqa Runaj Churillan qoyta atiykichej, imaraykuchus Tata Dios chaypaj churawarqa, nispa.

San Juan 6:40

Tatayqa munan pillapis Churinta qhawaspa paypi atinikojqa wiñay kawsayniyoj kananta. Chantá noqa kikiy qhepa kaj p'unchaypi chay runata wañusqamanta kawsarichisaj, nispa.

San Juan 6:50

Noqarí janaj pachamanta urayk'amoj t'antamanta parlashaykichej. Pillapis chay t'antata mikhojtaj mana wañonqachu.

San Juan 6:51

Noqamin janaj pachamanta urayk'amoj kawsayta qoj t'anta kani. Pillapis kay t'antamanta mikhojtaj wiñaypaj kawsanqa. Noqa qosaj, chay t'antaqa ukhuymin. Noqataj ukhuyta qospa wañusaj runakunaman wiñay kawsayta qonaypaj, nispa.

San Juan 6:54

Pillapis ukhuyta mikhoj, yawarniytataj ujyajrí wiñay kawsayniyojña, noqataj kay pachaj tukukuynin p'unchaypi payta wañusqamanta kawsarichisaj.

San Juan 6:58

Kaymá janaj pachamanta urayk'amoj t'antaqa, manataj, tataykichej mikhusqanku, chay maná nisqa t'anta jinallachu. Ñawpa tataykichejkunaqa chayta mikhuspapis wañorqanku. Kay t'antata mikhojrí wiñaypaj kawsanqa, nispa.