San Juan 6:40 - DIOSPA QHELQACHISQAN DEUTEROCANONICAL

⁴⁰ Tatayqa munan pillapis Churinta qhawaspa paypi atinikojqa wiñay kawsayniyoj kananta. Chantá noqa kikiy qhepa kaj p'unchaypi chay runata wañusqamanta kawsarichisaj, nispa.

Qheshwa Biblia DC

⁴⁰ Tataypa munaynenqa kay: Pillapis Churita rikoj paypitaj creejqa, wiñay kausayniyoj kanqa; noqataj qhepa kaj p'unchaypi payta kausarichisaj.

DIOSPA QHELQACHISQ

⁴⁰ Tatayqa munan pillapis Churinta qhawaspa paypi atinikojqa wiñay kawsayniyoj kananta. Chantá noqa kikiy qhepa kaj p'unchaypi chay runata wañusqamanta kawsarichisaj, nispa.

Quechua South Bolivia: Dios Parlapawanchej

⁴⁰ Tatay munan tucuy runa Wawan caskayta reparaspa nokapi jap'icunanta. Nokapi jap'icunanta munan wiñay causayniyoj cananpaj. Chaywanpis munan nokapi jap'icojta khepa p'unchaypi causarichimunayta, —nerka Jesús.

San Juan 6:40 ပူးပေါင်းရင်းမြစ်များ

Isaías 52:10

Tata Diosqa makinta q'empirakun atiyninta rikuchinanpaj tukuy suyoj ñawpaqenkupi. Chantá tukuy kay pachaj k'uchunpi tiyakojkunaqa Diosninchej kacharichiwasqanchejta rikonqanku.

Isaías 53:2

Kamacheyqa Tata Diospa ñawpaqenpi ijimoj sach'a jina wiñanqa, ch'aki jallp'api saphichakoj jinataj p'utumonqa. Mana k'achituchu kanqa, sonqonchej payman aysakunanpaj, nitaj k'acha uyayojchu kanqa payta munakunanchejpaj.

Números 21:9

Ajinaqa Moisés broncemanta katarita ruwaspa, wiphalata sayachina k'aspiman warkhuykorqa. Maypachachus katari pitapis khanejtin, broncemanta ruwasqa katarita qhawaj karqa chayqa, chay runa mana wañojchu.

San Mateo 10:15

Noqataj sut'ita niykichej: Juicio p'unchaypeqa chay llajtayojkunapaj aswan ñak'ariy kanqa, Sodomapi, Gomorrapi tiyakojkunamanta nisqaqa, astawanraj, nispa.

San Mateo 25:46

Chaymantataj paykuna wiñay ñak'ariyman renqanku, cheqan kajta ruwajkunatajrí wiñay kawsayman yaykonqanku, nispa. Ajinata Jesús yachacherqa.

Marcos 16:16

Pichus noqapi atinikojqa, chantá bautizachikojtaj, qhespichisqa kanqa. Noqapi mana atinikojrí wiñaypaj juchachasqa kanqa.

San Lucas 2:30

Noqaqa kikin ñawiywan kachamusqayki qhespichejta rikuni,

San Juan 1:14

Chay Simi Nisqaqa runaman tukorqa, jinataj noqayku ukhupi tiyakorqa. Chantá noqayku jatun kayninpa lliphipiyninta rikorqayku, chaytaj Tata Diospa uj k'ata Churin jatun kayninpa lliphipiynin karqa. Paypitaj munakuywan, chantá cheqa kajwan ima may jinapuni karqa.

San Juan 10:28

Noqaqa paykunaman wiñay kawsayta qoni, manataj jayk'ajpis chinkanqankuchu. Makiymantataj paykunata mana pipis qhechuwayta atenqachu.

San Juan 11:24

Martataj nerqa: Arí, kay pachaj tukukunan p'unchaypi kawsarimunanta yachani, mayk'ajchus wañusqakuna watejmanta kawsarimonqanku, chaypacha, nispa.

San Juan 11:25

Jesustajrí payta nerqa: Noqamin wañusqakunata kawsarichej kani, kawsayta qojtaj. Pichus noqapi atinikojqa, wañuchunpis kawsanqa.

San Juan 12:45

Pichus noqata rikuwajqa Kachamuwajniytapis rikullantaj.

San Juan 12:50

Noqa yachani Tataypa kamachisqanta kasojkunaqa wiñay kawsayman yaykunankuta. Chayrayku Tatay tukuy imatachus parlanayta kamachiwasqanta qankunaman willarqaykichej, nispa.

San Juan 14:17

Santo Espiritoqa imachus cheqa kajta yachachisonqachej. Diosman mana kutirikojkuna mana payta Yanapajninkuta jina jap'iyta atinkuchu, imaraykuchus payta mana rikunkuchu nitaj rejsinkuchu. Qankunatajrí payta rejsinkichejña, imaraykuchus qankunawan kashan, qankunapitaj tiyakonqapuni.

San Juan 14:19

Uj chhikamantawan Diosman mana kutirikojkunaqa manaña rikuwanqankuchu. Qankunarí rikuwankichej. Noqa kawsasqayraykutaj qankunapis kawsallankichejtaj.

San Juan 17:2

Churiykiman qan atiyta qorqanki, tukuy runata kamachinanpaj, wiñay kawsaytataj qonanpaj, pikunatachus payman qorqanki, chaykunaman.

San Juan 3:36

Pichus Diospa Churinpi atinikojqa wiñay kawsayniyoj. Churipi mana atinikuyta munajrí mana wiñay kawsayman yaykonqachu, aswanpis Diospa phiñakuynin paypa patanpi kashan.

San Juan 4:14

Noqaj qosqay yakuta ujyajrí manaña jayk'ajpis ujtawan ch'akichikonqachu. Aswanpis noqaj qosqay yakoqa paypi mana ch'akej pujyu jina kanqa, chay yakutaj payman wiñay kawsayta qonqa, nispa.

San Juan 5:24

Kaytapis nillaykichejtaj: Sichus pipis parlasqayta uyarispa, kachamuwaj Tataypi atinikun chayqa, payqa wiñay kawsayniyoj, manataj juicio p'unchaypi juchachasqachu kanqa. Pay mana jayk'ajpis juchachasqachu kanqa, imaraykuchus wañuymanta kawsayman chimpapunña.

San Juan 6:27

Ama tukukoj mikhunata tarinaykichejraykullaqa chhikatapuni phutikuychejchu. Aswanpis qankunaqa wiñay kawsayta mask'anaykichejpaj tukuy sonqoykichejta churaychej. Chayta noqa Runaj Churillan qoyta atiykichej, imaraykuchus Tata Dios chaypaj churawarqa, nispa.

San Juan 6:39

Kachamuwaj Tata Diosqa munan tukuy qowasqan runakunamanta mana ujllatapis chinkachinayta. Pay munallantaj kay pachaj tukukuynin p'unchaypi noqa paykunata wañusqamanta kawsarichinayta.

San Juan 6:44

Mana pipis noqaman jamuyta atinmanchu kachamuwaj Tatay mana pusamojtenqa. Noqataj chay jamojkunata kay pachaj tukukuynin p'unchaypi wañusqamanta kawsarichisaj.

San Juan 6:54

Pillapis ukhuyta mikhoj, yawarniytataj ujyajrí wiñay kawsayniyojña, noqataj kay pachaj tukukuynin p'unchaypi payta wañusqamanta kawsarichisaj.

San Juan 8:56

Ñawpa tataykichej Abrahamtaj noqa jamunaymanta yachaspa, kusikorqa. Ajinata payqa chay p'unchayta ñawinwanpis rikushanman jina manchayta kusikorqa, nispa.

Romanos 5:21

Ajinaqa jucha atiyniyoj karqa tukuy runakuna wañuyta rejsinankupaj. Ajinallataj kunanqa Diospa qhasilla k'acha yanapayninpis atiyniyojllataj, runa Diospa ñawpaqenpi cheqanpaj qhawasqa kananpaj. Chantá Jesucristonejta Dioswan allinyachisqa kasqanchejrayku noqanchej wiñay kawsayta jap'inchej.

Romanos 6:23

Juchaqa pagota jina wañuyta qon. Diostajrí Tukuyta Kamachej Jesucristonejta wiñay kawsayta qhasilla qon.

2 Corintios 4:6

Chayqa ajina, imaraykuchus Tata Diosqa kay pachata ruwashaspa, nerqa: Laqhayajpi k'anchay k'anchachun, nispa. Jinallataj pay chay k'anchayta sonqonchejpipis k'ancharichillantaj, Diospa jatun kayninpa lliphipiyninta Jesucristoj uyanpi rejsinanchejpaj.

Hebreos 11:1

Diospi atinikusqanchejrayku noqanchej sut'ita yachanchej jap'inanchejtapuni imatachus jap'iyta suyakushasqanchejta. Jinallataj Diospi atinikuspa yachallanchejtaj, imatachus mana rikuyta atinchejchu, chay kasqantapuni.

Hebreos 11:27

Jinallataj Moisesqa Diospi atinikusqanrayku Egiptomanta riporqa, kuraj kamachejpa phiñakuyninta mana manchachikuspa. Payqa mana rikukoj Diosta rikushanmanpis jina, mana sayk'uspa, sinch'ita sayarqa.

1 Pedro 1:8

Qankunaqa Jesucristota mana rikuspalla munakunkichej. Kunanpis mana payta rikuspalla, paypi atinikunkichej, kusikunkichejtaj may jatun mana niy atina kusiywan.

1 Juan 2:25

Chaymá chay wiñay kawsayqa, mayqentachus kikin Jesucristo qonawanchejta nerqa, chay.

Judas 1:21

Chantá Diospa munakuyninpi kallaychejpuni, jinallataj Tukuyta Kamachej Jesucristo wiñay kawsayman pusanawanchej p'unchayta suyaychej, imaraykuchus pay may jinata khuyakuwasunchej.