San Juan 6:14 - DIOSPA QHELQACHISQAN DEUTEROCANONICAL

¹⁴ Mikhojkunatajrí, Jesús runaj mana jayk'aj rikusqan t'ukuna ruwasqanta rikuspa, nerqanku: Cheqapuni kay runaqa Diosmanta sut'inchaj, pichus kay pachaman jamunan karqa, chay, nispa.

Qheshwa Biblia DC

¹⁴ Chay runakunataj, Jesuspa milagro ruwasqanta rikuspa, nerqanku: Cheqamanta kay runaqa, mundoman jamunan karqa, chay profeta.

DIOSPA QHELQACHISQ

¹⁴ Mikhojkunatajrí, Jesús runaj mana jayk'aj rikusqan t'ukuna ruwasqanta rikuspa, nerqanku: Cheqapuni kay runaqa Diosmanta sut'inchaj, pichus kay pachaman jamunan karqa, chay, nispa.

Quechua South Bolivia: Dios Parlapawanchej

¹⁴ Chay jatun ricuchinata ricuskancumantataj runas nisharkancu: —Ciertopuni cay runaka cay pachaman Diosmanta jamunan carka chay willajmin, —nispa.

San Juan 6:14 ပူးပေါင်းရင်းမြစ်များ

Génesis 49:10

Judá ayllumanta kamachina varata ni pi qhechonqachu. Nillataj pipis mirayninpa makinmanta kamachina varata qhechonqachu varaj dueñon chayamunankama, pichus tukuy kay pachata kamachenqa, chay.

San Mateo 11:3

Qanchu kanki, pichus jamunan karqa, chay? Chayrí, wajtachu suyasqayku? nispa.

San Mateo 21:11

Jesuswan jamoj runakunataj kuticherqanku: Kayqa Diosmanta sut'inchaj Jesús. Payqa Galileamanta, Nazaret llajtayoj, nispa.

San Lucas 24:19

Jesustaj kuticherqa: Imataj karqari? nispa. Chantá paykuna nerqanku: Parlasharqayku imachus Nazaret llajtayoj Jesusta qhatirisqanmanta. Payqa Diosmanta sut'inchaj kaspa, ruwasqanpi, jinataj nisqanpi ima may atiyniyoj karqa Diospa ñawpaqenpi, jinataj tukuy runaj ñawpaqenpipis.

San Lucas 7:16

Chayta rikuspa, tukuyninku mancharikorqanku, Diostataj kay jinata jatuncharqanku: Diosmanta may atiyniyoj uj sut'inchaj noqanchejmanta sayarin, nispa. Wajkunataj nerqanku: Diosqa ajinata ayllunta yanapaj jamun, nispa.

San Juan 1:21

Tapullarqankutaj: Chantá, pitaj kankiri? Eliaschu? nispa. Juantaj nerqa: Mana paychu kani, nispa. Jinapis sacerdotekuna, chantá levitakuna ima tapullarqankupuni: Pichus jamunan karqa, Diosmanta chay sut'inchajchu kanki? nispa. Juantaj kuticherqa: Manapuni, nispa.

San Juan 11:27

Chantá Marta nerqa: Arí, Tukuyta Kamachej Jesús, noqa tukuy sonqo yachani qanqa Diospa Churin kasqaykita, pitachus Dios kay pachaman kachamunan karqa, chay Cristo, nispa.

San Juan 2:11

Jesús Galilea jap'iypi Caná llajtapi yakuta vinoman tukuchisqanqa ñawpaj kaj t'ukuna ruwasqan karqa. Ajinata Jesús may jina atiyniyoj kasqanta rejsicherqa, yachachisqankunataj paypi astawan atinikorqanku.

San Juan 4:19

Warmitaj chayta uyarispa, nerqa: Wiraqochi, qanqa Diosmanta sut'inchajsina kankeqa.

San Juan 4:25

Warmitaj nerqa: Yachani Cristo nisqa Mesías jamunanta, pay jamuspataj, tukuy imata willawasqayku, nispa.

San Juan 4:42

Warmitataj nerqanku: Kunanqa paypi atinikuyku mana qan willawasqaykuraykullachu. Manachayqa noqayku kikiyku payta uyarispa, yachayku cheqapuni pay tukuy runata qhespichej Cristo kasqanta, nispa.

San Juan 6:2

Ashkha runataj Jesuspa qhepanta rerqanku, imaraykuchus rikorqanku pay runaj mana jayk'aj rikusqan t'ukunata ruwaspa onqosqakunata qhaliyachisqanta.

San Juan 6:26

Jesustaj kuticherqa: Kayta sut'ita niykichej: Mask'ashawankichej, mana qankuna runaj ni jayk'aj rikusqan t'ukunata ruwasqay ima niytachus munasqanta yachasqaykichejraykuchu. Manachayqa mask'ashawankichej t'antata mikhuspa sajsakusqaykichejraykulla.

San Juan 6:30

Chantá paykuna taporqanku: Qan runaj mana jayk'aj rikusqan t'ukunakunamanta imatataj ruwanki, chayta rikuspa noqayku qanpi atinikunaykupajri? Imatataj ruwankiri?

San Juan 7:40

Chantá Jesuspa nisqanta uyarispa, wakin nerqanku: Cheqapuni kayqa, noqanchej Diosmanta chay sut'inchaj jamunanta suyasharqanchej, chaymin, nispa.

Hechos 7:37

Kay Moisesllataj israelitakunata nerqa: Qankuna ukhullamantataj Dios noqata jina uj sut'inchajta sayarichenqa, qankunataj paytamin uyarinkichej, nispa.