San Juan 5:44 - DIOSPA QHELQACHISQAN DEUTEROCANONICAL

⁴⁴ Qankunaqa qankunapuralla jatunchanakuyta munankichej, manataj Dios jatunchasunaykichejta mask'ankichejchu. Jina chayqa, imaynatataj noqapi atinikuwajchejri?

Qheshwa Biblia DC

⁴⁴ Imaynatataj creeyta atiwajchej, qankunapuralla jatumpi qhawanakushaspa, manachu mask'ankichej uj k'ata Diosmanta jatumpi qhawasqa kaytaqa?

DIOSPA QHELQACHISQ

⁴⁴ Qankunaqa qankunapuralla jatunchanakuyta munankichej, manataj Dios jatunchasunaykichejta mask'ankichejchu. Jina chayqa, imaynatataj noqapi atinikuwajchejri?

Quechua South Bolivia: Dios Parlapawanchej

⁴⁴ Kancuna purajmanta mentacuyta munajcuna canquichej. Mana masc'anquichejpischu c'ata Diosmanta mentayninta. Ajina cajtenka ¿imaynatataj Diospi jap'icuyta atiwajchej?

San Juan 5:44 ပူးပေါင်းရင်းမြစ်များ

2 Crónicas 6:8

Tata Diostajrí payta nerqa: Walejmin Templota ruwachipuwayta munasqaykeqa.

Jeremías 13:23

Yana runaqa yurajman tukuyta atinmanchu? Atillanmantajchu onzaqa ch'ejchinta chinkachiyta? Ajinallatataj qankunapis millayta ruwanaman yachasqa kashaspa, manapuni allin kajta ruwayta atiwajchejchu.

San Mateo 23:5

Chantá chay kurajkuna imatapis ruwanku, runawan rikuchikunallankupaj. Diospa Qhelqachisqanmanta wakin qhelqasqata mat'inkuman, makinkuman ima watakunku. Jinallataj jatuchaj waych'ayoj p'achakunata churakunku.

San Lucas 19:17

Kuraj kamachejtaj kutichisqa: Walejpacha, sumaj kamachi kanki. Chay pisillawan allinta ruwasqaykirayku, kunanmantapacha chunka llajtakunata kamachinki, nispa.

San Juan 12:43

Paykunaqa runallaman allin rijch'ayta munarqanku, manataj Diosmanqa.

San Juan 17:3

Paykuna wiñay kawsayman yaykunku, maypachachus qanpi, chantá noqapi atinikunku, chaypachalla. Qanpi atinikunanku tiyan, imajtinchus qan uj k'ata cheqa kaj Dios kanki. Noqapipis atinikunallankutaj tiyan, imajtinchus noqaqa qanpa kachamusqayki Jesucristo kani.

San Juan 3:20

Millayta ruwaspa purejkunaqa k'anchayta chejninku, manataj k'anchayman qayllamunkuchu, millay ruwasqanku ama sut'inchasqa kananpaj.

San Juan 5:41

Jesús nillarqataj: Noqaqa runakuna jatunchanawankuta mana mask'anichu.

San Juan 8:43

Imaraykutaj parlasqayta umaykichejpi mana jap'iyta atinkichejchuri? Imaraykuchus parlasqaytaqa ni uyariyllatapis munankichejchu.

Romanos 2:10

Allin kajta ruwajkunapajrí kanqa Diospa ñawpaqenpi jatunpaj qhawasqa kay, sonqo tiyaykusqa kay ima, ñawpajta judío kajkunapajraj, chaymantataj mana judío kajkunapajpis.

Romanos 2:29

Cheqapuni judioqa sonqon ukhumantapacha judío. Cheqapuni circuncidasqa kajtaj Santo Espiritunejta sonqonpi circuncidasqa kaj, manataj qhelqasqa kamachisqanejtachu. Chay jina judiotaqa Diosmin allinpaj qhawan, amapis runa allinpaj qhawachunchu.

Romanos 2:7

Allinta ruwaspa mana sayk'ojkunaman Dios wiñay kawsayta qonqa, pikunachus Diospa ñawpaqenpi jatunpaj qhawasqa kayta mask'anku, mana jayk'aj wañuyta ima, chaykunaman.

1 Corintios 4:5

Chayrayku amaraj imatapis juzgaychejchu manaraj Jesucristo kutimushajtin. Pay kutimuspa, laqhapi pakasqa kajta sut'inchanqa, rikuchenqataj imatachus sapa uj sonqonchejpi yuyasqanchejta. Chaymantataj sapa ujta ruwasqanman jina Dios jatunchanqa.

2 Corintios 10:18

Pichus anchata jatunchakojrí mana allinpajchu qhawasqa kanqa. Aswanqa, pitachus Dios jatunchan, chay runamin allinpaj qhawasqa kanqa.

Filipenses 2:3

Ama imatapis ruwaychejchu churanakuspa, chayrí jatunchakuspa. Manachayqa llamp'u sonqo kaywan imatapis ruwaychej. Sapa uj ujkunata qhawachun paymanta aswan kasqankuta jina.

1 Tesalonicenses 2:6

Noqayku manallataj jayk'ajpis pi jatunchanawaykuta mask'arqaykuchu, ni qankuna nitaj wajkunapis. Cristoj kachan kasqaykurayku, qankunawan imapipis yanapachikuyta atiykuman karqa.

1 Timoteo 1:17

Chayrayku wiñaypaj Kuraj Kamachej Dios yupaychasqa, jatunchasqataj kachun. Payqa mana jayk'aj wañunchu, mana rikukoj, uj k'ata Dios wiñay wiñaynintinpaj. Ajina kachun.

Hebreos 3:12

Chayrayku wawqe panakuna, sumajta qhawakuychej. Ama pipis qankunamanta mana allin sonqo, nitaj Diospi mana atinikuyta munaj sonqoyoj kachunchu, ajinamanta kawsashaj Diosmanta karunchakunanpaj.

Santiago 2:1

Munasqa wawqe panaykuna, may jatunchasqa Tukuyta Kamachej Jesucristopi atinikojkuna kaspa, amapuni ujkunallata allinpaj qhawaychejchu, wajkunatataj pisipaj.

1 Pedro 1:7

Chay ñak'ariykunaqa Diospi atinikusqaykichej cheqachus manachus kasqanta sut'inchanqa. Chaypacha Diospi atinikusqaykichej cheqapuni kajtin, qankuna Jesucristoj kutimunan p'unchayta jatunchasqa, chantá allinpaj qhawasqa kankichej. Diospi atinikusqaykichejqa qorimanta nisqaqa aswan valorniyoj, imaraykuchus qoreqa ninawan ch'uwachasqa kaspapis, tukukuyniyoj. Diospi atinikusqaykichejrí mana.

Judas 1:25

Tukuyta Kamachej Jesucristonchejnejta uj k'ata Qhespichej Dios jatunchasqa kachun, yupaychasqataj. Chantá pay wiñay wiñaynintinpaj jatun atiyniywan tukuy imapi kamachichun. Ajina kachun.

1 Samuel 15:30

Chantá Saúl ujtawan nerqa: Noqa juchallini. Chaywanpis, ama jina kaspa, tukuy israelitakunaj ñawpaqenkupi, jinataj kurajkunaj ñawpaqenkupipis kuraj kamachejta jinallapuni qhawariway ari. Kutinalla, Tata Diosniykita noqawan yupaychamuna, nispa.

1 Samuel 2:30

Chayrayku Israelpa Diosnin Tata Dios nin: Noqa nerqani qanwan, aylluykiwan ima ñawpaqeypi wiñaypaj sacerdoteykuna kanaykichej tiyan, nispa. Kunanrí niykichej: Manapuni jinachu kanqa, manachayqa jatunchawajkunata jatunchallasajtaj, qhesachawajkunatapis p'enqaypi rikhurichisaj. Noqa Tata Diosmin chayta nini.