San Juan 5:23 - DIOSPA QHELQACHISQAN DEUTEROCANONICAL

²³ Ajinamanta tukuy runakuna Churinta maypaj qhawanqanku, imaynatachus Tata Diosta maypaj qhawanku, ajinata. Pillapis Diospa Churinta mana maypaj qhawajrí nillataj kachamoj Tatantapis maypaj qhawanchu.

DIOSPA QHELQACHISQ

²³ Ajinamanta tukuy runakuna Churinta maypaj qhawanqanku, imaynatachus Tata Diosta maypaj qhawanku, ajinata. Pillapis Diospa Churinta mana maypaj qhawajrí nillataj kachamoj Tatantapis maypaj qhawanchu.

Quechua South Bolivia: Dios Parlapawanchej

²³ Chayta ruwarka noka, Wawanta, tucuy runas jatunchanawancupaj. Dios Tatata jatunchancu quiquillantataj noka, Wawantapis, jatunchanawancu. Mana jatunchawajri nillataj jatunchanchu cachamuwajniy Dios Tatataka.

San Juan 5:23 ပူးပေါင်းရင်းမြစ်များ

Salmos 2:12

Diosta jatunchaychej, ama phiñakunanpaj, imajtinchus pay askamalla phiñakuspa, qankunata wañuchisunkichejman. Paypi atinikojkunarí kusikuyniyojmin kanqanku.

Isaías 42:8

Noqa Tata Dios kani, chaymin suteyqa. Mana pitapis saqesajchu Diosta jina wajta jatunchanankuta. Nillataj munanichu Diosta jina lantikunata yupaychanankuta.

Isaías 44:6

Israelpa kuraj kamachejnin Tukuy Atiyniyoj Tata Dios pagota qospa, Israelta kacharicherqa. Paytaj ajinata nin: Noqamin tukuy imaj qallariynin, tukukuynintaj kani. Noqamanta jawaqa waj dios mana kanchu.

Isaías 45:15

Cheqapuni Israelpa Diosnin kanki, qhespichej Diostaj. Qanqa mana rikukoj Dios kanki.

Isaías 45:21

Qankuna allinta parlaychej. Ruwasqaykichejmanta sumajta rimanakuspa, imatachus ninaykichejta wakichikuychej. Pitaj qallariymantapacha chay imakunata ruwarqari? Pitaj unaymantapacha chay imakunata willanri? Manachu Noqa Tata Dios chay imakunamanta willarqaykichej? Noqamanta jawaqa mana waj dios kanchu. Noqalla cheqanta ruwaj Dios, qhespichejtaj kani. Noqamanta jawaqa manapuni ujpis kanchu.

Zacarías 9:9

Sión llajta, sinch'ita kusikuy. Jerusalén llajta, kusiymanta takiy. Kuraj kamachejniykeqa cheqan, atiyniyojtaj jamusonqa. Llamp'u sonqo kaspa, payqa burropi lloq'asqa jamusonqa, china burroj uñan, maltun burritopi.

San Mateo 10:37

Pichus tatanta, chayrí mamanta noqamanta astawan munakojqa mana noqajta kananpaj jinachu. Ajinallatataj, sichus pipis churinta, chayrí ususinta noqamanta astawan munakun chayqa, nillataj payqa noqajta kananpaj jinachu.

San Mateo 11:27

Chantá Jesús chaypi kajkunata nillarqataj: Tatayqa tukuy imata qowan. Mana pipis yachanchu pichus Churi kasqanta. Chaytaqa Tatalla yachan. Nitaj pipis yachanchu pichus Tata kasqanta, manachayqa Churillan yachan, jinallataj pimanchus Churin rejsichiyta munan, chay.

San Mateo 12:21

Chantá tukuy kay pachapi kaj runakunaqa paypi atinikuspa allin kajta suyakonqanku. Ajinata Isaías Jesusmanta sut'incharqa.

San Mateo 15:8

Dios nin: Kay runakunaqa simillankuwan jatunchawanku, sonqonkupitajrí ni noqamanta yuyarikullankupischu.

San Mateo 28:19

Chayrayku qankuna rispa, tukuy suyupi runakunata yachachisqayman tukuchimuychej. Paykunatataj Tata Diospa, Churej, chantá Santo Espíritoj sutinpi bautizaychej.

San Lucas 10:16

Yachachisqankunatatajrí Jesús nerqa: Pichus qankunata uyarejqa noqata uyariwan, pitajchus qankunata qhesachajqa noqata qhesachawan. Noqata qhesachawajrí, Diostapis qhesachallantaj, nispa.

San Juan 14:1

Chaymanta Jesús yachachisqankunata nerqa: Ama phutikuychejchu. Qankunaqa Diospi atinikuychej, noqapipis atinikullaychejtaj.

San Juan 16:14

Pay noqata jatunchawanqa, imaraykuchus noqaj nisqayta jap'ispa, chaytapuni yachachisonqachej.

San Juan 17:10

Tukuy noqajta kajkunaqa qanpata kanku, qanpata kajkunataj noqajta. Noqaj jatunchasqa kasqaytaj paykunanejta sut'ita rikuchikun.

Romanos 1:7

Noqa kay cartata Roma llajtapi Diosta qhatejkunaman apachimuykichej. Qankunaqa Diospa munakusqan kankichej, Diospaj t'aqasqa kanaykichejpaj wajyasqataj. Kunantaj napaykuykichej: Tata Diosninchejpa, chantá Tukuyta Kamachej Jesucristojta qhasilla k'acha yanapayninku, sonqo tiyaykuyninku ima qankunawan kachun.

Romanos 15:12

Diosmanta sut'inchaj Isaiaspis nillantaj: Yesejpa mirayninmanta uj kuraj kamachej sayarenqa. Payqa mana judío kajkunata kamachinanpaj sayarenqa, paykunataj paypi atinikuspa allin kajta suyakonqanku, nispa.

Romanos 6:22

Kunantajrí, juchaj wata runan kanamanta kacharichisqaña kaspa, Diospa wata runan kanaykichejpaj yaykupunkichej. Chaytaj qankunapaj arí sumaj, imajtinchus llimphu kawsayta tarinkichej, chaymantataj wiñay kawsayta jap'inkichej.

Romanos 8:9

Qankunarí manaña juchallinaman aysaj sonqoykichejpa munasqanta kasuspachu purinkichej. Manachayqa Santo Espíritoj kamachiyninpi purinkichej, Diospa Espiritunchus qankunapi kawsashan chayqa. Mayqenpichus Cristoj Espíritun mana kanchu chayqa, chay runa mana Cristojtachu.

1 Corintios 1:3

Tata Diosninchejmanta, jinataj Tukuyta Kamachej Jesucristomantawan qhasilla k'acha yanapayninku, sonqo tiyaykuyninku ima qankunawan kachun.

1 Corintios 10:31

Ajinaqa mikhuspapis, ujyaspapis, chayrí imata ruwaspapis, tukuy imata ruwaychej Dios chaynejta jatunchasqa kananpaj.

1 Corintios 16:22

Pichus Tukuyta Kamachej Jesucristota mana munakojqa maldicisqa kachun. Jamuy ari, Tukuyta Kamachej Jesusniyku.

1 Corintios 6:19

Manachu yachankichej ukhuykichejqa Santo Espíritoj templon kasqanta? Payqa qankunapi tiyakun. Diosmin Santo Espiritunta qosunkichej, chayraykutaj ukhuykichejqa manaña qankunajtachu.

2 Corintios 1:9

Noqayku wañuchisqa kanaykupaj jinaña karqayku. Chaywanpis chay karqa, mana noqallaykupichu atinikuyta yachanaykupaj, manachayqa Diosllapi, pichus wañusqakunata kawsarichin, chaypi.

2 Corintios 13:14

Tukuyta Kamachej Jesucristoj qhasilla k'acha yanapaynin, Tata Diospa munakuynin, chantá Santo Espiritumanta jamoj k'acha kawsakuy ima tukuy qankunawan kachun. Ajina kachun.

2 Corintios 5:14

Cristoj munakuynin ajinata ruwanaykupaj sinch'ita kallpachawayku, imaraykuchus allinta yachayku Cristo tukuy noqanchejrayku wañusqanta, chayraykutaj noqanchejpis ñawpa kawsayninchejpaj wañusqanchejta.

2 Corintios 5:19

Kaytaj niyta munan Diosqa Cristonejta tukuy runata paywan allinyachisqanta, juchankuta qonqayman churaspa. Chantá pay kamachiwarqayku Dioswan allinyakunamanta wajkunaman willanaykuta.

Efesios 6:24

Diospa qhasilla k'acha yanapaynin kachun, pikunachus Tukuyta Kamachej Jesucristota mana tukukoj munakuywan munakunku, chaykunawan. Ajina kachun.

2 Timoteo 1:12

Chayraykumin kay carcelpi wisq'asqa ñak'arishani. Chaywanpis mana p'enqakunichu, imaraykuchus pipichus atinikusqayta allinta yachani. Yachallanitaj pay atiyniyoj kasqanta chay imatachus qowasqanta jamoj p'unchaykama waqaychananpaj.

Hebreos 1:6

Jinallataj kuraj kaj Churinta kay pachaman kachamuspa, Dios nerqa: Diospa tukuy angelninkuna payta yupaychachunku, nispa.

2 Pedro 1:1

Noqa Simón Pedroqa, Jesucristoj wata runan kani, chantá kuraj kachan ima. Kay cartata qankunaman apachimuykichej, pikunachus noqayku jina Jesucristopi atinikorqankichej, chaykunaman. Jesucristopi atinikusqaykichejqa may jina sumajmin. Paypitaj atinikorqankichej Qhespichej Jesucristo Diosninchej cheqan kasqanrayku.

2 Pedro 3:18

Manachayqa astawan astawan Tukuyta Kamachej Jesucristota rejsinaykichejpaj kallpakuychej, jinallataj Diospa qhasilla k'acha yanapayninpi astawan atinikuychej. Jesucristo may jatunchasqa kachun kunanpis, wiñaypajpis. Ajina kachun.

1 Juan 2:23

Pichus Diospa Churinta qhesachajqa mana Tata Dioswanchu kashan. Pichus Churita Cristo kasqanta nejrí Tata Dioswan kashan.

2 Juan 1:9

Pichus pantaykuspa, mana Cristoj yachachisqanpi sayanchu chayqa, Dios mana paywanchu kashan. Pichus Cristoj yachachisqanpi sayajrí Tata Dioswan, chantá Churinwan ima ujchasqa kashan.