San Juan 5:19 - DIOSPA QHELQACHISQAN DEUTEROCANONICAL

¹⁹ Chaypacha Jesús paykunata nerqa: Kayta sut'ita niykichej: Diospa Churenqa sapallanmanta mana imatapis ruwayta atinchu, manachayqa pay ruwan imatachus Tatanta ruwajta rikun, chayllata. Tukuy imatachus Tata Dios ruwan, chayllatataj Churinpis ruwan.

Qheshwa Biblia DC

¹⁹ Chaypacha Jesús kutichispa nerqa: Cheqamanta, cheqamanta niykichej: Diospa Churenqa, sapallanmanta mana imatapis ruwayta atinchu. Astawanqa imatachus Dios Tatata ruwajta rikun, kikillantataj Chureqa ruwan.

DIOSPA QHELQACHISQ

¹⁹ Chaypacha Jesús paykunata nerqa: Kayta sut'ita niykichej: Diospa Churenqa sapallanmanta mana imatapis ruwayta atinchu, manachayqa pay ruwan imatachus Tatanta ruwajta rikun, chayllata. Tukuy imatachus Tata Dios ruwan, chayllatataj Churinpis ruwan.

Quechua South Bolivia: Dios Parlapawanchej

¹⁹ Ajinata yuyaskancuraycutaj paycunaman Jesús cuticherka: —Chekatapuni niyquichej: Noka, Diospa Wawanri, munaynillaymanta ni imata ruwayta atinichu. Astawanka Tataypa ruwaskanta ricuspa chayllatataj ruwani. Tatay ruwashan, chayta nokapis quiquillantataj paypa atiyninwan ruwashani.

San Juan 5:19 ပူးပေါင်းရင်းမြစ်များ

Génesis 1:1

Qallariypi Diosqa janajta, kay pachata ima ruwarqa.

Génesis 1:26

Chaymantataj Dios nerqa: Runata ruwanachej noqanchej jina kananpaj, noqanchejman rijch'akojta. Chantá pay kamachichun tukuy challwata, p'isqokunata, tukuy animalta, qhatatakuspa purejkunata ima, nispa.

Salmos 138:3

Wajyakusojtiy, uyariwarqanki, mosoj kallpatataj qowarqanki.

Salmos 27:14

Tata Dios yanapasunanta pacienciawan suyakuy. Kallpachakuy, amataj llawch'iyaychu. Arí, Tata Diospi atinikuspa, pacienciawan suyay.

Salmos 50:6

Janaj pachapis Diospa cheqan ruwasqanmanta willallantaj, imaraykuchus Diosqa juezmin.

Éxodo 4:11

Tata Diostaj kuticherqa: Chantá pitaj runata simiyojta ruwarqari? Manachu noqa Tata Dios runata opayachini, joq'arayachini, ñawsayachini, chayrí qhawarichini?

Proverbios 2:6

Tata Diosmin yachaytaqa qon. Tukuy yachay, yuyayniyoj kaypis siminmanta llojsimun.

Isaías 44:24

Manaraj paqarikushajtiyki, Tata Dios ruwasorqaña, chaymantataj pagaspa kacharichisorqa, paytaj ajinata nin: Noqamin tukuy imata ruwaj Tata Dios kani. Noqalla janajta jatunman aysarqani. Kay pachata ruwashajtiy, mana pipis noqawanchu kasharqa.

Isaías 45:24

Noqamanta nenqanku: Cheqapuni Tata Diosllamanta justiciawan, jatun atiywan ima jamun, nispa. Noqallaman tukuypis jamonqanku, pikunachus contraypi ruwajkunapis may p'enqaypi rikhurenqanku.

Jeremías 17:10

Noqa Tata Diosmin runaj sonqonta watuni, yuyaynintataj allinta qhawani. Chantá sapa ujman imaynatachus purisqanman jina, ruwasqanman jinataj pagapuni, nispa.

San Mateo 26:39

Aswan ñawpajman rispataj, Jesús pampakama k'umuykuytawan, Diosmanta mañakorqa: Tatáy, atikojtenqa, imatachus ñak'arinaymanta kacharichiway ari. Chaywanpis, ama noqaj munaynillay kachunchu, manachayqa qanpa munayniyki ruwasqa kachun, nispa.

San Lucas 21:15

imaraykuchus noqamin yachayta qosqaykichej, yuyaychasqaykichejtaj imatachus parlanaykichejta. Jinapi awqaykichejkuna chay parlasqaykichejta mana atipanqankuchu, nitaj kutichikuytapis atenqankuchu.

San Juan 10:18

Mana pipis mana munajta wañuchiwanmanchu. Aswanpis noqa munasqayrayku wañusaj. Noqaqa wañuchisqa kanaypaj jaywaykukuyta atini, atillanitaj watejmanta kawsarimuytapis. Ajinata ruwanayta Tatay kamachiwarqa, nispa.

San Juan 12:49

Noqarí mana munasqayman jinallachu parlani. Manachayqa Kachamuwaj Tata imatachus kamachiwasqanta parlani, yachachinitaj.

San Juan 12:50

Noqa yachani Tataypa kamachisqanta kasojkunaqa wiñay kawsayman yaykunankuta. Chayrayku Tatay tukuy imatachus parlanayta kamachiwasqanta qankunaman willarqaykichej, nispa.

San Juan 14:10

Felipe, Tatayqa noqawan ujchasqa kawsan, noqataj payman ujchasqa kawsani. Imatachus willaykichej, chaytaqa mana noqallamantachu parlani. Aswanpis noqawan ujchasqa kawsaj Tata Diosmin imatachus ruwananta noqanejta ruwan.

San Juan 2:19

Jesustaj paykunata nerqa: Kay templota urmachiychej, noqataj kinsa p'unchayllapi watej sayarichisaj, nispa.

San Juan 3:3

Jesustajrí kutichispa, nerqa: Kayta sut'ita niyki: Sichus pipis watej mana paqarinmanchu chayqa, Diospa kamachiyninta ni rikullanqapischu, nispa.

San Juan 5:21

Imaynatachus Tata Dios wañusqakunata kawsarichispa, kawsayta paykunaman qon, ajinallatataj Churinpis, pikunamanchá kawsayta qoyta munan, chaykunaman qon.

San Juan 6:38

Noqa mana munasqayta ruwanaypajchu janaj pachamanta urayk'amorqani, astawanqa Kachamuwajniypa munasqanta ruwanaypaj.

San Juan 8:28

Chayrayku Jesús paykunata nerqa: Maypachachus Runaj Churinta cruzman chakataspa sayarichinkichej, chaypacha noqa pichus kasqayta yachankichej. Yachallankichejtaj mana imatapis sapallaymanta ruwasqayta. Jinallatataj yachankichej Tata Diospa yachachisqallanta parlasqayta.

San Juan 9:4

P'unchayllaraj kashajtin, Kachamuwajniypa ruwananta ruwananchejpuni tiyan. Laqhayaykojtinñarí, mana pipis imatapis ruwayta atinñachu.

Hechos 2:24

Diostajrí Jesusta wañusqamanta kawsarichimporqa, jinataj wañuypa ñak'arichiyninmanta kacharicherqa, imaraykuchus wañoyqa mana payta atiyninpi jap'iyta aterqachu.

Romanos 6:4

Bautismonejta Cristowan khuska wañorqanchej, jinataj paywan khuska p'ampasqa karqanchej. Chantá imaynatachus Tata Dios jatun atiyninwan Cristota wañusqamanta kawsaricherqa, ajinallatataj kunan noqanchejpis mosoj kawsaypi kawsayta atinchej.

Romanos 8:11

Ajinaqa pichus wañusqamanta Jesusta kawsarichej Diospa Espíritun qankunapi tiyakushan. Chayrayku imaynatachus Tata Dios Cristo Jesusta wañusqakunamanta kawsaricherqa, ajinallatataj Diosqa Espiritunnejta wañoj ukhuykichejtapis kawsarichillanqataj.

1 Corintios 15:12

Sichus noqayku Cristo wañusqamanta kawsarimpusqanta willayku chayqa, imaraykutaj qankuna ukhumanta wakin ninku wañojkuna mana kawsarinankutari?

2 Corintios 4:14

Noqayku yachayku Tata Diosqa Tukuyta Kamachej Jesusta watej kawsarichisqanta. Jinallatataj pay noqaykutapis Jesuswan watej kawsarichiwasqayku, qankunawan khuskatataj ñawpaqenpi rikhurichiwasqayku.

2 Corintios 5:10

Chayqa ajina, imaraykuchus tukuyninchej Cristoj ñawpaqenpi juzganawanchejpaj rikhurinanchejpuni tiyan. Ajinamanta sapa uj jap'isunchej, kawsashaspa imachus allin kajta, chayrí mana allin kajtapis ruwasqanchejman jina.

Efesios 2:5

Juchallisqanchejrayku wañusqa kashajtinchej, Dios noqanchejmanpis kawsayta qowarqanchej, maypachachus Cristota wañusqakunamanta kawsaricherqa, chaypacha. Noqanchej Diospa qhasilla k'acha yanapayninrayku qhespichisqa kanchej.

Efesios 3:16

Dioswan parlarikuspataj, mañakuni Santo Espiritunejta jatun kayninpa qhapaj kayninman jina, chantá atiyninwan ima sonqoykichejta kallpachasunaykichejta.

Filipenses 3:21

Chaypachataj pay pisi kallpa wañoj ukhunchejta waj jinaman tukuchenqa, paypa may sumaj lliphipej ukhun jina kananpaj. Chaytataj ruwanqa mayqen atiyninwanchus tukuy imata chakin uraman churanqa, chaywan.

Filipenses 4:13

Tukuy imaymana rikhurimojtin, noqaqa sinch'ita sayayta atini Cristo kallpachawasqanrayku.

Colosenses 1:11

Mañapullaykutaj Diosqa may jina jatun atiyninwan qankunata kallpachananta, tukuy mana allin kajkuna qhatirejtin pacienciakunaykichejpaj.

Colosenses 1:16

Paynejtamin Diosqa tukuy kaj chhikata ruwarqa: Janajpi kajkunata, kay pachapi kajkunatapis, mana rikukojkunata, rikukojkunatapis, kamachejkunata, kurajkunata, atiyniyojkunata ima. Tata Diosqa tukuy kaj chhikata Cristonejta ruwarqa, paypaj kananpaj.

1 Tesalonicenses 4:14

Noqanchejqa Jesús wañusqanta, chantá kawsarimpusqanta creenchej. Ajinallataj creenchej Dios kawsarichinanta, Jesuspi atinikojkunamanta pikunachus wañupunkuña, chaykunata.

1 Pedro 3:18

Cristopis juchanchejrayku wiñaypaj uj kutillata ñak'arerqa. Pay mana juchayojchu karqa. Chaywanpis juchasapakunarayku wañorqa, Tata Diosman pusanasuykichejpaj. Cheqapuni payqa runa jina wañuchisqa karqa, Santo Espiritunejtataj kawsarichisqa karqa.

Apocalipsis 2:23

Wawankunatapis noqa wañurachisaj. Ajinamanta tukuy iglesiakuna yachanqanku noqaqa runaj yuyayninta, sonqontawan ima rejsisqayta. Sapa ujniykichejmantaj ruwasqaykichejman jina qopusqaykichej.