San Juan 4:36 - DIOSPA QHELQACHISQAN DEUTEROCANONICAL

³⁶ Pichus ruthojmanqa sumaj pagota paganku. Oqharisqanku poqoytaj runakuna kanku, pikunachus wiñay kawsayman yaykonqanku, chaykuna. Ajinaqa pichus tarpojwan, chajrata oqharejwan ima khuska kusikonqanku.

Qheshwa Biblia DC

³⁶ Pichus ruthojqa pagonta jap'ikaponqa, poqoytataj wiñay kausaypaj tantanqa. Tarpojtajrí, ruthojwan kusikonqa.

DIOSPA QHELQACHISQ

³⁶ Pichus ruthojmanqa sumaj pagota paganku. Oqharisqanku poqoytaj runakuna kanku, pikunachus wiñay kawsayman yaykonqanku, chaykuna. Ajinaqa pichus tarpojwan, chajrata oqharejwan ima khuska kusikonqanku.

Quechua South Bolivia: Dios Parlapawanchej

³⁶ Okharejka cusiywan chay wiñay causaypaj pokoyta okharishanña. Ajinapi tarpojka okharejwan cusca cusicuncu.

San Juan 4:36 ပူးပေါင်းရင်းမြစ်များ

Proverbios 11:18

Millayta ruwajpa pagonqa qhasi manakajlla. Cheqan kajta ruwajrí sumaj t'inkata jap'enqa.

Proverbios 11:30

Cheqan kajta ruwanaqa runata kawsachin, yachayniyojtaj wajkunaj sonqonkuta suwan.

Daniel (hebreo) 12:3

Chantá yachayniyoj runakunaqa janajpi k'anchay jina k'anchanqanku, ashkha runaman cheqanta ruwaspa puriyta yachachejkunataj wiñaypaj ch'askakuna jina lliphipirenqanku.

San Mateo 19:29

Pillapis noqata qhatinawanrayku wasinta saqerparin, wawqenkunata, panankunata, chayrí tatanta, mamanta, warminta, jinallataj wawankunata, jallp'ankunata ima, chay runamanqa Dios pachaj kutita qoponqa, chay runataj wiñay kawsayniyoj kanqa.

San Juan 3:36

Pichus Diospa Churinpi atinikojqa wiñay kawsayniyoj. Churipi mana atinikuyta munajrí mana wiñay kawsayman yaykonqachu, aswanpis Diospa phiñakuynin paypa patanpi kashan.

San Juan 4:14

Noqaj qosqay yakuta ujyajrí manaña jayk'ajpis ujtawan ch'akichikonqachu. Aswanpis noqaj qosqay yakoqa paypi mana ch'akej pujyu jina kanqa, chay yakutaj payman wiñay kawsayta qonqa, nispa.

San Juan 5:24

Kaytapis nillaykichejtaj: Sichus pipis parlasqayta uyarispa, kachamuwaj Tataypi atinikun chayqa, payqa wiñay kawsayniyoj, manataj juicio p'unchaypi juchachasqachu kanqa. Pay mana jayk'ajpis juchachasqachu kanqa, imaraykuchus wañuymanta kawsayman chimpapunña.

Romanos 1:13

Wawqe panakuna, yachanaykichejta munani ashkha kutita qankunata watukoj jamuyta munasqayta. Chaywanpis mana atikorqachu. Llajtaykichejman jamuyta munani Jesusmanta sumaj willayta willanaypaj, imaynatachus waj llajtakunapi willarqani, ajinata, ajinamanta ashkha runakuna Jesusman kutirikunankupaj.

Romanos 2:7

Allinta ruwaspa mana sayk'ojkunaman Dios wiñay kawsayta qonqa, pikunachus Diospa ñawpaqenpi jatunpaj qhawasqa kayta mask'anku, mana jayk'aj wañuyta ima, chaykunaman.

Romanos 6:22

Kunantajrí, juchaj wata runan kanamanta kacharichisqaña kaspa, Diospa wata runan kanaykichejpaj yaykupunkichej. Chaytaj qankunapaj arí sumaj, imajtinchus llimphu kawsayta tarinkichej, chaymantataj wiñay kawsayta jap'inkichej.

Romanos 6:23

Juchaqa pagota jina wañuyta qon. Diostajrí Tukuyta Kamachej Jesucristonejta wiñay kawsayta qhasilla qon.

1 Corintios 9:17

Munasqayraykullachus willarayman chayqa, pagachikuyta atiyman. Chaywanpis kamachiwasqanta junt'anayrayku willarashani, imaraykuchus Dios willaranayta kamachiwarqa.

1 Corintios 9:18

Jina kajtenqa, imataj noqaj t'inkayri? T'inkayqa kaymin: Cristomanta sumaj willayta mana paganawankuta suyaspalla willarasqaymanta kusikuyniy. Chayrayku sumaj willaymanta willaspa, mana paganawankuta mañakunichu.

1 Tesalonicenses 2:19

Noqayku qankunata anchatataj rikuyta munarqayku, imaraykuchus Tukuyta Kamachej Jesusninchej kutimuspa, cuentata mañawasqayku. Chaypachataj noqayku umata oqharisqayku, chantá kusikusqayku ima qankunata yanapanaykupaj imatachus ruwasqaykumanta. Qankunamin t'inkayku kankichej.

1 Timoteo 4:16

Qan imaynatachus purisqaykita allinta qhawakuy, jinallataj wajkunaman imatachus yachachisqaykitapis. Chantá imachus cheqan kajpi sinch'ita sayay qhespichisqa kasqaykej allinninpaj, jinallataj uyarisojkunapis qhespichisqa kanankupaj.