San Juan 3:36 - DIOSPA QHELQACHISQAN DEUTEROCANONICAL

³⁶ Pichus Diospa Churinpi atinikojqa wiñay kawsayniyoj. Churipi mana atinikuyta munajrí mana wiñay kawsayman yaykonqachu, aswanpis Diospa phiñakuynin paypa patanpi kashan.

Qheshwa Biblia DC

³⁶ Churipi creejqa wiñay kausayniyoj, Churipi mana creejtajrí, kausaytaqa mana rikonqachu; astawanqa Diospa phiñakuynin paypa patampi kashan.

DIOSPA QHELQACHISQ

³⁶ Pichus Diospa Churinpi atinikojqa wiñay kawsayniyoj. Churipi mana atinikuyta munajrí mana wiñay kawsayman yaykonqachu, aswanpis Diospa phiñakuynin paypa patanpi kashan.

Quechua South Bolivia: Dios Parlapawanchej

³⁶ Wawanpi jap'icojka wiñay causayniyojmin. Wawanpi jap'icuyta mana munajrí wiñay causayman mana yayconkachu. Astawanpis Diospa c'ajaj phiñacuynin chay runapaj wiñaypaj cashan, —nerka Juan.

San Juan 3:36 ပူးပေါင်းရင်းမြစ်များ

Job 33:28

Payqa wañuymanta qhespichiwarqa, kawsashanitaj k'anchayta rikuspa kusikunaypaj, nispa.

Salmos 2:12

Diosta jatunchaychej, ama phiñakunanpaj, imajtinchus pay askamalla phiñakuspa, qankunata wañuchisunkichejman. Paypi atinikojkunarí kusikuyniyojmin kanqanku.

Salmos 36:9

9 (10) Qanpi kawsay yaku juturi kashan. Ñawpaqellaykipitaj k'anchayta rikuyta atiyku.

Salmos 49:19

19 (20) uj p'unchay wañunan chayamonqa, manañataj kay pachapi kawsayta ujtawan rikonqachu.

Habacuc 2:4

Kay jinatamin qhelqay: Millayta ruwajkunaqa mayta runaykachanku. Chaywanpis cheqan runakunaqa Diosta mana wasanchasqankurayku kawsanqanku.

Números 32:11

Egiptomanta llojsimojkunamanta, iskay chunka watayojmanta pataman chay jallp'ata mana rikonqankuchu, imajtinchus mana tukuy sonqochu qhatiwarqanku. Chay jallp'ata Abrahamman, Isaacman, Jacobman ima tiluspa qonayta nerqani, chayman mana yaykonqankuchu.

San Mateo 25:46

Chaymantataj paykuna wiñay ñak'ariyman renqanku, cheqan kajta ruwajkunatajrí wiñay kawsayman yaykonqanku, nispa. Ajinata Jesús yachacherqa.

Marcos 16:16

Pichus noqapi atinikojqa, chantá bautizachikojtaj, qhespichisqa kanqa. Noqapi mana atinikojrí wiñaypaj juchachasqa kanqa.

San Lucas 2:30

Noqaqa kikin ñawiywan kachamusqayki qhespichejta rikuni,

San Lucas 3:6

Chantá tukuy runaqa Diospa kachamusqan qhespichejta rikonqanku, nispa.

San Juan 1:12

Aswanpis tukuy pikunachus paypi atinikuspa mana qhesacharqankuchu, chaykunaman pay atiyta qorqa Diospa wawankuna ruwasqa kanankupaj.

San Juan 10:28

Noqaqa paykunaman wiñay kawsayta qoni, manataj jayk'ajpis chinkanqankuchu. Makiymantataj paykunata mana pipis qhechuwayta atenqachu.

San Juan 3:3

Jesustajrí kutichispa, nerqa: Kayta sut'ita niyki: Sichus pipis watej mana paqarinmanchu chayqa, Diospa kamachiyninta ni rikullanqapischu, nispa.

San Juan 4:36

Pichus ruthojmanqa sumaj pagota paganku. Oqharisqanku poqoytaj runakuna kanku, pikunachus wiñay kawsayman yaykonqanku, chaykuna. Ajinaqa pichus tarpojwan, chajrata oqharejwan ima khuska kusikonqanku.

San Juan 5:24

Kaytapis nillaykichejtaj: Sichus pipis parlasqayta uyarispa, kachamuwaj Tataypi atinikun chayqa, payqa wiñay kawsayniyoj, manataj juicio p'unchaypi juchachasqachu kanqa. Pay mana jayk'ajpis juchachasqachu kanqa, imaraykuchus wañuymanta kawsayman chimpapunña.

San Juan 6:58

Kaymá janaj pachamanta urayk'amoj t'antaqa, manataj, tataykichej mikhusqanku, chay maná nisqa t'anta jinallachu. Ñawpa tataykichejkunaqa chayta mikhuspapis wañorqanku. Kay t'antata mikhojrí wiñaypaj kawsanqa, nispa.

San Juan 8:51

Sut'ita niykichej: Pillapis nisqayta kasojqa mana jayk'ajpis wañonqachu, nispa.

Hechos 14:2

Jesuspi mana atinikoj judiokunarí mana judío kajkunata yachaykuchispa, Pabloj chantá Bernabéj contrankupi oqharicherqanku.

Romanos 4:15

Diospa kamachisqankunata pipis p'akejtin, Dios payta jasut'in. Kamachisqa mana kanmanchu chayrí, kamachisqata p'akisqanmanta mana pipis juchachasqa kanmanchu.

Romanos 5:9

Ajinaqa, sichus Cristo wañusqanrayku Diosqa cheqan runapaj qhawawarqanchej chayqa, kunanqa astawanraj Cristonejta Diospa k'araj phiñakuyninmanta qhespichillasqataj kasunchej.

Romanos 8:1

Chayrayku pikunachus Cristo Jesusman ujchasqa kajkunaqa manaña ni imamanta juchachasqachu kasunchej.

Gálatas 3:10

Chaywanpis Moisespa kamachisqanta kasusqankurayku cheqanpaj qhawasqa kayta tukuy munajkunaqa maldicisqa kanku, imaraykuchus Diospa Qhelqachisqanpi nin: Pichus Diospa qhelqachisqan kamachisqakunamanta tukuyninta mana junt'ajqa maldicisqamin, nispa.

Efesios 5:6

Ama piwanpis qhasi manakaj parlasqanwan q'otiyachikuychejchu, imajtinchus chaykunata ruwasqankurayku Diospa k'araj phiñakuynin mana kasukojkunaj patankuman jamun.

1 Tesalonicenses 1:10

Paykuna parlallankutaj qankuna imaynatachus janaj pachamanta Diospa Churin kutimunanta suyashasqaykichejta. Payta Diosqa wañusqamanta kawsarichimorqa, payllataj jamoj k'araj phiñakuymanta qhespichiwanchej.

1 Tesalonicenses 5:9

Diosqa mana jasut'isqa kananchejpajchu wajyawarqanchej, aswanpis Tukuyta Kamachej Jesucristonchejnejta qhespichisqa kananchejpaj.

Hebreos 10:29

Ñawpajta ajinachus karqa chayqa, kunan astawanraj juchachanapaj jina kanqanku pikunachus Diospa Churinta qhesachajkuna, jinataj wañusqan qhasi manakaj kasqanta nejkuna. Paykuna mosoj tratoman yaykunapaj yawar jich'asqanta pisipaj qhawanku, mayqenchus Diospaj t'aqawanchej, chayta. Jinallataj Diospa Espiritunta turiyanku, pichus Diospa qhasilla k'acha yanapayninta chayachimuwanchej, chayta.

Hebreos 2:3

Ajina kajtenqa, sichus noqanchejman kunan Dios qoshawanchej, chay jina ashkha valorniyoj qhespichiyta pisipaj qhawasunman chayqa, imaynatataj jasut'iyninmanta llusp'isunmanri? Chay qhespichiymanta Tukuyta Kamachej Jesús ñawpajta willarqa, payta uyarejkunataj chay willasqan cheqapuni kasqanta willallawarqanchejtaj.

Hebreos 3:18

Pikunatataj Dios tiluspa nerqa: Qankunaqa samarinaykichejpaj qosqay jallp'aman mana yaykunkichejchu, nispari? Ajinata nerqa, pikunachus mana kasukorqankuchu, chaykunata.

Hebreos 3:19

Ajinataj karqa. Paykuna Diospa qosqan samarinaman mana yaykuyta aterqankuchu, Diospi mana atinikusqankurayku.

Apocalipsis 21:8

Manchalikunarí, Diospi mana atinikuyta munajkuna, millay kajkuna, runa wañuchejkuna, khuchichakojkuna, layqakuna, lanti yupaychajkuna, chantá tukuy llullakojkuna ima azufrewan lawrashaj nina qochaman wijch'uykusqa kanqanku. Chaymá iskay kaj wañoyqa.