San Juan 3:35 - DIOSPA QHELQACHISQAN DEUTEROCANONICAL

³⁵ Diostaj Churinta munakuspa, tukuy imata makinman churan.

Qheshwa Biblia DC

³⁵ Dios Tataqa Churinta munakun; chayrayku tukuy imata makinman churarqa.

DIOSPA QHELQACHISQ

³⁵ Diostaj Churinta munakuspa, tukuy imata makinman churan.

Quechua South Bolivia: Dios Parlapawanchej

³⁵ Dios Tataka Wawanta munacun, tucuy imatataj churarkaña paypa atiyninpi cananpaj.

San Juan 3:35 ပူးပေါင်းရင်းမြစ်များ

Génesis 41:44

Faraontaj Joseta nerqa: Noqa faraón kani. Chaywanpis kay tukuynin Egipto suyupeqa kamachejtillayki runakuna imatapis ruwanqanku.

Génesis 41:55

Egiptopi mikhuymanta pisiyta qallarerqanku chaypacha, llajtayojkuna mikhunata mañakoj faraonman rerqanku. Faraontaj nerqa: Rispa, Josemanta mañakamuychej, ruwaychejtaj paypa nisqanta, nispa.

Salmos 2:8

Mañakuway suyukunata chayaqeykipaj qosunayta, noqataj tukuy kay pachata qosqayki.

Proverbios 8:30

noqa paywan khuska karqani, tukuy imata maypichus kananman churaspa. Sapa p'unchay payta kusicherqani, paypa ñawpaqenpitaj kusikoj kani.

Isaías 42:1

Kaymin noqaj kamachiy, pitachus noqa kallpachani, chay. Paymin ajllakusqayqa paywantaj may kusisqa kani. Chantá payman Espirituyta qoni, tukuy suyukunapaj justiciata ruwananpaj.

Daniel (hebreo) 7:14

Chantá payman qosqanku tukuy atiyta may jatunchasqa kananpaj, tukuy kaj chhikata kamachinanpaj ima, ajinamanta tukuy suyukunamanta kajkuna, tukuy parlayniyoj kajkuna ima kamachiyninpi kanankupaj. Chaymantapachataj wiñaypaj kamachenqa, kamachinantaj mana jayk'ajpis tukukonqachu.

San Mateo 11:27

Chantá Jesús chaypi kajkunata nillarqataj: Tatayqa tukuy imata qowan. Mana pipis yachanchu pichus Churi kasqanta. Chaytaqa Tatalla yachan. Nitaj pipis yachanchu pichus Tata kasqanta, manachayqa Churillan yachan, jinallataj pimanchus Churin rejsichiyta munan, chay.

San Mateo 17:5

Ajinata Pedro parlashajtillanraj, ujllata k'ancharishaj uj phuyu paykunata p'ampaykorqa, chay phuyu ukhumantataj Dios nimorqa: Kaymin munasqa Chureyqa, ajllakusqaytaj. Paywan sonqo junt'asqa kani, chayrayku payta uyariychej, nispa.

San Mateo 28:18

Chantá Jesús qayllaykuspa, paykunata nerqa: Tata Diosneyqa kamachinapaj tukuy atiyta qowan janaj pachapi, kay pachapipis.

San Mateo 3:17

Jinallapitaj janaj pachamanta Dios nimorqa: Qanmin munasqa Churiy kanki, qanwantaj sonqo junt'asqa kani, nispa.

San Lucas 10:22

Chantá Jesús chaypi kajkunata nillarqataj: Tatayqa tukuy imata qowan. Mana pipis yachanchu pichus Churi kasqanta. Chaytaqa Tatalla yachan. Nillataj pipis yachanchu pichus Tata kasqanta, manachayqa Churillan yachan, jinallataj pimanchus Churi rejsichiyta munan, chaypis, nispa.

San Juan 13:3

Jesustaj Tata Diosmanta jamusqanta, chantá Diosmantaj kutipunanta yacharqamin. Jinallataj Diosqa tukuy atiyta payman qosqanta yachallarqataj.

San Juan 15:9

Imaynatachus Tata Dios noqata munakuwan, ajinallatataj noqapis qankunata munakuykichej. Ajinaqa qankunapis kasuwaspa puriychej munakususqaykichejmanta ama karunchakunaykichejpaj.

San Juan 17:2

Churiykiman qan atiyta qorqanki, tukuy runata kamachinanpaj, wiñay kawsaytataj qonanpaj, pikunatachus payman qorqanki, chaykunaman.

San Juan 17:23

Noqaqa paykunaman ujchasqa kashani, qantaj noqaman. Ajinamanta paykuna uj sonqolla kanqanku, tukuy runakuna yachanankupaj qan kachamuwasqaykita. Yachallanqankutaj qan paykunata munakusqaykita, imaynatachus noqatapis munakuwanki, ajinata.

San Juan 17:26

Noqaqa paykunaman pichus kasqaykita rejsicherqani. Chantá astawanraj rejsichisajpis, imaynatachus noqata munakuwanki, ajinallatataj paykunapis ujkunata munakunankupaj. Chaypachataj paykuna noqaman ujchasqallapuni kanqanku, nispa. Ajinata Jesús Tata Diosmanta mañakorqa.

San Juan 5:20

Tata Diosqa Churinta munakun. Chayrayku imatachus pay ruwan, chay tukuyta Churinman rikuchin. Chantá aswan jatuchaj ruwanataraj ruwananpaj rikuchenqa, qankunataj chayta rikuspa, t'ukunkichej.

San Juan 5:22

Jinallataj Tata Diosqa mana pitapis juzganchu, manachayqa Churinman tukuy atiyta qon, pay runakunata juzgananpaj.

1 Corintios 15:27

Diospa Qhelqachisqanpi nin: Diosqa tukuy imata chakin uraman churarqa, nispa. Maypachachus nin Cristoj chakin uraman tukuy imata churasqanta chaypacha, mana niyta munanchu Tata Diosqa Cristoj chakin uraman churasqa kasqanta, imaraykuchus paymin Cristoj chakin uraman tukuy imata churajqa.

Efesios 1:22

Jinallataj Diosqa tukuy imata Cristoj chakin uraman churarqa. Chantá payta churallarqataj tukuy imapi Iglesiaj Uman kananpaj.

Hebreos 1:2

Kunanrí kay qhepa p'unchaykunapi Dios Churinnejta parlawanchej, pimanchus tukuy imata chayaqeta jina qorqa, pinejtatajchus tukuy kaj chhikata ruwarqa, chaynejta.

1 Pedro 3:22

Jesucristoqa janaj pachaman ripunña, chaypitaj Diospa pañanpi tiyasqa kashan. Paytaj tukuy angelkunata, kamachejkunata, chantá atiyniyojkunata ima kamachishan.