San Juan 3:14 - DIOSPA QHELQACHISQAN DEUTEROCANONICAL

¹⁴ Imaynatachus ch'innejpi Moisés broncemanta katarita k'aspiman warkhuspa pataman oqharerqa, ajinallatataj Runaj Churinpis pataman oqharisqa kanqa.

Qheshwa Biblia DC

^14-15 Imaynatachus ch'in pampapi Moisés katarita warkhorqa; ajinallatataj Runaj Churintapis warkhonqanku; tukuy paypi creej, ama wañunampaj; astawanqa, wiñay kausayniyoj kanampaj.

DIOSPA QHELQACHISQ

¹⁴ Imaynatachus ch'innejpi Moisés broncemanta katarita k'aspiman warkhuspa pataman oqharerqa, ajinallatataj Runaj Churinpis pataman oqharisqa kanqa.

Quechua South Bolivia: Dios Parlapawanchej

¹⁴ Moisespis unayña ch'in pampapi uj catarita c'aspipi warqhuspa okharerka onkoska runas khawanancupaj. Diospi jap'icuspa, chay catarita khawaskancuraycu, Dios paycunata thañicherka. Ajinallataj Diospa cachaska Runan okhariska canan tiyan

San Juan 3:14 ပူးပေါင်းရင်းမြစ်များ

2 Reyes 18:4

Payqa orqo patapi waj dioskunata yupaychana altarkunata thuñiykorqa, rumimanta lantikunata p'akerqa, k'ullumanta ruwasqa lantikunapis llant'arparerqa. Jinallataj Moisespa broncemanta ruwasqan kataritapis p'akillarqataj, imajtinchus israelitakunaqa chay katarita diosta jina qhawaspa, inciensota q'oshñicherqanku. Jinataj broncemanta katarita Nejustán, nispa suticharqanku.

Salmos 22:16

16 (17) Alqokuna jina uj t'ojpa millayta ruwajkuna muyuykuwanku. Paykuna chakiyta, makiytawan jusk'urawanku.

Isaías 11:10

Chaypacha Yesejpa saphinmanta ijimojqa tukuy suyupaj wiphala jina uj señal kanqa. Tukuy runakuna payta mask'anqanku, tiyakunantaj jatun kayninwan lliphipirenqa.

San Mateo 26:54

Ajinachus kanman chayqa, imaynamantataj Diospa Qhelqachisqan junt'akunmanri? nispa.

San Mateo 8:20

Jesustajrí kuticherqa: Atojkunajtaqa qaqapi jusk'unku tiyan, p'isqokunapis thapayojllataj kanku. Runaj Churinpajtarí, mana maypichus samarinallanpajpis kanchu, nispa.

San Lucas 24:20

Chaywanpis kuraj sacerdotekuna, kurajninchejkuna ima payta presochaspa, wañuchisqa kananpaj juchacharqanku. Chaymantataj payta cruzman chakatacherqanku.

San Juan 18:32

Ajinata Jesuspa nisqan junt'akorqa, imaraykuchus Jesús imaynatachus wañunanta nisqaña.

San Juan 6:51

Noqamin janaj pachamanta urayk'amoj kawsayta qoj t'anta kani. Pillapis kay t'antamanta mikhojtaj wiñaypaj kawsanqa. Noqa qosaj, chay t'antaqa ukhuymin. Noqataj ukhuyta qospa wañusaj runakunaman wiñay kawsayta qonaypaj, nispa.

San Juan 8:28

Chayrayku Jesús paykunata nerqa: Maypachachus Runaj Churinta cruzman chakataspa sayarichinkichej, chaypacha noqa pichus kasqayta yachankichej. Yachallankichejtaj mana imatapis sapallaymanta ruwasqayta. Jinallatataj yachankichej Tata Diospa yachachisqallanta parlasqayta.

Hechos 2:23

Chaywanpis Dios imachus kananta yacharqaña, jinataj ñawpajmantapacha imatachus wakichisqanman jina Jesús qankunaman jaywaykusqa karqa. Qankunataj millayta ruwaj runakunawan payta cruzman chakatachispa, wañucherqankichej.