San Juan 20:25 - DIOSPA QHELQACHISQAN DEUTEROCANONICAL

²⁵ Chantá yachachisqakuna payta nerqanku: Tukuyta Kamachej Jesusta kawsashajta rikuyku, nispa. Tomastajrí paykunata nerqa: Sichus makinpi clavoj jusk'usqanta mana rikusajchu chayqa, mana creesajchu. Manatajchus ruk'anayta clavoj jusk'usqanman sat'iykusaj, nillataj wallak'unpi lanzawan t'ojsisqaman makiyta churaykusaj chayqa, manapuni creesajchu, nispa.

Qheshwa Biblia DC

²⁵ Yachachisqastaj payman nerqanku: Señorta rikuyku. Tomastaj paykunaman nerqa: Sichus makisnimpi clavospa jusk'usqanta mana rikusaj chayqa, mana creesajchu. Chantá manatajchus dedoyta clavospa jusk'usqanman sat'iykusaj, nillataj wajtannimpi lanzawan t'ojsisqaman makiyta churaykusaj chaypis, manapuni creesajchu.

DIOSPA QHELQACHISQ

²⁵ Chantá yachachisqakuna payta nerqanku: Tukuyta Kamachej Jesusta kawsashajta rikuyku, nispa. Tomastajrí paykunata nerqa: Sichus makinpi clavoj jusk'usqanta mana rikusajchu chayqa, mana creesajchu. Manatajchus ruk'anayta clavoj jusk'usqanman sat'iykusaj, nillataj wallak'unpi lanzawan t'ojsisqaman makiyta churaykusaj chayqa, manapuni creesajchu, nispa.

Quechua South Bolivia: Dios Parlapawanchej

²⁵ Chayraycu chay waj yachacojcunaka payman nisharkancu: —Señorninchejta ricorkaycu, —nispa. Payrí nerka: —Sichus maquisninpi clavo jusc'usta mana ricuymanchu, nitaj dedoyta chay clavo jusc'usman churaycuymanchu, maquiytapis mana wajtanman churaycuymanchu chayka, ni jayc'aj creesajchu pay causashaskantaka, —nispa.

San Juan 20:25 ပူးပေါင်းရင်းမြစ်များ

Job 9:16

Sichus payta wajyajtiy jamunman chayqa, mana yuyaymanchu nisqayta pay uyarinawanta.

Salmos 22:16

16 (17) Alqokuna jina uj t'ojpa millayta ruwajkuna muyuykuwanku. Paykuna chakiyta, makiytawan jusk'urawanku.

Salmos 78:32

Chaywanpis, paykuna watej juchallikullarqankutaj, Diospa atiyninmanta iskayrayaspa.

San Mateo 27:42

Kay runaqa wajkunata qhespicherqa. Chaywanpis pay kikin mana qhespichikuyta atinchoqa. Sichus pay Israelpa kuraj kamachejnin chayqa, kunanpacha cruzmanta urayk'amuchun. Noqaykutaj paypi atinikusqayku.

Marcos 16:11

Mariataj paykunaman willarqa Jesús wañusqamanta kawsarimpusqanta, paytataj rikusqanta ima. Paykunarí manapuni Mariaj nisqanta jap'ikorqankuchu.

Marcos 16:13

Chaymantataj paykuna Jerusalenman kutirispa, chay ujkunaman Jesusta rikusqankuta willarqanku. Jesuspa chay waj yachachisqankunatajrí nillataj paykunaj nisqankuta jap'ikorqankuchu.

Marcos 16:14

Qhepaman Jesús chunka ujniyoj yachachisqankunamanpis rikhurillarqataj, paykuna mikhushajtinku. Jinapi paykunata k'amerqa, rumi sonqo kaspa, mana paypi atinikusqankurayku, imaraykuchus kawsarimpusqanta rikojkunaj nisqankutapis manapuni jap'ikorqankuchu.

San Lucas 24:25

Chantá Jesús nerqa: Ay, chay jina wampu kanaykichejri? Imaraykutaj Diosmanta sut'inchajkunaj tukuy nisqanta mana jap'ikunkichejchuri?

San Juan 1:41

Paytaj ñawpajta wawqen Simonta mask'arqa. Tarispataj, nerqa: Mesiasta tariyku, nispa. Hebreo rimaypi Mesías ninku, griego rimaypitaj Cristo.

San Juan 20:27

Chantá Tomasta nerqa: Ruk'anaykita kayman churay, makiytataj qhawariy. Jinataj makiykita kay wallak'uyman churay. Amaña iskayrayaychu, manachayqa noqa kawsashasqayta creey, nispa.

San Juan 21:7

Jinapi, pitachus Jesús munakorqa, chaymin Pedrota nerqa: Payqa Tukuyta Kamachej Jesús, nispa. Simón Pedrotaj Tukuyta Kamachej Jesús kasqanta nejta uyarispa, q'ara wasalla kashasqanrayku patanchana p'achanta churaykukorqa. Chantá usqhayta qocha kantuman chayananpaj yakuman phinkiykorqa.

San Juan 6:30

Chantá paykuna taporqanku: Qan runaj mana jayk'aj rikusqan t'ukunakunamanta imatataj ruwanki, chayta rikuspa noqayku qanpi atinikunaykupajri? Imatataj ruwankiri?

Hebreos 3:12

Chayrayku wawqe panakuna, sumajta qhawakuychej. Ama pipis qankunamanta mana allin sonqo, nitaj Diospi mana atinikuyta munaj sonqoyoj kachunchu, ajinamanta kawsashaj Diosmanta karunchakunanpaj.

Hebreos 3:18

Pikunatataj Dios tiluspa nerqa: Qankunaqa samarinaykichejpaj qosqay jallp'aman mana yaykunkichejchu, nispari? Ajinata nerqa, pikunachus mana kasukorqankuchu, chaykunata.