San Juan 2:23 - DIOSPA QHELQACHISQAN DEUTEROCANONICAL

²³ Pascua raymipi Jesús Jerusalenpi kashajtin, ashkha runakuna paypi atinikorqanku, runaj mana jayk'aj rikusqan t'ukunata ruwasqanta rikuspa.

Qheshwa Biblia DC

²³ Pascua p'unchaykunapi Jerusalempi Jesús kashajtin, ashkhas sutimpi creerqanku, milagrosta ruwasqanta rikuspa.

DIOSPA QHELQACHISQ

²³ Pascua raymipi Jesús Jerusalenpi kashajtin, ashkha runakuna paypi atinikorqanku, runaj mana jayk'aj rikusqan t'ukunata ruwasqanta rikuspa.

Quechua South Bolivia: Dios Parlapawanchej

²³ Pascua p'unchaycunapi Jerusalenpi Jesús cashajtin ashqhas paypi jap'icorkancu ricuchinasta ruwaskanta khawaspa.

San Juan 2:23 ပူးပေါင်းရင်းမြစ်များ

San Lucas 8:13

Rumirara jallp'api t'akasqa mujurí ninakun, pikunachus Diospa simi nisqanta uyariytawan kusiywan jap'inku, chaykunaman. Chaywanpis paykuna mana allin saphichasqa kasqankurayku, pisi p'unchayllata Diospi atinikunku, llakiy qhatejtintaj, qhepaman kutiripunku.

San Juan 11:45

Chaypacha Mariata watukoj runakunamanta Jesuspi ashkha atinikorqanku, imaynatachus Lazarota wañusqamanta kawsarichisqanta rikuspa.

San Juan 2:11

Jesús Galilea jap'iypi Caná llajtapi yakuta vinoman tukuchisqanqa ñawpaj kaj t'ukuna ruwasqan karqa. Ajinata Jesús may jina atiyniyoj kasqanta rejsicherqa, yachachisqankunataj paypi astawan atinikorqanku.

San Juan 2:13

Judiokunaj Pascua rayminkuman qayllallaña kashajtin, Jesús Jerusalenman rerqa.

San Juan 3:2

Uj ch'isi Jesusta watukoj rispa, pay nerqa: Yachachej Wiraqochi, yachachinawaykupaj Diospa kachamusqan kasqaykita yachayku. Mana pipis, imatachus qan ruwanki, chay jina runaj mana jayk'aj rikusqan t'ukunata ruwayta atinmanchu, Dios mana paywan kajtenqa, nispa.

San Juan 4:45

Chaywanpis Galileaman Jesús chayajtin, chay llajtayojkuna jamusqanmanta kusikorqanku. Paykunapis Jerusalenpi Pascua raymiman rillasqankutaj, chaypitaj Jesuspa tukuy ima ruwasqanta rikusqanku.

San Juan 5:36

Noqaj ruwasqayrí Juanpa willasqanmanta astawanraj noqa pichus kasqaymanta sut'inchan. Noqaqa Tata Dios imatachus kamachiwasqanta ruwani, chay ruwasqaytaj Tata Dios kachamuwasqanmanta sut'ita yachayta qon.

San Juan 6:14

Mikhojkunatajrí, Jesús runaj mana jayk'aj rikusqan t'ukuna ruwasqanta rikuspa, nerqanku: Cheqapuni kay runaqa Diosmanta sut'inchaj, pichus kay pachaman jamunan karqa, chay, nispa.

San Juan 6:2

Ashkha runataj Jesuspa qhepanta rerqanku, imaraykuchus rikorqanku pay runaj mana jayk'aj rikusqan t'ukunata ruwaspa onqosqakunata qhaliyachisqanta.

San Juan 7:31

Chaywanpis ashkha runakuna Jesuspi atinikorqanku. Paykunataj nerqanku: Dios kachamunan kashan, chay Cristo jamojtin, kay runamanta nisqa astawanrajchu runaj mana jayk'aj rikusqan t'ukunakunata ruwanman? nispa.

Gálatas 5:6

Cristo Jesuspi atinikusqanchejrayku circuncidasqa kay chayrí mana circuncidasqa kaypis mana ni imapi yanapawanchejchu. Aswanqa Jesucristopi atinikuylla valen, chaytaj wajkunata munakuyta yanapawanchej.

1 Juan 3:23

Kaymin Diospa kamachisqanqa: Diospa Churin Jesucristopi atinikunanchej, kamachiwasqanchejman jinataj ujkuna ujkuna munakunanchej.