San Juan 2:11 - DIOSPA QHELQACHISQAN DEUTEROCANONICAL

¹¹ Jesús Galilea jap'iypi Caná llajtapi yakuta vinoman tukuchisqanqa ñawpaj kaj t'ukuna ruwasqan karqa. Ajinata Jesús may jina atiyniyoj kasqanta rejsicherqa, yachachisqankunataj paypi astawan atinikorqanku.

Qheshwa Biblia DC

¹¹ Jesús kay milagrosta ruwayta qallarerqa Galilea Caná llajtapi. Ajinamanta atiynimpa lliphipiyninta rikucherqa; yachachisqasnintaj paypi creerqanku.

DIOSPA QHELQACHISQ

¹¹ Jesús Galilea jap'iypi Caná llajtapi yakuta vinoman tukuchisqanqa ñawpaj kaj t'ukuna ruwasqan karqa. Ajinata Jesús may jina atiyniyoj kasqanta rejsicherqa, yachachisqankunataj paypi astawan atinikorqanku.

Quechua South Bolivia: Dios Parlapawanchej

¹¹ Cay ricuchinaspa kallariyninta Jesús ruwarka Galileapi caj Caná llajtapi. Chayta ruwaspa atiyninta runasman ricucherka. Yachacojcunantaj paypi jap'icorkancu.

San Juan 2:11 ပူးပေါင်းရင်းမြစ်များ

1 Reyes 17:24

Chantá chay warmeqa Eliasta nerqa: Kunanqa yachani qanqa cheqatapuni Diospa kamachiyninpi kasqaykita, parlasqaykipis Tata Diospa nisqan kasqanta, nispa.

Salmos 72:19

Qhapaj sutenqa wiñaypaj yupaychasqa kachun. Jatun kaynenqa kay pachantinpi junt'a kachun. Ajina kachun.

Salmos 96:3

Jatun kayninmanta tukuyman willaychej, t'ukuna ruwasqanmantataj tukuyman parlaychej.

Éxodo 14:31

Chaypacha israelitakunaqa Tata Dios Egipto llajtayojkunaj contrankuta may jina t'ukunata ruwasqanta rikorqanku. Chayrayku payta may jatun respetowan qhawarqanku. Chantá Tata Diospi, jinataj kamachin Moisespipis atinikorqanku.

Éxodo 4:9

Sichus chay iskay señalkunata rikuspa, mana nisqaykita jap'ikonqankuchu, nitaj uyarisonqankuchu chayqa, yakuta mayumanta oqharimuspa, jallp'aman jich'anki. Jallp'aman jich'asqayki yakutaj yawarman tukonqa, nispa.

Eclesiastés 9:7

Chayrayku qanqa kusisqa mikhuy, vinoykitapis tukuy sonqo ujyarikuy, imaraykuchus Diosqa ruwasqanchejta allin kasqanta nin.

Isaías 40:5

Chantá Tata Diospa jatun kayninpa lliphipiynin rikhurenqa, tukuy runataj chayta rikonqanku, imaraykuchus chayta Tata Diospuni nin, nispa.

Malaquías 2:2

Sichus mana kasuwankichej, nitaj sutiytapis tukuy sonqo jatunchankichej chayqa, imawanchus samincharqaykichej, chayllawantaj maldicisqaykichej. Chaykunatataj maldiciniña, imaraykuchus sonqoykichejpi mana munankichejchu noqata jatunchawayta. Ajinata noqa Tukuy Atiyniyoj Tata Dios niykichej.

San Juan 1:14

Chay Simi Nisqaqa runaman tukorqa, jinataj noqayku ukhupi tiyakorqa. Chantá noqayku jatun kayninpa lliphipiyninta rikorqayku, chaytaj Tata Diospa uj k'ata Churin jatun kayninpa lliphipiynin karqa. Paypitaj munakuywan, chantá cheqa kajwan ima may jinapuni karqa.

San Juan 1:17

Diosqa kamachisqankunata Moisesnejta qorqa. Chaywanpis Diospa mana tukukuyniyoj munakuyninta, cheqa kaynintawan Jesucristonejta qowanchej.

San Juan 1:43

Q'ayantenqa Jesús Galileaman rishaspa, Felipeta tarerqa, nerqataj: Jaku, noqawan rina, nispa.

San Juan 1:50

Jesustajrí kutichispa, nerqa: Higo sach'a urapi kashajtiyki rikorqayki, nispa nisusqayraykuchu noqapi atinikushanki? Chaymantapis aswan t'ukuna ruwaykunataraj rikunki, nispa.

San Juan 10:41

Chantá ashkha runakuna payman rispa, ujkuna ujkuna ninakorqanku: Cheqapuni Bautizaj Juanqa mana runaj mana jayk'aj rikusqan ima t'ukunatapis ruwarqachu. Chaywanpis Jesusmanta tukuy nisqanqa cheqapuni kasqa, nispa.

San Juan 11:15

Noqarí chaypi mana kasqaymanta kusikuni, imaraykuchus chayqa allinniykichejpaj kanqa, qankuna astawan noqapi atinikunaykichejpaj. Jaku, payta watukamoj rina, nispa.

San Juan 11:47

Chantá kuraj sacerdotekuna, fariseokuna ima Jatun Juntapi tantakuspa, nerqanku: Imatataj kay runawan ruwasunri? Payqa runaj mana jayk'aj rikusqan ashkha t'ukuna imakunata ruwashan.

San Juan 12:18

Chayrayku ashkha runakuna Jesusta taripaj llojserqanku, imaraykuchus runaj mana jayk'aj rikusqan chay t'ukuna ruwasqanmanta yacharqanku.

San Juan 12:37

Runaj mana jayk'aj ruwasqan chay chhika t'ukuna imakunata Jesús paykunaj rikunankuta ruwajtinpis, judiokuna manapuni paypi atinikuyta munarqankuchu.

San Juan 12:41

Diosmanta sut'inchaj Isaías ajinata nisqa, imaraykuchus Diospa kachamusqan Cristoj atiyninta rikusqa. Chayrayku Cristoj jatun kayninpa lliphipiyninmanta chayta parlasqa.

San Juan 14:13

Chantá sutiypi imatachus Tata Diosmanta mañakusqaykichejta noqa ruwasaj, Tata Dios Churinnejta jatunchasqa kananpaj.

San Juan 16:27

Tata Diosniy pay kikin munakusunkichej, imaraykuchus noqata munakuwankichej, Tata Diosmanta jamusqaytataj tukuy sonqo creenkichej.

San Juan 16:30

Kunan yachayku tukuy imata yachasqaykita, manataj pipis imata tapusunan kanchu. Chayrayku Tata Dios kachamususqanta tukuy sonqo creeyku, nispa.

San Juan 2:1

Kinsa p'unchayninman Galilea jap'iypi Caná llajtapi casaraku karqa, Jesuspa mamantaj chaypi kasharqa.

San Juan 2:23

Pascua raymipi Jesús Jerusalenpi kashajtin, ashkha runakuna paypi atinikorqanku, runaj mana jayk'aj rikusqan t'ukunata ruwasqanta rikuspa.

San Juan 3:2

Uj ch'isi Jesusta watukoj rispa, pay nerqa: Yachachej Wiraqochi, yachachinawaykupaj Diospa kachamusqan kasqaykita yachayku. Mana pipis, imatachus qan ruwanki, chay jina runaj mana jayk'aj rikusqan t'ukunata ruwayta atinmanchu, Dios mana paywan kajtenqa, nispa.

San Juan 4:3

Jesustaj fariseokuna chayta yachasqankuta yachaspa, Judea jap'iymanta llojsispa, yachachisqankunawan khuska Galilea jap'iyman ujtawan rerqa.

San Juan 4:46

Chaymanta Jesús Galileapi Caná llajtaman kutimullarqataj, maypichus yakuta vinoman tukuchisqa, chayman. Chaypachallataj Cafarnaunpi kamachejta yanapaj uj runa kasharqa, paypa wawantaj onqosqa kasharqa.

San Juan 4:54

Jesús Judeamanta Galileaman kutimuspa, chay iskay kaj t'ukunata ruwarqa, pipunichus pay kasqanta yachayta qonanpaj.

San Juan 5:23

Ajinamanta tukuy runakuna Churinta maypaj qhawanqanku, imaynatachus Tata Diosta maypaj qhawanku, ajinata. Pillapis Diospa Churinta mana maypaj qhawajrí nillataj kachamoj Tatantapis maypaj qhawanchu.

San Juan 6:14

Mikhojkunatajrí, Jesús runaj mana jayk'aj rikusqan t'ukuna ruwasqanta rikuspa, nerqanku: Cheqapuni kay runaqa Diosmanta sut'inchaj, pichus kay pachaman jamunan karqa, chay, nispa.

San Juan 6:2

Ashkha runataj Jesuspa qhepanta rerqanku, imaraykuchus rikorqanku pay runaj mana jayk'aj rikusqan t'ukunata ruwaspa onqosqakunata qhaliyachisqanta.

San Juan 6:26

Jesustaj kuticherqa: Kayta sut'ita niykichej: Mask'ashawankichej, mana qankuna runaj ni jayk'aj rikusqan t'ukunata ruwasqay ima niytachus munasqanta yachasqaykichejraykuchu. Manachayqa mask'ashawankichej t'antata mikhuspa sajsakusqaykichejraykulla.

San Juan 6:30

Chantá paykuna taporqanku: Qan runaj mana jayk'aj rikusqan t'ukunakunamanta imatataj ruwanki, chayta rikuspa noqayku qanpi atinikunaykupajri? Imatataj ruwankiri?

San Juan 7:31

Chaywanpis ashkha runakuna Jesuspi atinikorqanku. Paykunataj nerqanku: Dios kachamunan kashan, chay Cristo jamojtin, kay runamanta nisqa astawanrajchu runaj mana jayk'aj rikusqan t'ukunakunata ruwanman? nispa.

San Juan 9:16

Chaypacha wakin fariseokuna nerqanku: Chayta ruwaj runataqa mana Dioschu kachamunman, imaraykuchus pay samarina p'unchayta mana respetanchu, nispa. Wakintajrí nisharqanku: Imaynatataj juchasapa runa chay jina t'ukunata ruwanmanri? nispa. Ajinata paykunaqa ujtataj ujtataj parlasharqanku.

2 Corintios 3:18

Chayrayku tukuyninchej Diospa jatun kayninpa lliphipiyninta uya qhatarasqa qhawashanchej broncemanta espejopi jina. Jinallataj Diospa Espíritun paypa rijch'ayninman tukuchishawanchej, astawan astawan Diospa jatun kaynin noqanchejpi rikuchikunanpaj.

2 Corintios 4:17

Kay pachapi ñak'arisqaykoqa mana kasu ruwana jinalla, manataj unaypajchu. Chaywanpis, aswan jaqayman chay ñak'ariynejta noqaykupaj kanqa may sumaj wiñay kusiymin.

2 Corintios 4:6

Chayqa ajina, imaraykuchus Tata Diosqa kay pachata ruwashaspa, nerqa: Laqhayajpi k'anchay k'anchachun, nispa. Jinallataj pay chay k'anchayta sonqonchejpipis k'ancharichillantaj, Diospa jatun kayninpa lliphipiyninta Jesucristoj uyanpi rejsinanchejpaj.

Deuteronomio 5:24

Cheqatapuni Tata Diosniykoqa jatun kayninpa lliphipiyninta, qhapaj atiyninta ima rikuchiwayku. Parlamusqantataj nina lawray chawpimanta uyariyku. Kunan yachayku Diosqa runawan parlayta atisqanta, runataj mana wañusqanta.

1 Juan 5:13

Kay imakunata qhelqamuykichej, pikunachus Diospa Churinpi atinikunkichej, chaykunaman, ajinamanta wiñay kawsayniyoj kasqaykichejta yachanaykichejpaj.