San Juan 19:6 - DIOSPA QHELQACHISQAN DEUTEROCANONICAL

⁶ Chaypacha kuraj sacerdotekuna, chantá Templota qhawaj soldadokuna ima Jesusta rikuytawan, kutin kutinta qhaparerqanku: Cruzman chakatasqa kachun, nispa. Jinapi Pilato nerqa: Qankuna apakapuychej, cruzmantaj chakataychej. Noqarí kay runapi mana ima juchantapis tarinichu, nispa.

Qheshwa Biblia DC

⁶ Chaypacha kuraj sacerdotes, kamachis ima, Jesusta rikuytawan qhaparerqanku: Cruzpi chakatay, cruzpi chakatay!, nispa. Pilatotaj nerqa: Qankuna jap'ikapuychej, chakataychejtaj; paypeqa mana tarinichu ima juchatapis.

DIOSPA QHELQACHISQ

⁶ Chaypacha kuraj sacerdotekuna, chantá Templota qhawaj soldadokuna ima Jesusta rikuytawan, kutin kutinta qhaparerqanku: Cruzman chakatasqa kachun, nispa. Jinapi Pilato nerqa: Qankuna apakapuychej, cruzmantaj chakataychej. Noqarí kay runapi mana ima juchantapis tarinichu, nispa.

Quechua South Bolivia: Dios Parlapawanchej

⁶ Yupaychana-wasimanta curajcunarí yanapajcunapiwan Jesusta ricuspa mayta khaparerkancu: —¡Chacataycuy, chacataycuy! —nispa. Pilatori nerka: —Kancuna jap'iychejpis, chacataychejpis, imanaychejpis. Nokaka mana paypi juchata tarinichu, —nispa.

San Juan 19:6 ပူးပေါင်းရင်းမြစ်များ

San Mateo 26:58

Pedrotajrí karu qhepallanta Jesusta qhaterqa kuraj kaj sacerdotej wasinpa pationkama. Chayman yaykuspataj, Templota qhawaj soldadokunawan khuska tiyaykukorqa. Chaypi pay suyarqa imapichus chay tukuy ima tukukunanta yachananpaj.

San Mateo 27:22

Chaymantataj Pilato taporqa: Imanasajtaj Cristo nisqa Jesuswanri? nispa. Tukuyninkutaj uj kunkalla qhaparerqanku: Cruzman chakatasqa kachun, nispa.

San Mateo 27:24

Chaypacha Pilato astawan ch'ajwa jatarisqanta rikorqa, mana imanayta atispataj, yakuta apachimorqa. Chay runakunaj ñawpaqenpitaj makinta mayllakuspa, nerqa: Mana noqachu juchayoj kani kay cheqan runaj wañuyninmantaqa. Qankunamin juchayoj kankichej, nispa.

San Lucas 23:4

Jinapi Pilatoqa kuraj sacerdotekunaman, runakunaman ima nerqa: Mana ni ima mana allin ruwasqanta paypi tarinichu, payta juchachanaypaj jinaqa, nispa.

San Juan 18:3

Chayrayku Judasqa chaypi kaj Romamanta ashkha soldado pusarisqa chayamorqa, Templota qhawaj soldadokunawan ima. Chaykunata fariseokuna, chantá kuraj sacerdotekuna ima kachamusqanku. Paykuna nina jachonniyoj, lamparakunayoj, chantá armayoj ima jamorqanku.

San Juan 18:31

Chantá kamachej Pilato paykunata nerqa: Jina kajtenqa, payta pusaspa, kamachisqa qhelqaykichejman jina juzgaychej, nispa. Judiokunaj kurajninkukunatajrí nerqanku: Noqaykoqa mana pitapis wañuchisqa kananpaj juchachayta atiykuchu, nispa.

San Juan 18:38

Chantá kamachej Pilato tapullarqataj: Chay cheqa kaj imatajri? nispa. Chayta niytawan, Pilatoqa jawapi kashaj judiokunaman kutispa, nerqa: Kay runata juchachanapaj jina mana imatapis tarinichu.

San Juan 19:15

Paykunatajrí qhaparerqanku: Llajtamanta jawaman orqhospa, cruzman chakatachimullayña, nispa. Pilatotaj paykunata nerqa: Kuraj kamachejniykichejtachu cruzman chakatachisaj? nispa. Kuraj sacerdotekunataj kuticherqanku: Mana waj kuraj kamachejniyku kanchu Romapi kuraj kamachej Cesarmanta astawanqa, nispa.

San Juan 19:4

Chaymanta kamachej Pilato ujtawan llojsimuspa, tantasqa judiokunata nerqa: Kunan kay runata ujtawan jawaman pusamusaj. Chaywanpis sut'ita niykichej: Noqaqa kay runajta mana ima juchantapis tarinichu, nispa.

Hechos 2:23

Chaywanpis Dios imachus kananta yacharqaña, jinataj ñawpajmantapacha imatachus wakichisqanman jina Jesús qankunaman jaywaykusqa karqa. Qankunataj millayta ruwaj runakunawan payta cruzman chakatachispa, wañucherqankichej.

Hechos 7:52

Diosmanta mayqen sut'inchajtataj ñawpa tatanchejkuna mana qhatiykacharqankuchu ñak'arichinankupaj? Chantá wañuchillarqankutaj pikunachus unaymantapacha willarqanku cheqan kaj runa jamunanta, chaykunata. Pay jamojtintaj, qankunaqa payta wasanchaspa wañuchillarqankichejtaj.