San Juan 19:4 - DIOSPA QHELQACHISQAN DEUTEROCANONICAL

⁴ Chaymanta kamachej Pilato ujtawan llojsimuspa, tantasqa judiokunata nerqa: Kunan kay runata ujtawan jawaman pusamusaj. Chaywanpis sut'ita niykichej: Noqaqa kay runajta mana ima juchantapis tarinichu, nispa.

Qheshwa Biblia DC

⁴ Pilato ujtawan llojsimuspa, paykunaman nerqa: Qhawaychej, kay runata jawaman pusamuykichej, yachanaykichejpaj mana ima juchatapis paypi tarisqayta.

DIOSPA QHELQACHISQ

⁴ Chaymanta kamachej Pilato ujtawan llojsimuspa, tantasqa judiokunata nerqa: Kunan kay runata ujtawan jawaman pusamusaj. Chaywanpis sut'ita niykichej: Noqaqa kay runajta mana ima juchantapis tarinichu, nispa.

Quechua South Bolivia: Dios Parlapawanchej

⁴ Watejmanta Pilatoka jawaman llojsimorka paycunamantaj nerka: —¡Khawaychej, jawaman payta pusamuyquichej ni ima juchata paypi tariskayta yachanayquichejpaj! —nispa.

San Juan 19:4 ပူးပေါင်းရင်းမြစ်များ

San Mateo 27:19

Jinapi Pilato juzgananpaj kashajtin, warmin nichimorqa: Ama imatapis ruwaychu chay cheqan kaj runawanqa, imaraykuchus payrayku kunan ch'isi mancharikunata mosqokorqani, nispa.

San Mateo 27:24

Chaypacha Pilato astawan ch'ajwa jatarisqanta rikorqa, mana imanayta atispataj, yakuta apachimorqa. Chay runakunaj ñawpaqenpitaj makinta mayllakuspa, nerqa: Mana noqachu juchayoj kani kay cheqan runaj wañuyninmantaqa. Qankunamin juchayoj kankichej, nispa.

San Mateo 27:4

Paykunatataj nerqa: Juchallini chay mana juchayojta wañuchisqa kananpaj jaywaykuspa, nispa. Paykunatajrí nerqanku: Chaymantaqa ni ima ruwanayku kanchu. Qan imanaypis ari, nispa.

San Mateo 27:54

Chaypacha romano soldadokunaj kuraj kamachejninku, chantá Jesusta qhawasharqanku, chay soldadokunawan ima jallp'ata ikhakojta, chay waj imakunatawan ima rikorqanku. Chayrayku maytapuni mancharikuspa, nerqanku: Kay runaqa Diospa Churinpuni, nispa.

San Lucas 23:4

Jinapi Pilatoqa kuraj sacerdotekunaman, runakunaman ima nerqa: Mana ni ima mana allin ruwasqanta paypi tarinichu, payta juchachanaypaj jinaqa, nispa.

San Lucas 23:41

Noqanchejqa juchanchejrayku kaypi kashanchej, imaraykuchus millay ruwasqanchejmanta ñak'arishanchej. Payrí mana ima sajratapis ruwarqachu, nispa.

San Lucas 23:47

Chantá soldadokunaj capitanninku chayta rikuspa, Diosta jatuncharqa: Kay runaqa cheqan runapuni karqa, nispa.

San Juan 18:33

Chantá kamachej Pilato kamachinan wasiman kutiykorqa, Jesusta wajyaspataj, taporqa: Qanchu judiokunaj kuraj kamachejninku kanki? nispa.

San Juan 18:38

Chantá kamachej Pilato tapullarqataj: Chay cheqa kaj imatajri? nispa. Chayta niytawan, Pilatoqa jawapi kashaj judiokunaman kutispa, nerqa: Kay runata juchachanapaj jina mana imatapis tarinichu.

San Juan 19:6

Chaypacha kuraj sacerdotekuna, chantá Templota qhawaj soldadokuna ima Jesusta rikuytawan, kutin kutinta qhaparerqanku: Cruzman chakatasqa kachun, nispa. Jinapi Pilato nerqa: Qankuna apakapuychej, cruzmantaj chakataychej. Noqarí kay runapi mana ima juchantapis tarinichu, nispa.

2 Corintios 5:21

Cristoqa mana jayk'ajpis juchallerqachu. Chaywanpis Diosqa noqanchejrayku Cristoman tukuy juchanchejta q'epiricherqa juchanpis kanman jinata, ajinamanta noqanchej Cristoman ujchasqa kaspa, Diospa ñawpaqenpi cheqan runapaj qhawasqa kananchejpaj.

Hebreos 7:26

Jesusqa, necesitasharqanchej chay Kuraj Kaj Sacerdotemin. Payqa juchamanta t'aqasqa, mana k'amina, llimphutaj. Kunantaj Dios Payta juchasapakunamanta t'aqanña, jinataj janaj pachamanta aswan pataman churarqa.

1 Pedro 1:19

Aswanpis, Cristo cruzpi wañuspa yawarninta jich'asqanwan qankuna kacharichisqa kankichej. Payqa mana ch'ichiyoj, mana iman imanasqa cordero jina jaywasqa karqa.

1 Pedro 2:22

Cristoqa mana jayk'ajpis juchallerqachu, nitaj pitapis llullakuspa q'otiyarqachu.

1 Pedro 3:18

Cristopis juchanchejrayku wiñaypaj uj kutillata ñak'arerqa. Pay mana juchayojchu karqa. Chaywanpis juchasapakunarayku wañorqa, Tata Diosman pusanasuykichejpaj. Cheqapuni payqa runa jina wañuchisqa karqa, Santo Espiritunejtataj kawsarichisqa karqa.

1 Juan 3:5

Qankuna yachankichejña, Jesucristoqa juchanchejmanta llimphuchanawanchejpaj jamusqanta. Jesucristorí mana juchallinchu, nipunitaj juchalliyta atinchu.