San Juan 19:34 - DIOSPA QHELQACHISQAN DEUTEROCANONICAL

³⁴ Chaywanpis ujnin soldado lanzawan Jesuspa wajtannin chaynejta t'ojserqa, chay kikinpachataj yawar, yaku ima surumorqa.

Qheshwa Biblia DC

³⁴ Ujnin soldadotaj lanzawan Jesuspa wajtannin chaynejta t'ojsispa kicharerqa, kikimpachataj yawar, yaku ima llojsimorqa.

DIOSPA QHELQACHISQ

³⁴ Chaywanpis ujnin soldado lanzawan Jesuspa wajtannin chaynejta t'ojserqa, chay kikinpachataj yawar, yaku ima surumorqa.

Quechua South Bolivia: Dios Parlapawanchej

³⁴ Astawanrí chay soldadosmanta ujnenka espadanwan Jesuspa wajtanta t'ujsiycorka. Chay quiquinpacha yawarwan yacuwan uqhunmanta llojsimorka.

San Juan 19:34 ပူးပေါင်းရင်းမြစ်များ

Salmos 51:7

7 (9) Hisopo qhorawan llimphuchaway, llimphutaj kasaj. Mayllaway Tata Dios, noqataj rit'imanta aswan yuraj kasaj.

Ezequiel 36:25

Llimphu yakuwan mayllasqaykichej, tukuy ch'ichi kawsayniykichejmantataj llimphuchasqa kankichej. Tukuy lantikunamantapis t'aqasqaykichej.

Zacarías 12:10

Chantá Davidpa mirayninman, jinataj Jerusalenpi tiyakojkunaman sumaj sonqota qosaj, noqa Diosmanta mañakuyta munana sonqotawan. Noqata qhawariwanqanku, pitachus t'ojserqanku, chayta. Chaymantataj may jinata waqanqanku, imaynatachus runakuna waqanku k'ata wawanku chayrí kuraj kaj churinku wañojtin, ajinata.

Zacarías 13:1

Chay p'unchaypi Davidpa ayllunpaj jinataj Jerusalenpi tiyakojkunapaj yaku juturi kicharisqa kanqa, chaypi millay juchankuta mayllanankupaj.

San Mateo 27:62

Q'ayantenqa, samarina p'unchay karqa. Chay p'unchaypitaj kuraj sacerdotekuna, fariseokuna ima Pilatoman rispa,

San Juan 19:33

Jesusman qayllaykusparí, payta wañusqataña tariparqanku. Chayrayku chaki senqanta manaña p'akerqankuchu.

San Juan 20:20

Chayta niytawan, clavoj jusk'usqan makinta, lanzaj qhallasqan wallak'unta ima rikuchikorqa. Yachachisqankunataj Tukuyta Kamachej Jesusta rikuspa, mayta kusikorqanku.

Hechos 22:16

Jina kajtenqa, imatataj suyashankiri? Jatarispa, bautizachikuy, jinaspataj Jesuspa sutinta oqharispa Diosniykipaj rejsikapuy, juchaykimanta llimphuchasqa kanaykipaj, nispa.

1 Corintios 1:30

Chaywanpis kikin Diosmin qankunata Cristo Jesuswan ujchaykorqasunkichej. Cristowan ujchasqa kasqaykichejraykutaj qankuna yachayniyoj kankichej. Jinallataj Cristo Diospa ñawpaqenpi cheqan runapaj qhawasqa kananchejpaj ruwawarqanchej, jinallataj juchamanta t'aqasqa llimphu, chantá juchamanta kacharichisqa kananchejpaj ima.

1 Corintios 6:11

Ñawpajta qankunamanta wakin ajina karqankichej. Kunanrí llimphuchasqaña kankichej, juchamanta t'aqasqaña, cheqan runapajña qhawasqa ima Tukuyta Kamachej Jesuspa atiyninnejta, chantá Diosninchejpa Espiritunnejta ima.

Efesios 5:26

Chayta Cristo ruwarqa Iglesian juchamanta t'aqasqa llimphu kananpaj, simi nisqanwan mayllaspataj, yakuwan jina llimphucharqa.

Tito 2:14

Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

Hebreos 9:13

Ñawpajta chivokunajta, chayrí torillokunajta yawarnin, china waka uña q'olachisqaj ushphan ima mana llimphupaj qhawasqa runakunaman qhallisqa karqa. Ajinata ruwaspataj, runakunaj ukhunpa jawallanta llimphuchaj kanku.

Hebreos 9:22

Diospa kamachisqaman jina, ñawpaqenpi imapis llimphuchasqa kananpaj, uywa ñak'asqaj yawarninta ch'ajchunanku karqa. Yawar mana ch'ajchusqa kajtinrí, manallataj ima juchapis pampachasqachu karqa.

1 Pedro 3:21

Chay tukoyqa bautismowan ninakun. Bautismoqa mana ukhunchejpa ch'ichinta mayllanchu. Aswanpis noqanchej chaynejta Diospa ñawpaqenpi llimphu sonqo kayta munasqanchejta nishanchej. Kunantaj Diosqa Jesucristoj kawsarimpusqannejta qhespichiwanchej.

1 Juan 5:6

Jesucristo kay pachaman jamuspa, yakuwan bautizasqa karqa, chantá wañuspataj, yawarninta jich'arqa. Mana yakunejllatachu Jesusqa Diospa Churin kasqanta sut'incharqa, manachayqa yakunejta, chantá yawarnejta ima. Santo Espíritu cheqatapuni parlaj jina kayqa ajinapuni kasqanta sut'inchan.

1 Juan 5:8

Santo Espíritu, yaku, chantá Jesús cruzpi wañuspa yawar jich'asqan ima. Chay kinsantinkutaj ujllata parlanku.

Apocalipsis 1:5

Jesucristoqa cheqanta willaj testigomin. Paymin wañusqamanta ñawpajta kawsarimporqa, payllataj kay pachapi tukuy kuraj kamachejkunata kamachin. Jesucristo munakuwarqanchej, jinataj wañuspa yawar jich'asqannejta juchanchejta pampacharqa.

Apocalipsis 7:14

Noqataj payman kuticherqani: Wiraqochi, chaytaqa qan yachanki, nispa. Paytaj niwarqa: Kaykunaqa chay jatun ñak'ariypi wañojkuna kanku. Paykunaqa Corderoj yawarninpi t'ajsaspa, p'achankuta yurajyacherqanku.