San Juan 19:29 - DIOSPA QHELQACHISQAN DEUTEROCANONICAL

²⁹ Chaypi k'allku vinoyoj uj yuru kasharqa. Chantá chaypi kajkunamanta ujninkoqa esponjata chay k'allku vinoman chhapuykuytawan, k'aspiman wataykuspa, Jesuspa siminman qayllaykucherqa.

Qheshwa Biblia DC

²⁹ Chaypitaj kasharqa uj yuru, vinagrewan junt'a. Chayman esponjata chhapuspa, uj soqosoman wataykuspataj Jesuspa siminman qayllaykucherqanku.

DIOSPA QHELQACHISQ

²⁹ Chaypi k'allku vinoyoj uj yuru kasharqa. Chantá chaypi kajkunamanta ujninkoqa esponjata chay k'allku vinoman chhapuykuytawan, k'aspiman wataykuspa, Jesuspa siminman qayllaykucherqa.

Quechua South Bolivia: Dios Parlapawanchej

²⁹ Uj yuru junt'a c'arcu ujyana chaypi carka. Uj esponjata chay ujyanaman chhapuspa hisopo c'aspiman churarkancu. Chaywantaj Jesuspa simincama taripacherkancu.

San Juan 19:29 ပူးပေါင်းရင်းမြစ်များ

1 Reyes 4:33

33 (5.13) Jinallatataj parlarqa sach'akunamantapis, Libanopi pino sach'amanta qallarispa, chay juch'uy hisopo qhora perqapi wiñan, chaypi tukuspa. Parlallarqataj tukuy uywakunamanta, p'isqokunamanta, pampata qhatatakojkunamanta, challwakunamantawan ima.

Salmos 51:7

7 (9) Hisopo qhorawan llimphuchaway, llimphutaj kasaj. Mayllaway Tata Dios, noqataj rit'imanta aswan yuraj kasaj.

Éxodo 12:22

Corderoj yawarnintataj uj ch'illamipi jap'inkichej. Chantá hisopo qhorata yawarman chhapuspa jawinkichej, wasiykichejpa punkunpa pata chakanta, chantá iskaynin k'aspintawan. Chantá sut'iyamunankama ni pipis wasimanta llojsinanchu tiyan,

Números 19:18

Chantá llimphupaj qhawasqa uj runa chay yakuman hisopo qhorawan chhapuspa, toldota ch'ajchumuchun, chay ukhupi imachus kajta, chaypi kaj runakunatawan ima. Jinallataj ch'ajchonqa pichus runa tulluta, chayrí runa wañuchisqata, chayrí runa wañusqata, jinallataj aya p'ampanata llankhajta.

San Mateo 27:34

Chaypitaj soldadokunaqa Jesusman jayaq'ewan chajrusqa vinota qoyta munarqanku. Jesustajrí llamirispa, mana ujyayta munarqachu.

San Mateo 27:48

Ujnintaj usqhay usqhayta phinkispa, soqoso k'aspiman esponjata wataykuytawan, k'allku vinoman chhapuykorqa, Jesuspa siminmantaj ch'onqananpaj qayllacherqa.

San Mateo 27:50

Chantá Jesús ujtawan sinch'ita qhaparispa, wañuporqa.

Marcos 15:36

Ujnintaj usqhayta phinkispa, esponjata k'allku vinoman chhapuykuytawan, soqosoman wataykorqa. Chantá Jesuspa siminman ch'onqananpaj qayllacherqa, alqochakuspataj nerqa: Suyaychej, qhawanaraj, ichachus Elías jamonqa cruzmanta urayk'uchej, nispa.

San Lucas 23:36

Chaypi kaj soldadokunapis Jesusmanta alqochakullarqankutaj, qayllaykuspataj, k'allku vinota jaywarqanku.