San Juan 19:11 - DIOSPA QHELQACHISQAN DEUTEROCANONICAL

¹¹ Jesustaj kuticherqa: Mana imatapis contraypi ruwayta atiwajchu, manachus Dios atiyta qosunkiman chayqa. Chayrayku pichus noqata qanman jaywaykuwajqa qanmanta aswan juchayoj, nispa.

Qheshwa Biblia DC

¹¹ Jesús kuticherqa: Mana ima atiyniykipis noqaj contraypi kanmanchu, manachus Dios qosunkiman chayqa. Chayrayku noqata qanman entregawajqa, aswan jatun juchayoj.

DIOSPA QHELQACHISQ

¹¹ Jesustaj kuticherqa: Mana imatapis contraypi ruwayta atiwajchu, manachus Dios atiyta qosunkiman chayqa. Chayrayku pichus noqata qanman jaywaykuwajqa qanmanta aswan juchayoj, nispa.

Quechua South Bolivia: Dios Parlapawanchej

¹¹ Jesustaj cuticherka: —Manachus Dios atiyta kosunquiman chayka, ni imata atiwajchu nokawan ruwayta. Chayraycu nokata kanman jaywawajka aswan juchayoj cashan, —nispa.

San Juan 19:11 ပူးပေါင်းရင်းမြစ်များ

1 Crónicas 29:11

Tata Dios, qanpatamin jatunchasqa kana, atiypis, sumaj kayniykej lliphipiyninpis, atipanapis, maypaj qhawana kaypis. Qanpatamin kay pachapi, janaj pachapi tukuy ima kajpis. Tata Dios, qanlla tukuyta kamachinapaj jina kanki, qanllataj tukuymanta aswan jatun atiyniyoj kanki.

Salmos 39:9

9 (10) Ujtawanpis ch'inlla karqani, manataj parlarerqanichu, imajtinchus qan imatachus ruwanaykita nisqaykimanta mana pipis cuentata mañasonqachu.

Salmos 62:11

11 (12) Uj kuti Dios parlarqa, chaytataj iskay kutita uyarini: Noqaqa Tukuy Atiyniyoj Dios kani, nispa nejta.

Lamentaciones 3:37

Pitaj imapis kananta ninman, Tata Dios mana kamachejtinri?

Daniel (hebreo) 4:17

17 (14) Diospa angelninkuna ajina kananta kamachinku, tukuy runakuna yachanankupaj janaj pachapi kaj Tata Dios tukuy suyukunata kamachinanpaj atiyniyoj kasqanta. Yachallachunkutaj paymin kamachina atiyta qosqanta, pimanchus qoyta munasqanman, jinallataj uj suyupi kuraj kaj kananpaj churasqanta aswan pisipaj qhawasqa runata, nispa.

Daniel (hebreo) 4:25

25 (22) Aswan qhepaman qanqa runakuna chawpimanta qharqosqa kanki, uywakunawantaj kawsanki. Waka jina qhorata mikhunki, chhullapis ukhuykita joq'osonqa. Ajinata kawsanki qanchis wata junt'ata, qan ninaykikama: Janaj pachapi kaj Diosmin kay pachapi kaj tukuy suyuta kamachin, paytaj pitachus munasqanta kamachinanpaj churan, nispa.

Daniel (hebreo) 4:32

32 (29) Aswanpis qan runakuna chawpimanta qharqosqa kanki, k'ita animalkunawantaj kawsanki. Buey jina qhorata mikhunki, qanchis wata junt'atataj ajina kanki ninaykikama: Janaj pachapi kaj Diosllamin atiyniyoj kay pachapi tukuy suyukunaj patankupi kamachinanpaj, payllataj munasqanman jina kamachejkunata churan, nispa.

Daniel (hebreo) 4:35

35 (32) Paypa ñawpaqenpi kay pachapi tiyakoj runakuna manakaj jinalla kanchej. Payqa munayninman jina ruwan janaj pachapi, jinallataj kay pachapipis. Manataj pipis Diospa atiyninman sayaykojqa kanchu, manallataj pipis payta tapurej kanchu: Imarayku kay jinata ruwankiri? nispa.

Daniel (hebreo) 5:21

Runakuna chawpimanta qharqosqa karqa. Yuyayninpis uywaj yuyayninman jina tukorqa, k'ita burrokunawan khuskataj kawsarqa. Buey jina qhorata mikhorqa, chhullataj payta joq'orqa. Ajina karqa rimarinankama: Patapi Kaj Diosllamin tukuy atiyniyoj tukuy suyukunata kamachinanpaj. Jinallataj payllamin pitachus munasqanta churan runakunata kamachinanpaj, nispa.

San Mateo 26:65

Chayta uyariytawankama, kuraj kaj sacerdote patanchana p'achanta llik'irakuspa, nerqa: Kay runaqa Diospa contranpi millayta riman. Imapajñataj testigokunata munanchejri? Qankuna uyarinkichejña Diospa contranpi imaynatachus millayta rimasqanta.

San Mateo 27:2

Chantá Jesuspa makinta wataspa, Romamanta kamachej Pilatoman pusarqanku.

San Mateo 6:13

Chantá juchallinaman tanqasqa kashajtiyku, ama kasojta saqewaykuchu, manachayqa jark'awayku Supayta kasunaykumanta. Kayta mañarikuyku, imaraykuchus qanmin Tukuyta Kamachej kanki, tukuy atiyniyojtaj, tukuypaj jatunchasqataj wiñay wiñaynintinpaj. Ajina kachun, nispa.

Marcos 14:44

Jesusta jap'ichej Judastaj presochajkunawan yachachinakusqaña imaynatachus Jesusta jap'ichinanpaj: Pitachari noqa much'aykusaj, chay kanqa. Payta jap'ispa, presota apankichej, nispa.

San Lucas 22:53

Sapa p'unchay qankunawan Templopi kashajteyqa, mana jap'iwarqankichejchu. Chaywanpis kunanqa ruwanaykichej phani chayamun, jinallataj laqhayaypa atiynin kallpawan oqharikun, nispa.

San Juan 18:13

Chantá Jesusta ñawpajta Anaspa wasinman pusarqanku. Anasqa Caifaspa suegron karqa, Caifastaj chay wata kuraj sacerdote jina kasharqa.

San Juan 18:3

Chayrayku Judasqa chaypi kaj Romamanta ashkha soldado pusarisqa chayamorqa, Templota qhawaj soldadokunawan ima. Chaykunata fariseokuna, chantá kuraj sacerdotekuna ima kachamusqanku. Paykuna nina jachonniyoj, lamparakunayoj, chantá armayoj ima jamorqanku.

San Juan 19:10

Chantá Pilato nerqa: Manachu imatapis niwanki? Manachu yachanki noqa atiyniyoj kasqayta kacharichisunaypaj, chayrí cruzman chakatachisunaypajpis? nispa.

San Juan 3:27

Chantá Juan kuticherqa: Runaqa mana imatapis jap'iyta atinmanchu, manachus Dios qonman chayqa.

San Juan 7:30

Chaymanta paykuna Jesusta jap'iyta munarqanku, manataj mayqenpis aterqachu, imaraykuchus manaraj jap'inanku p'unchay chayamusqarajchu.

San Juan 9:41

Jesustaj kuticherqa: Ñawsachus kawajchej chayqa, mana juchayojchu kawajchej. Chaywanpis: Rikuyku, nispa nisqaykichejrayku juchayojpuni kankichej, nispa.

Hechos 2:23

Chaywanpis Dios imachus kananta yacharqaña, jinataj ñawpajmantapacha imatachus wakichisqanman jina Jesús qankunaman jaywaykusqa karqa. Qankunataj millayta ruwaj runakunawan payta cruzman chakatachispa, wañucherqankichej.

Hechos 3:13

Manachayqa Abrahampa Diosnin, Isaacpata, Jacobpata, ñawpa tatanchejkunajta ima kamachin Jesusta churan may jatunpaj qhawasqa kananpaj. Qankunarí Jesusta qhesachaspa, Pilatoman jaywaykorqankichej wañuchisqa kananpaj. Pilatotaj Jesusta kacharipuyta munarqa chaypis, qankuna manapuni munarqankichejchu.

Hechos 4:28

Chaywanpis imatachus paykuna ruwarqanku, chaytaqa qallariymantapachaña qan atiyniykiwan wakicherqanki, munayniykiman jina ruwasqa kananpaj.

Romanos 11:36

Tukuy ima Diospa ruwasqanmin, paytaj chay tukuyta sayachin, jinataj tukuy imaqa paypajmin. Chayrayku pay wiñay wiñaynintinpaj jatunchasqa kachun. Ajina kachun.

Romanos 13:1

Tukuyninchej kamachejkunata kasuna tiyan, imaraykuchus kamachinapaj atiytaqa Dios paykunaman qon, paykunataj Diospa churasqan kanku.

Santiago 1:17

Tukuy ima allin kaj, jinataj k'acha kaj imaqa patamanta jamun, janajpi ch'askakunata ruwaj Tatamanta. Payqa mana uj jinayanchu, nitaj maychus kasqanmanta waj jinaman tukunchu.

Santiago 4:17

Kayta yuyarikuychej: Pichus allin kajta ruwananta yachashaspa, mana ruwanchu chayqa, chay runa juchallinña.