San Juan 18:28 - DIOSPA QHELQACHISQAN DEUTEROCANONICAL

²⁸ Chantá sut'iyamushajtinña, judiokunaj kurajninkukunaqa Caifaspa wasinmanta Jesusta Pilatoj kamachinan wasiman pusarqanku. Chay pusajkunarí mana Pilatoj kamachinan wasiman yaykorqankuchu, imaraykuchus mana munarqankuchu mana llimphupaj qhawasqa kayta, ajinamanta Pascua mikhuyta mikhunankupaj.

Qheshwa Biblia DC

²⁸ Jesusta pusarqanku Caifaspamanta, pretorio nisqa wasiman. Sut'iyamuytataj chay pusajkunaqa, mana pretorioman yaykorqankuchu, mana ch'ichichakuyta munaspa; ajinamanta Pascua mikhuyta mikhunankupaj.

DIOSPA QHELQACHISQ

²⁸ Chantá sut'iyamushajtinña, judiokunaj kurajninkukunaqa Caifaspa wasinmanta Jesusta Pilatoj kamachinan wasiman pusarqanku. Chay pusajkunarí mana Pilatoj kamachinan wasiman yaykorqankuchu, imaraykuchus mana munarqankuchu mana llimphupaj qhawasqa kayta, ajinamanta Pascua mikhuyta mikhunankupaj.

Quechua South Bolivia: Dios Parlapawanchej

²⁸ Ajinapi Caifaspa ñaupakenmanta Pilato tiyacoj sumaj wasiman Jesusta pusarkancu. Tutamantataj carka. Israel curajcunaka llimphu canancu caj costumbrencumanjina pascua miqhunata miqhunancupaj. Chayraycu chay sumaj wasiman yaycuyta mana munarkancuchu.

San Juan 18:28 ပူးပေါင်းရင်းမြစ်များ

Salmos 35:16

Ñak'arichiwarqanku, noqamantataj alqochakorqanku, ñawinkuwan leqhowaspataj, qhamurakorqanku.

Proverbios 1:16

imaraykuchus paykunaqa mana allin kajta ruwanaman usqhayllata thaskirinku. Runata wañuchinapajqa manchay k'uchi kanku.

Proverbios 4:16

Paykunaqa mana puñunkuchu mana allin kajta mana ruwaspaqa. Sichus pitapis mana urmachinku chayqa, mana puñuypis jap'inchu.

Ezequiel 45:21

Wata qallariy killata, chunka tawayoj p'unchayninpi, qankunaqa Pascua raymita ruwayta qallarinkichej. Qanchis p'unchay junt'ata mana levadurayoj t'antata mikhunkichej.

Miqueas 2:1

Ay, imallapichus rikhurenqanku, pikunachus puñushaspapis millayta ruwanankupaj umachakunku, q'ayantin sut'iyamojtintaj, yuyasqankuta ruwanku atiyniyoj kasqankurayku, chaykunamanta.

San Mateo 27:27

Chaymanta Pilatoj soldadonkunaqa Jesusta kamachina wasiman pusaspa, soldadokunata Jesuspa muyuyninpi tantacherqanku.

Marcos 15:16

Chantá soldadokunaqa Jesusta kamachina wasej ukhu pationman pusaykorqanku, chaymantaj tukuy soldadokunata tantacherqanku.

San Lucas 22:66

Sut'iyamojtenqa, kurajkuna, kuraj sacerdotekuna, Diospa kamachisqanmanta yachachejkuna ima Jatun Juntapi tantakorqanku. Chantá Jesusta chay juntaman pusachimuspa, taporqanku:

San Juan 11:55

Chaypacha judiokunaj Pascua rayminkuman qayllallaña kasharqa. Chayrayku ashkha runakuna tukuynejmanta Jerusalenman chayamorqanku Diospa ñawpaqenpi llimphuchakunankupaj, manaraj Pascua raymi kashajtin.

San Juan 18:13

Chantá Jesusta ñawpajta Anaspa wasinman pusarqanku. Anasqa Caifaspa suegron karqa, Caifastaj chay wata kuraj sacerdote jina kasharqa.

San Juan 18:15

Jinapi Pedrowan, Jesuspa waj yachachisqanwan ima Jesuspa qhepanta rerqanku. Chay yachachisqataj kuraj kaj sacerdotej rejsisqan kasqanrayku, Anaspa wasinpa pationman Jesuswan yaykorqa.

San Juan 18:33

Chantá kamachej Pilato kamachinan wasiman kutiykorqa, Jesusta wajyaspataj, taporqa: Qanchu judiokunaj kuraj kamachejninku kanki? nispa.

San Juan 18:39

Chaywanpis qankuna usuykichejman jina yachankichej, Pascua raymipi uj presota kacharinapuni kasqanta. Qankuna munawajchejchu kuraj kamachejniykichejta kacharipunayta? nispa.

San Juan 19:11

Jesustaj kuticherqa: Mana imatapis contraypi ruwayta atiwajchu, manachus Dios atiyta qosunkiman chayqa. Chayrayku pichus noqata qanman jaywaykuwajqa qanmanta aswan juchayoj, nispa.

San Juan 19:14

Chaypacha Pascua raymita ruwanapaj wakichikuna p'unchay karqa, chawpi p'unchay jina. Pilatotaj judiokunata nerqa: Kayqa kuraj kamachejniykichej, nispa.

San Juan 19:9

Kamachinan wasiman Jesusta pusaspataj, payta taporqa: Maymantataj qan kankiri? nispa. Jesustajrí mana ni imata kuticherqachu.

Hechos 10:28

Pedrotaj paykunata nerqa: Qankuna yachankichej jina, noqayku judiokuna mana tantakuyta atiykuchu mana judío kajkunawanqa. Kunanrí, Dios yachachiwan ama pitapis ch'ichipaj nitaj pisipaj qhawanayta.

Hechos 10:32

Chayrayku qan Jopeman runakunata kachay ari, Simón Pedro nisqata pusamunankupaj. Payqa suela ruwaj Simonpa wasinpi kashan mama qocha kantupi, nispa.

Hechos 11:3

Imaraykutaj qan mana judío kajkunaj wasinkuman yaykorqanki, paykunawantaj mikhorqankiri? nispa.

Hechos 3:13

Manachayqa Abrahampa Diosnin, Isaacpata, Jacobpata, ñawpa tatanchejkunajta ima kamachin Jesusta churan may jatunpaj qhawasqa kananpaj. Qankunarí Jesusta qhesachaspa, Pilatoman jaywaykorqankichej wañuchisqa kananpaj. Pilatotaj Jesusta kacharipuyta munarqa chaypis, qankuna manapuni munarqankichejchu.

Hechos 4:27

Ajinamanta Herodeswan, Poncio Pilatowan kay llajtapi tantakorqanku mana judío kajkunawan, israelitakunawan ima ajllasqa kamachiyki Jesuspa contranpi oqharikunankupaj, pitachus qan ajllakorqanki, paypa contranpi.

Deuteronomio 16:2

Pascua raymipeqa wakakunata, ovejakunata ima ñak'aspa, Tata Diosniykichejman jaywankichej, maypichus Tata Dios sutin yupaychasqa kananpaj uj cheqata ajllakonqa, chaypi.