San Juan 18:20 - DIOSPA QHELQACHISQAN DEUTEROCANONICAL

²⁰ Jesustajrí payman kuticherqa: Tukuypa rikunanta runakunaman parlarqani. Yachacherqanitaj tantakuna wasikunapi, Templopi ima, maypichus runakuna tantakunku chaypi, manataj imatapis pakayllapi parlarqanichu.

Qheshwa Biblia DC

²⁰ Jesustaj payman kuticherqa: Tukuypa rikunanta mundopi parlarqani. Yachacherqanitaj sinagogapi, templopi ima, maypichus judíos tantakunku chaypi; manataj imatapis pakaypi parlarqanichu.

DIOSPA QHELQACHISQ

²⁰ Jesustajrí payman kuticherqa: Tukuypa rikunanta runakunaman parlarqani. Yachacherqanitaj tantakuna wasikunapi, Templopi ima, maypichus runakuna tantakunku chaypi, manataj imatapis pakayllapi parlarqanichu.

Quechua South Bolivia: Dios Parlapawanchej

²⁰ Jesusri cuticherka: —Nokaka tucuy runaspa ñaupakencupipuni sut'ita parlarkani. Tantacuna-wasispipuni yupaychana-wasi patiopipis yachacherkani. Chaypeka tucuy israelcuna tantacuncu. Nitaj imatapis pacaypeka parlarkanichu.

San Juan 18:20 ပူးပေါင်းရင်းမြစ်များ

Salmos 22:22

22 (23) Chantá noqa wawqeykunaman qanmanta parlasaj, jatun tantakuypitaj yupaychasqayki.

Salmos 40:9

9 (10) Jatun tantakuypi noqa cheqan kayniykimanta willarqani. Qan, Tata Dios, mana ch'in kakusqayta sumajta yachanki.

Isaías 45:19

Noqaqa mana pakaypichu parlani, nitaj maynej laqha ukhupichu. Manallataj Jacobpa mirayninta nerqanichu: Maypichus mana ima kanchu, chaypi mask'awaychej, nispa. Noqa Tata Diosmin maychus kajta parlani, cheqantataj imatapis willaykichej.

Isaías 48:16

Qayllamuwaspa, kayta uyariwaychej: Qallariymantapacha noqaqa sut'ita parlarqani, kay tukuy ima junt'akushajtinpis, noqa chaypi karqani. Kunantaj noqa Tukuyta Kamachej Tata Dios payman Espirituyta qospa, payta kacharqani, nispa.

San Mateo 24:26

Chayrayku sichus pipis nisunkichejman: Qhawaychej, Cristo ch'innejpi kashan, nispa chayqa, amapuni rinkichejchu. Chayrí sichus nisunkichejman: Qhawaychej, wasi ukhupi pakasqa kashan, nispa chayqa, amallataj nisqanta jap'ikunkichejchu.

San Mateo 26:55

Chantá Jesús chay runakunata taporqa: Suwata jinachu jap'iwaj jamunkichej, espadayoj, k'aspiyoj ima? Sapa p'unchay Temploj pationpi yachachishajtiy, imaraykutaj mana jap'iwarqankichejchuri?

San Mateo 26:65

Chayta uyariytawankama, kuraj kaj sacerdote patanchana p'achanta llik'irakuspa, nerqa: Kay runaqa Diospa contranpi millayta riman. Imapajñataj testigokunata munanchejri? Qankuna uyarinkichejña Diospa contranpi imaynatachus millayta rimasqanta.

San Mateo 4:23

Jesús tukuynin Galilea jap'iyta muyumorqa, sapa llajtapitaj tantakunanku wasikunapi Diosmanta sumaj willayta willararqa. Jinallataj chay llajtakunapi tiyakojkunata tukuy imaymana onqoykunamanta, nanaykunamantawan qhaliyacherqa.

San Mateo 9:35

Ajinata Jesús muyuynin llajtakunaman, ranchokunaman ima rispa, tantakuna wasikunapi yachacherqa. Chaypi Diospa kamachiyninmanta sumaj willayta willarqa, runakunatataj tukuy onqoykunamanta, nanaykunamantawan qhaliyacherqa.

Marcos 8:32

Ajina sut'ita paykunaman willajtin, Pedroqa Jesusta wajnejman pusaspa, k'amiyta qallarerqa.

San Lucas 21:37

Jesús sapa p'unchay Temploj pationpi yachachej, tutantaj Olivos sutiyoj orqopi qhepakoj.

San Lucas 4:15

Payqa tantakuna wasikunapi yachacherqa, tukuytaj Jesusta mayta jatunchaj kanku.

San Juan 18:21

Jinaqa imaraykutaj noqata tapuwankiri? Parlasqayta uyariwajkunata tapuy ari, paykuna imatachus parlasqayta yachanku, nispa.

San Juan 6:59

Chay tukuyta Jesús yachacherqa Cafarnaunpi kaj tantakuna wasipi.

San Juan 7:14

Khuskan raymi kashajtin, Jesús Temploman rerqa. Chantá Temploj pationpi yachachiyta qallarerqa.

San Juan 7:26

Rikuychej á. Tukuypa rikunanta parlashan, nitaj pipis imata nishanchu. Ichapis kurajninchejkuna yachankuña kay runa Diospa kachamusqan Cristo kasqanta.

San Juan 7:28

Chayta Jesús uyarerqa Temploj pationpi yachachishaspa. Chantá jatunmanta parlaspa, nerqa: Qankuna noqata rejsiwasqaykichejta yuyankichejchu, maymantachus kasqaytapis? Jinapis noqaqa mana noqallamantachu jamuni. Pichus noqata kachamuwajqa cheqan kajllatapuni parlan, qankunataj payta mana rejsinkichejchu.

San Juan 7:4

Pillapis runaman rejsichikuyta munaspaqa, mana imatapis pakayllapi ruwanchu. Chayrayku imatachus ruwashanki, chaytaqa tukuypa rikunanta ruwamuy ari, nispa.

San Juan 8:2

Q'ayantin sut'iyaytataj Temploj pationman Jesús kutirejtin, may chhika runa chayman tantakorqanku. Jesustaj tiyarikuspa, paykunaman yachacherqa.

San Juan 8:26

Qankunamanta ashkhata parlanay kashan, jinataj juzganay. Chaywanpis noqata Kachamuwajqa cheqanta parlan, noqataj paymanta uyarisqallayta runakunaman willani, nispa.

Hechos 26:26

Kuraj kamachej Agripapis chay tukuy imamanta yachallantaj. Chayrayku paypa ñawpaqenpi tukuy sonqo parlashani, imaraykuchus yachani chay tukuy ima mana pakayllapichu ruwakusqanta.