San Juan 17:8 - DIOSPA QHELQACHISQAN DEUTEROCANONICAL

⁸ Imatachus willanayta niwasqaykita noqa paykunaman willarqani, paykunataj chayta jap'ikorqanku. Jinallataj paykuna yachanku noqa qanmantapuni jamusqayta, jinataj qan kachamuwasqaykita creenku.

Qheshwa Biblia DC

⁸ Chay palabrasta qowasqaykitaqa paykunaman qorqani, paykunataj jap'ikorqanku. Qanmanta jamusqantapis cheqamanta yachanku, creenkutaj qan kachamuwasqaykita.

DIOSPA QHELQACHISQ

⁸ Imatachus willanayta niwasqaykita noqa paykunaman willarqani, paykunataj chayta jap'ikorqanku. Jinallataj paykuna yachanku noqa qanmantapuni jamusqayta, jinataj qan kachamuwasqaykita creenku.

San Juan 17:8 ပူးပေါင်းရင်းမြစ်များ

Proverbios 1:23

K'amisqayta uyariwaychej, noqataj yachaywan junt'achisqaykichej, imatachus yachasqaytataj rejsichisqaykichej.

Proverbios 1:3

Kayqa sumaj kashan allin yuyaychaykunata, cheqanchayta, cheqanta kawsayta, uj rejta ruwayta ima yachaqanapaj.

Proverbios 2:1

Wawáy, yachachisusqayta jap'ikuy, kamachisqaytapis sonqoykipi waqaychay.

Proverbios 4:10

Wawáy, parlapayasqayta uyariway, jap'ikuytaj. Chaytaj unayta kawsachisonqa.

Proverbios 8:10

Qolqe metalta, sumaj qorita ima mask'anaykichejtaqa yachayta, allin imakunata rejsiytawan mask'aychej, nispa.

San Mateo 13:11

Jesustaj kuticherqa: Imachus kanqa Dios kamachishajtin, chay pakasqa yachayta pay qankunaman rejsichisunkichej, manataj paykunamanqa.

San Juan 12:49

Noqarí mana munasqayman jinallachu parlani. Manachayqa Kachamuwaj Tata imatachus kamachiwasqanta parlani, yachachinitaj.

San Juan 14:10

Felipe, Tatayqa noqawan ujchasqa kawsan, noqataj payman ujchasqa kawsani. Imatachus willaykichej, chaytaqa mana noqallamantachu parlani. Aswanpis noqawan ujchasqa kawsaj Tata Diosmin imatachus ruwananta noqanejta ruwan.

San Juan 15:15

Manaña wata runay nisqaykichejchu, imaraykuchus wata runaqa patronnin imatachus ruwasqanta mana yachanchu. Manachayqa kawsaqeykuna nisqaykichej, imaraykuchus Tataypa tukuy ima niwasqanta rejsichiykichej.

San Juan 16:27

Tata Diosniy pay kikin munakusunkichej, imaraykuchus noqata munakuwankichej, Tata Diosmanta jamusqaytataj tukuy sonqo creenkichej.

San Juan 16:30

Kunan yachayku tukuy imata yachasqaykita, manataj pipis imata tapusunan kanchu. Chayrayku Tata Dios kachamususqanta tukuy sonqo creeyku, nispa.

San Juan 17:14

Nisqaykita paykunaman willarqani. Diosman mana kutirikojkunatajrí paykunata chejnerqanku, imaraykuchus manaña paykuna jinachu kanku. Noqapis manallataj paykuna jinachu kani.

San Juan 17:18

Jinaqa imaynatachus qan kay pachaman kachamuwarqanki, ajinallatataj noqapis paykunata tukuy runaman nisqaykita willanankupaj kachani.

San Juan 17:21

Mañakuyki paykunapura ujchasqallapuni kanankuta. Imaynatachus Tatáy, qanwan, noqawan ujchasqa kanchej, ajinallatataj paykunapis noqanchejman ujchasqapuni kachunku, ajinamanta tukuy runakuna qan kachamuwasqaykita yachanankupaj.

San Juan 17:23

Noqaqa paykunaman ujchasqa kashani, qantaj noqaman. Ajinamanta paykuna uj sonqolla kanqanku, tukuy runakuna yachanankupaj qan kachamuwasqaykita. Yachallanqankutaj qan paykunata munakusqaykita, imaynatachus noqatapis munakuwanki, ajinata.

San Juan 17:3

Paykuna wiñay kawsayman yaykunku, maypachachus qanpi, chantá noqapi atinikunku, chaypachalla. Qanpi atinikunanku tiyan, imajtinchus qan uj k'ata cheqa kaj Dios kanki. Noqapipis atinikunallankutaj tiyan, imajtinchus noqaqa qanpa kachamusqayki Jesucristo kani.

San Juan 3:17

Diosqa mana runakunata juchachananpajchu Churinta kay pachaman kachamorqa, manachayqa paynejta paykunata qhespichinanpaj.

San Juan 3:33

Tukuy pichus sut'inchasqanta jap'ikojqa sut'ita nin Dios cheqatapuni parlasqanta.

San Juan 6:68

Chantá Simón Pedro kuticherqa: Wiraqochi, pimantaj riyta atiykumanri? Qanpa parlasqaykeqa wiñay kawsayman pusawayku.

San Juan 8:42

Chantá Jesús nerqa: Cheqapunichus Tata Diosniykichej kanman chayqa, noqata munakuwankichejman, imaraykuchus noqaqa Diosmanta jamuni, manataj noqallamantachu, manachayqa Dios kachamuwarqa.

1 Corintios 11:23

Imatachus Tukuyta Kamachej Jesús yachachiwarqa, noqa chayllatataj qankunaman yachacherqaykichej: Maypachachus Tukuyta Kamachej Jesús jap'ichisqa kanan kasharqa, chay ch'isillataj t'antata oqharerqa.

1 Corintios 15:1

Kunanqa, wawqe panakuna, Jesusmanta sumaj willayta willasqaymanta yuyarichiykichej. Qankuna chay sumaj willayta jap'ikorqankichej, chaypitaj sinch'ita sayashankichej.

Deuteronomio 18:18

Noqaqa qanta jina llajta masinku ukhumanta uj sut'inchajta rikhurichisaj. Noqa payman nisaj, paytaj noqaj nisqayta, chantá paykunaman imatachus kamachisqayta willanqa.

1 Tesalonicenses 2:13

Chayrayku noqaykupis mana sayk'uspa Diosta pachis nillaykupuni, imaraykuchus Diospa willayninta qankunaman willajtiyku, tukuy sonqo jap'ikorqankichej, mana runaj parlasqanta jinachu, manachayqa Diospa nisqanta jina. Chayqa Diospa nisqanpuni, kunantaj qankuna Jesuspi atinikojkunapi imachus ruwananta ruwashan.

1 Tesalonicenses 4:1

Kunanqa wawqe panakuna, Tukuyta Kamachej Jesuspa sutinpi mañarikuyku, Diospa munasqanman jina kawsakunaykichejta. Diosta qhatejkuna jina imaynatachus kawsanata ña yachacherqaykuña, qankunataj ajinata kawsashankichejña. Chaywanpis qankunata mayta niyku ajinallatapuni kawsanaykichejpaj kallpakunaykichejta.

1 Juan 4:14

Noqaykutaj Churinta rikorqayku, willaykutaj Tata Diosqa payta kay pachaman kachamusqanta, tukuy runata qhespichinanpaj.

Apocalipsis 1:1

Kayqa Jesucristoj sut'inchasqan, mayqentachus Dios payman qorqa kamachinkunaman rejsichinanpaj imachus askamalla kananmanta, chay. Jesusqa angelninnejta chaykunata kamachin Juanman rejsicherqa.