San Juan 17:6 - DIOSPA QHELQACHISQAN DEUTEROCANONICAL

⁶ Kay pachamanta qowasqayki runakunaman noqa pichus kasqaykita rejsicherqani. Paykuna qanpatapuni karqanku, qopuwarqankitaj, paykunataj nisqaykita kasorqanku.

Qheshwa Biblia DC

⁶ Sutiykita rejsicherqani mundomanta qowasqayki runasman. Qampata karqanku, qopuwarqankitaj, paykunataj palabraykita waqaycharqanku.

DIOSPA QHELQACHISQ

⁶ Kay pachamanta qowasqayki runakunaman noqa pichus kasqaykita rejsicherqani. Paykuna qanpatapuni karqanku, qopuwarqankitaj, paykunataj nisqaykita kasorqanku.

Quechua South Bolivia: Dios Parlapawanchej

⁶ ‘Cay pacha runasmanta ajllaskacunata kowarkanqui nokajta canancupaj. Kanpata carkancu nokamantaj kopuwarkanqui. Chay ajllaskacunamantaj cheka cayniyquita sut'ita ricucherkani niskayquitataj casorkancu.

San Juan 17:6 ပူးပေါင်းရင်းမြစ်များ

Salmos 119:11

Contraykipi ama juchallikunaypaj nisqaykita sonqoypi jap'ikuni.

Salmos 22:22

22 (23) Chantá noqa wawqeykunaman qanmanta parlasaj, jatun tantakuypitaj yupaychasqayki.

Éxodo 9:16

Noqarí kawsanaykita munaniraj, atiyniyoj kasqayta rikunaykipaj, ajinamanta qannejta tukuy kay pachantinpi uyarisqa kanaypaj.

Proverbios 2:10

Sonqoykiman yachay yaykojtin, yachayqa may jina misk'ichus kasqanta yachanki.

Proverbios 23:23

Cheqa kajta rantikuy, amataj vendeychu. Jinallataj yachaytapis, unanchaytapis, yuyayniyoj kaytapis amallataj vendeychu.

San Juan 1:18

Mana pipis Diosta jayk'ajpis rikorqachu. Chaywanpis uj k'ata Churin, pichus Diosmin, pitajchus Tata Dioswan ujchasqa kawsan, paymin Tata Diosta rejsichiwanchej.

San Juan 12:28

Chayrayku, kayta nisaj: Tatáy, sutiykita jatunchay, nispa. Chayta Jesús nisqantawankama, janaj pachamanta Diospa parlasqan uyarikorqa: Jatun kayniyta runakunaman rejsichiniña, kunantaj ujtawan rejsichillasajtaj, nispa.

San Juan 15:19

Sichus qankuna paykuna jinallataj kawajchej chayqa, munakusunkichejman. Qankunarí manaña paykuna jinachu kankichej, imaraykuchus noqa qankunata ajllakorqaykichej manaña paykuna jina kanaykichejpaj. Chayraykumin paykuna chejnisunkichej.

San Juan 15:3

Qankuna llimphuchasqaña kankichej noqaj parlasqayrayku.

San Juan 15:7

Sichus qankuna noqaman ujchasqallapuni kaspa, tukuy nisqayta kasunkichej chayqa, munasqaykichejta Diosmanta mañakuychej, paytaj qosonqachej.

San Juan 17:12

Kay pachapi paykunawan kashaspaqa, noqa atiyniykiwan paykunata waqaycharqani, pikunatachus qowarqanki, chaykunata. Manataj mayqenpis chinkarqachu, manachayqa chinkananpaj churasqa kajlla, ajinamanta Diospa Qhelqachisqan junt'akunanpaj.

San Juan 17:14

Nisqaykita paykunaman willarqani. Diosman mana kutirikojkunatajrí paykunata chejnerqanku, imaraykuchus manaña paykuna jinachu kanku. Noqapis manallataj paykuna jinachu kani.

San Juan 17:16

Paykunaqa, Diosman mana kutirikojkuna imaynatachus yuyanku, mana jinatachu kawsanku, noqapis manallataj chaykunaj yuyasqankuman jinachu kawsani.

San Juan 17:2

Churiykiman qan atiyta qorqanki, tukuy runata kamachinanpaj, wiñay kawsaytataj qonanpaj, pikunatachus payman qorqanki, chaykunaman.

San Juan 17:24

Tatáy, munani qowasqayki kajkuna, maypichus noqa kasaj, chaypi noqawan kanankuta. Chaypacha qowasqayki jatun kayniypa lliphipiyninta rikuyta atenqanku, imaraykuchus manaraj kay pacha ruwasqa kashajtin, qan munakuwarqanki.

San Juan 17:26

Noqaqa paykunaman pichus kasqaykita rejsicherqani. Chantá astawanraj rejsichisajpis, imaynatachus noqata munakuwanki, ajinallatataj paykunapis ujkunata munakunankupaj. Chaypachataj paykuna noqaman ujchasqallapuni kanqanku, nispa. Ajinata Jesús Tata Diosmanta mañakorqa.

San Juan 17:7

Kunantaj yachankuña tukuy ima qowasqaykeqa qanmantamin kasqanta.

San Juan 18:9

Ajina karqa Jesuspa kay nisqan junt'akunanpaj: Tatáy, pikunatachus qowarqanki, chaykunamanta mana ujtapis chinkacherqanichu, nispa.

San Juan 6:37

Chaywanpis Tataypa tukuy qowasqan runakuna noqaman jamonqanku, noqataj pikunachus noqaman jamojkunata mana qhesachasajchu.

San Juan 6:39

Kachamuwaj Tata Diosqa munan tukuy qowasqan runakunamanta mana ujllatapis chinkachinayta. Pay munallantaj kay pachaj tukukuynin p'unchaypi noqa paykunata wañusqamanta kawsarichinayta.

San Juan 8:51

Sut'ita niykichej: Pillapis nisqayta kasojqa mana jayk'ajpis wañonqachu, nispa.

San Juan 8:52

Chantá chay judiokuna Jesusta nerqanku: Kunan sut'ita yachayku supayniyojpuni kasqaykita. Abraham wañorqa, jinallataj Diosmanta ñawpa sut'inchajkunapis, qantaj nishanki: Nisqayta kasojqa mana jayk'ajpis wañonqachu, nispa.

Hechos 13:48

Chayta uyarispa, mana judío kajkuna mayta kusikorqanku, jinataj nerqanku Diospa simi nisqan may sumaj kasqanta. Chantá pikunachus wiñay kawsaypaj ajllasqa kajkunaqa Tukuyta Kamachej Jesuspi atinikorqanku.

Romanos 11:2

Diosqa ayllunta mana qhesachanchu, imaraykuchus ñawpajmantapacha paykunata ayllunpaj rejsikaporqa. Manachu yachankichej Diospa Qhelqachisqanpi imatachus Eliasmanta nisqanta? Eliasqa Israelpa contranta Diosman willakuspa, nisqa:

2 Corintios 4:6

Chayqa ajina, imaraykuchus Tata Diosqa kay pachata ruwashaspa, nerqa: Laqhayajpi k'anchay k'anchachun, nispa. Jinallataj pay chay k'anchayta sonqonchejpipis k'ancharichillantaj, Diospa jatun kayninpa lliphipiyninta Jesucristoj uyanpi rejsinanchejpaj.

Colosenses 3:16

Qankunaqa Cristoj sumaj yachachisqanmanta amapuni qonqakuychejchu. Manachayqa Diospa qosqan yuyay yachaywantaj purajmanta yachachinakuychej, k'aminarikuychej ima. Jinataj Diosta tukuy sonqo pachis nispa, salmokunata, yupaychana takiykunata, chantá Santo Espíritoj yuyaychasqan takiykunata ima takiychej.

2 Timoteo 1:13

Qanrí, noqamanta cheqan yachachiyta uyarisqaykiman jina puriy. Chaytataj ruway Diospi atinikuspa, chantá wajkunata munakuspa ima, Jesucristoman ujchasqa kasqanchejman jina.

Hebreos 2:12

Chayrayku Jesús Diosta nin: Qanmanta wawqe panaykunaman willasaj, tantasqa kajkuna chawpipitaj takispa yupaychasqayki, nispa.

Hebreos 3:6

Cristorí Diospa Churin kaspa, Diospa ayllunpi imachus ruwananta sumajta junt'arqa. Noqanchejmin chay ayllun kanchej, sichus sonqonchejpi kallpachakusunchej, chantá Cristopi atinikuspa allin kajta suyakusqanchejpi sinch'ita sayasunchej chayqa.

1 Pedro 1:1

Noqa, Pedro, Jesucristoj kachan kay cartata qhelqaspa apachimuykichej, Diospa ajllakusqankuna pikunachus Pontopi, Galaciapi, Capadociapi, Asiapi, chantá Bitiniapi ima waj llajtayoj jina tiyakushankichej, chaykunaman.

1 Juan 5:20

Yachallanchejtaj Diospa Churin jamuspa yuyayta, yachayta ima qowasqanchejta, cheqa kaj Diosman kutirikunanchejpaj. Kunantaj cheqa kaj Dioswan ujchasqa kawsashanchej, imajtinchus Churin Jesucristowan ujchasqa kawsashanchej. Paymin uj k'ata Diosqa, payllataj wiñay kawsayta qon.

Apocalipsis 2:13

Noqa maypichus tiyakusqaykita yachani. Qanqa, maypichus Kuraj Supaypa kamachinan tiyana kashan, chaypi tiyakunki. Chaywanpis mana wasanchawarqankichu, nitaj noqapi atinikusqaykipi llawch'iyarqankichu. Pérgamo llajtapi willajniy Antipasta wañucherqanku, pichus tukuy sonqo noqata kasuwaspallapuni kawsarqa, chayta. Qanrí payta wañuchishajtinkupis, manapuni noqata wasanchawarqankichu.

Apocalipsis 3:10

Qanqa pacienciawan suyanaykita kamachisqayta kasorqanki. Chayrayku noqapis ñak'ariy p'unchaypi qanta waqaychasqayki. Chay ñak'arinaqa tukuy kay pachapi kaj chhika runakunaman jamonqa imayna sonqoyojchus kasqanku yachakunanpaj.

Apocalipsis 3:8

Noqaqa tukuy ima ruwasqaykita rikuni. Jinataj ñawpaqeykipi uj punkuta kicharini, chaytataj mana pipis wisq'ayta atinmanchu. Qanqa pisi kallpayoj kashaspapis, nisqayta kasorqanki, manataj mana rejsiwaj tukorqankichu.