San Juan 17:22 - DIOSPA QHELQACHISQAN DEUTEROCANONICAL

²² Qan atiyta qowarqanki, noqataj chay atiyllatataj noqata qhatiwajkunaman qorqani, noqanchej jina ujlla kanankupaj.

Qheshwa Biblia DC

²² Allin k'anchayta qowasqaykita paykunaman qopuni, ujlla kanankupaj noqanchej jina.

DIOSPA QHELQACHISQ

²² Qan atiyta qowarqanki, noqataj chay atiyllatataj noqata qhatiwajkunaman qorqani, noqanchej jina ujlla kanankupaj.

Quechua South Bolivia: Dios Parlapawanchej

²² Kanwan ujlla caskaypi jatunchawarkanqui. Nokapis paycunawan ujchacuspa paycunata jatuncharkani nokanchejjina ujlla canancupaj.

San Juan 17:22 ပူးပေါင်းရင်းမြစ်များ

Marcos 6:7

Chaymantataj chunka iskayniyoj yachachisqankunata wajyaspa, paykunata iskaymanta iskay kacharqa. Jinallataj paykunaman atiyta qorqa, millay supaykunata runamanta qharqonankupaj.

San Lucas 22:30

Ajinamanta noqa kamachishajtiy, qankuna noqawan mikhunkichej, ujyankichejtaj ima. Jinallataj kamachina tiyanapi tiyaykunkichej Israelpa chunka iskayniyoj jatun ayllunkunata juzganaykichejpaj, nispa.

San Juan 1:14

Chay Simi Nisqaqa runaman tukorqa, jinataj noqayku ukhupi tiyakorqa. Chantá noqayku jatun kayninpa lliphipiyninta rikorqayku, chaytaj Tata Diospa uj k'ata Churin jatun kayninpa lliphipiynin karqa. Paypitaj munakuywan, chantá cheqa kajwan ima may jinapuni karqa.

San Juan 1:16

Simi Nisqa sutiyojpa may chhika k'acha kayninwan Diosqa kutin kutinta may jinata saminchawanchej.

San Juan 14:20

Chay p'unchay chayamojtin yachankichej noqaqa Tatayman ujchasqa kasqayta. Ajinata qankunapis noqaman ujchasqa kankichej, imaynatachus noqapis qankunaman ujchasqa kasaj, ajinata.

San Juan 17:24

Tatáy, munani qowasqayki kajkuna, maypichus noqa kasaj, chaypi noqawan kanankuta. Chaypacha qowasqayki jatun kayniypa lliphipiyninta rikuyta atenqanku, imaraykuchus manaraj kay pacha ruwasqa kashajtin, qan munakuwarqanki.

Hechos 5:41

Chaywanpis Jesuspa kuraj kachankuna chay juntamanta llojsispa, mayta kusikorqanku Jesuspa sutinrayku ñak'arichisqa kasqankumanta.

Romanos 8:30

Pikunatachus qallariypi ajllarqa, chaykunata wajyarqa. Chay wajyasqankunatataj cheqan runapaj qhawarqa, ajinata qhawaspataj, jatun kayninwan paykunata jatuncharqa.

2 Corintios 3:18

Chayrayku tukuyninchej Diospa jatun kayninpa lliphipiyninta uya qhatarasqa qhawashanchej broncemanta espejopi jina. Jinallataj Diospa Espíritun paypa rijch'ayninman tukuchishawanchej, astawan astawan Diospa jatun kaynin noqanchejpi rikuchikunanpaj.

2 Corintios 5:20

Ajina chayqa, Cristoj sutinpi parlanaykupaj kachasqa kayku. Dios kikinpis noqaykunejta parlashanman jina, Cristoj sutinpi mañarikuyku: Dioswan allinyakuychej, nispa.

2 Corintios 6:1

Ajina ari, Diospa ruwayninpi yanapakojkuna kaspa, noqayku mañarikuyku ama pisipaj qhawanaykichejta Diospa qhasilla k'acha yanapayninta jap'isqaykichejta.

Efesios 2:20

Iglesiamanta tukuy kajkunaqa uj wasi jina kanchej, chay wasitaj Jesuspa kuraj kachankunaj, jinataj Diosmanta sut'inchajkunaj yachachisqankupi sayachisqa kashan. Chay wasej sumaj esquina rumintaj Jesucristomin.

Filipenses 1:29

Paymin qankunata maypaj qhawaspa, atiyta qosunkichej mana Cristopi atinikunallaykichejpajchu, manachayqa payrayku ñak'arinaykichejpaj.

Colosenses 1:24

Kunanqa qankunarayku ñak'arishaspapis kusikuni. Ajinata kikin ukhuypi ñak'arispa, junt'ashani Jesucristoj Iglesianrayku imachus ñak'arinaraj kashan, chayta. Iglesiaqa Jesucristoj ukhunmin.

1 Juan 1:3

Ajinaqa imatachus rikusqaykuta, chantá uyarisqaykuta ima qankunaman willayku, qankuna uj sonqolla noqaykuwan kanaykichejpaj, imaynatachus noqaykupis Tata Dioswan, chantá Churin Jesucristowan uj sonqolla kayku, ajinata.

1 Juan 3:24

Pikunachus Diospa kamachisqanta kasojkunaqa Dioswan k'acha kawsakuypi kashanku, Diospis paykunawan kawsakushallantaj. Noqanchejpis Dios noqanchejwan kawsakushasqanta yachallanchejtaj, imaraykuchus qowasqanchej Santo Espíritu noqanchejpi tiyakun, chayrayku.

1 Juan 4:17

Dioswan kawsakojtinchejtaj, munakuyninchejqa maychus kajta munakunakama wiñan. Chayrayku, juicio p'unchaypi noqanchej mana manchachikuspa Diospa ñawpaqenpi sayayta atisunchej, imaraykuchus Jesús kay pachapi imaynatachus kawsarqa, ajinata kawsanchej.

Apocalipsis 21:14

Llajtaj perqantaj chunka iskayniyoj cimientoyoj karqa. Chaykuna patapi chunka iskayniyoj suti qhelqasqa karqa, Corderoj chunka iskayniyoj kuraj kachankunajta.