San Juan 17:19 - DIOSPA QHELQACHISQAN DEUTEROCANONICAL

¹⁹ Paykunarayku wañunaypaj kawsayniyta qanman jaywayki, ajinamanta paykunapis cheqa kajta jap'ikusqankunejta qanpaj t'aqasqallataj kanankupaj.

Qheshwa Biblia DC

¹⁹ Paykunarayku noqa kikiyta qanman entregakuyki, paykunapis cheqa kajpi qanman entregakusunankupaj.

DIOSPA QHELQACHISQ

¹⁹ Paykunarayku wañunaypaj kawsayniyta qanman jaywayki, ajinamanta paykunapis cheqa kajta jap'ikusqankunejta qanpaj t'aqasqallataj kanankupaj.

Quechua South Bolivia: Dios Parlapawanchej

¹⁹ Noka kanman t'akacuni munayniyquipi paycunata wakaychanaypaj. Ajinapi paycunapis cheka niskayquinejta kanman t'akaskas cankancu.

San Juan 17:19 ပူးပေါင်းရင်းမြစ်များ

Isaías 62:1

Sión llajtata munakusqayrayku mana ch'in kakusajchu. Jerusalenta munakusqayrayku mana samarikusajchu cheqan kajta ruwasqan lliphirimunankama, qhespichisqa kasqantaj k'anchay jina k'anchaykamunankama.

Jeremías 1:5

Mamaykej wijsanpi manaraj kashajtiyki, ñapis qanta ajllakorqaykiña. Manaraj paqarikushajtiyki, ñapis t'aqarqaykiña, suyukunaj sut'inchajnin kanaykipajtaj churarqayki, nispa.

Números 7:15

Chantá Nasón q'olachispa Diosman jaywananpaj qollarqataj uj torillota, uj carnerota, chantá uj watayoj corderota ima.

San Juan 10:36

Sichus Tata Dios ajllawaspa noqata kay pachaman kachamuwarqa chayqa, imaraykutaj qankuna ninkichej, noqa Diospa Churin kani, nispa, Diospa contranta rimasqaytari?

San Juan 15:13

Pillapis kawsaqenkunarayku wañojqa imaynatapunichus paykunata munakusqanmanta yachayta qon.

San Juan 15:3

Qankuna llimphuchasqaña kankichej noqaj parlasqayrayku.

San Juan 17:17

Tatáy, nisqaykeqa cheqapuni. Kunantaj nisqaykita kasusqankurayku paykunata qanpaj t'aqay.

San Juan 17:20

Mana paykunallapajchu mañakuyki, aswanpis pikunachus paykunaj willasqankunejta noqaman kutirikamonqanku, chaykunapajpis.

1 Corintios 1:2

Qankunaqa Cristo Jesusman ujchasqa kaspa, Diospaj t'aqasqa kankichej, wajyasqataj juchamanta t'aqasqa kanaykichejpaj. Dios Jesucristonejta paypaj t'aqawarqanchej, pikunachus Tukuyta Kamachej Jesucristoj sutinta oqharinku, chaykunatawan khuska. Payqa paykunaj Kuraj Kamachejninku, noqanchejpatapis.

2 Corintios 4:15

Chayrayku chay tukuy imata ñak'ariyku qankunaj allinniykichejpaj. Ajinaqa Diospa qhasilla k'acha yanapaynin astawan ashkha runaman chayajtin, aswan ashkhallataj Diosman pachis nispa nenqanku, ajinamanta pay may jatunchasqa kananpaj.

2 Corintios 7:14

Ñawpajta qankunamanta Titowan parlaspaqa, noqa mayta jatuncharqaykichej, qankunataj mana p'enqaypi rikhurichiwarqankichejchu. Imaynatachus mana llullakuspa qankunaman nerqayku, ajinallatataj imatachus qankunamanta Titoman willarqayku, chaytapis manallataj llullakorqaykuchu.

2 Corintios 8:9

Ña qankuna rejsinkichejña Tukuyta Kamachej Jesucristoj k'acha yanapayninta. Pay may qhapaj karqa chaypis, qankunata munakuspa wajchaman tukorqa, chay wajcha kayninnejta qankuna qhapajyachisqa kanaykichejpaj.

Colosenses 1:6

Chay sumaj willayta uyarisqaykichejqa tukuynejpi willasqa kashan. Chay runakunaqa chay sumaj willayta jap'ikusqankurayku waj jinaman tukuchisqa kashanku, imaynatachus qankunapis uyarisqaykichejmantapacha waj jinaman tukuchisqa karqankichej, ajinata. Qankunataj Diospa khuyakuyninmanta uyarispa, chaypacharaj cheqapuni kasqanta yacharqankichej.

1 Tesalonicenses 4:7

Diosqa mana millayta ruwaspa purinapajchu wajyawarqanchej, manachayqa juchamanta t'aqasqa kaspa, Diospa munasqanman jina kawsananchejpaj.

2 Timoteo 2:10

Chayrayku, tukuy imata ñak'arispa awantashani Diospa ajllakusqankunata munakusqayrayku, paykunapis Cristo Jesusnejta qhespichisqa kayta, chantá wiñay kusiytawan tarinankupaj.

Tito 2:14

Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

Hebreos 10:29

Ñawpajta ajinachus karqa chayqa, kunan astawanraj juchachanapaj jina kanqanku pikunachus Diospa Churinta qhesachajkuna, jinataj wañusqan qhasi manakaj kasqanta nejkuna. Paykuna mosoj tratoman yaykunapaj yawar jich'asqanta pisipaj qhawanku, mayqenchus Diospaj t'aqawanchej, chayta. Jinallataj Diospa Espiritunta turiyanku, pichus Diospa qhasilla k'acha yanapayninta chayachimuwanchej, chayta.

Hebreos 2:11

Chayrayku juchamanta t'aqasqa kajkuna, chantá pichus paykunata juchamanta t'aqaj Jesuswan uj Tatallamanta kanku. Ajina kasqanraykutaj Jesús mana p'enqakuspa, paykunata wawqe panankunapaj rejsikapun.

Hebreos 9:13

Ñawpajta chivokunajta, chayrí torillokunajta yawarnin, china waka uña q'olachisqaj ushphan ima mana llimphupaj qhawasqa runakunaman qhallisqa karqa. Ajinata ruwaspataj, runakunaj ukhunpa jawallanta llimphuchaj kanku.

Hebreos 9:18

Chayrayku, ñawpaj kaj tratota Dios ruwananpaj runakuna uywata ñak'aspa, yawarninta jaywarqanku.

Hebreos 9:26

Mana jina kanman karqa chayqa, kay pacha ruwasqa kasqanmantapacha Cristoqa ashkha kutitaña wañunman karqa. Kunantajrí chay p'unchay junt'akojtin, pay kikin wañunanpaj jaywaykukuspa, uj kutillata wiñaypaj rikhurin juchata pampachananpaj.

1 Juan 3:18

Munasqa wawaykuna, munakusqanchejqa ama nisqallachu kachun. Aswanpis cheqatapuni munakusqanchejta ruwasqanchejwan yachayta qonachej.

1 Juan 3:3

Pichus Jesucristopi atinikuspa jinapuni kananta suyakojqa pay kikin llimphuchakun, imaynachus Jesucristopis llimphupuni, ajina.