San Juan 16:27 - DIOSPA QHELQACHISQAN DEUTEROCANONICAL

²⁷ Tata Diosniy pay kikin munakusunkichej, imaraykuchus noqata munakuwankichej, Tata Diosmanta jamusqaytataj tukuy sonqo creenkichej.

Qheshwa Biblia DC

²⁷ Kikin Dios Tata munakusunkichej, qankuna noqata munakuwasqaykichejrayku, creenkichejtaj Dios Tatamanta jamusqayta.

DIOSPA QHELQACHISQ

²⁷ Tata Diosniy pay kikin munakusunkichej, imaraykuchus noqata munakuwankichej, Tata Diosmanta jamusqaytataj tukuy sonqo creenkichej.

Quechua South Bolivia: Dios Parlapawanchej

²⁷ pay quiquin kancunata munacususkayquichejraycu. Nokata kancuna munacuwanquichej, Diosmanta cachamuska Wawan caskaytataj creenquichej. Chayraycu Tatay munacusunquichej.

San Juan 16:27 ပူးပေါင်းရင်းမြစ်များ

Sofonías 3:17

Tata Diosniykeqa qanwan kashan. Payqa may atiyniyojmin, qhespichisonqataj. Tata Diosqa qanwan kusisqapuni kanqa. Munakuyninwan mosoj kawsayta qosonqa, qanmanta kusikuspataj, raymipi jina takirikonqa, nispa.

San Mateo 10:37

Pichus tatanta, chayrí mamanta noqamanta astawan munakojqa mana noqajta kananpaj jinachu. Ajinallatataj, sichus pipis churinta, chayrí ususinta noqamanta astawan munakun chayqa, nillataj payqa noqajta kananpaj jinachu.

San Juan 14:21

Pichus kamachisqayta jap'ikun, kasuntaj, chaymin cheqatapuni munakuwajqa. Noqata munakuwajtataj Tatay munakonqa. Noqapis payta munakullasajtaj, imaynachus kasqaytataj payman rejsichikusaj, nispa.

San Juan 14:23

Jesustaj kuticherqa: Noqata munakuwajqa nisqayta kasonqa, Tataytaj payta munakonqa. Chantá payman jamusqayku, paywantaj tiyakusqayku.

San Juan 16:30

Kunan yachayku tukuy imata yachasqaykita, manataj pipis imata tapusunan kanchu. Chayrayku Tata Dios kachamususqanta tukuy sonqo creeyku, nispa.

San Juan 17:23

Noqaqa paykunaman ujchasqa kashani, qantaj noqaman. Ajinamanta paykuna uj sonqolla kanqanku, tukuy runakuna yachanankupaj qan kachamuwasqaykita. Yachallanqankutaj qan paykunata munakusqaykita, imaynatachus noqatapis munakuwanki, ajinata.

San Juan 2:11

Jesús Galilea jap'iypi Caná llajtapi yakuta vinoman tukuchisqanqa ñawpaj kaj t'ukuna ruwasqan karqa. Ajinata Jesús may jina atiyniyoj kasqanta rejsicherqa, yachachisqankunataj paypi astawan atinikorqanku.

San Juan 3:13

Mana pipis janaj pachaman rerqachu, manachayqa Runaj Churillan janaj pachamanta urayk'amorqa.

San Juan 7:29

Noqarí paymanta jamusqayrayku payta rejsini, paytaj kachamuwarqa, nispa.

San Juan 8:42

Chantá Jesús nerqa: Cheqapunichus Tata Diosniykichej kanman chayqa, noqata munakuwankichejman, imaraykuchus noqaqa Diosmanta jamuni, manataj noqallamantachu, manachayqa Dios kachamuwarqa.

Romanos 8:3

Imatachus Moisespa kamachisqan mana ruwayta aterqachu runa pisi kallpayoj kasqanrayku, chayta Dios ruwarqa. Chaypaj payqa Churinta kachamorqa juchallej runaman rijch'akojta, juchanchejrayku wañunanpaj. Ajinamanta paynejta Diosqa noqanchejpi juchaj atiyninta chinkacherqa.

1 Corintios 15:47

Ñawpaj kaj runaqa kay pachamanta karqa, jallp'amanta ruwasqa. Qhepa kaj runarí, pichus Cristo, janaj pachamanta jamorqa.

1 Corintios 16:22

Pichus Tukuyta Kamachej Jesucristota mana munakojqa maldicisqa kachun. Jamuy ari, Tukuyta Kamachej Jesusniyku.

2 Corintios 5:14

Cristoj munakuynin ajinata ruwanaykupaj sinch'ita kallpachawayku, imaraykuchus allinta yachayku Cristo tukuy noqanchejrayku wañusqanta, chayraykutaj noqanchejpis ñawpa kawsayninchejpaj wañusqanchejta.

Gálatas 4:4

Chantá señalasqan p'unchay chayamojtin, Diosqa Churinta kachamorqa. Payqa uj warmimanta paqarerqa, jinataj Moisespa kamachisqankunata kasuspa kawsarqa.

Efesios 6:24

Diospa qhasilla k'acha yanapaynin kachun, pikunachus Tukuyta Kamachej Jesucristota mana tukukoj munakuywan munakunku, chaykunawan. Ajina kachun.

1 Timoteo 1:15

Kay willayqa cheqamin, jap'ikunapaj jinataj, ajinaqa tukuy jap'ikunanchej: Cristo Jesús kay pachaman jamorqa juchasapakunata qhespichinanpaj. Chay juchasapakunamantataj noqa aswan millay juchasapa kani.

Hebreos 12:6

imaraykuchus Diosqa pitachá munakun, chayta cheqan ñanman churan. Jinallataj pitachá wawanpaj rejsikapun, chayta seq'on, nispa.

1 Pedro 1:8

Qankunaqa Jesucristota mana rikuspalla munakunkichej. Kunanpis mana payta rikuspalla, paypi atinikunkichej, kusikunkichejtaj may jatun mana niy atina kusiywan.

1 Juan 4:19

Noqanchejqa ujkuna ujkuna munakunchej, imaraykuchus Diosraj ñawpajta munakuwarqanchej.

Apocalipsis 3:19

Noqaqa tukuy pitachus munakusqayta k'amispa cheqan ñanman churani. Chayrayku tukuy sonqo kasuway, noqamantaj kutirikamuway.

Apocalipsis 3:9

Noqaqa Kuraj Supaypa t'aqanmanta kajkunata, pikunachus judío kasqankuta ninku, manataj judiochu kanku, chaykunata ruwasaj ñawpaqeykiman jamuspa qonqorikunankuta. Ajinamanta paykuna yachanqanku noqa qanta mayta munakususqayta.