San Juan 16:22 - DIOSPA QHELQACHISQAN DEUTEROCANONICAL

²² Ajinallatataj qankunapis kunan llakikushankichej. Chaywanpis uj kutitawan rikusqaykichej, sonqoykichejtaj kusikonqa, manataj pipis chay kusikuyta qankunamanta qhechuyta atenqachu.

Qheshwa Biblia DC

²² Ajinata qankunapis kunan llakikushankichej. Uj kutitawan rikusqaykichej, sonqoykichejtaj kusikonqa; manataj pipis chay kusiyta qankunamanta qhechuyta atenqachu.

DIOSPA QHELQACHISQ

²² Ajinallatataj qankunapis kunan llakikushankichej. Chaywanpis uj kutitawan rikusqaykichej, sonqoykichejtaj kusikonqa, manataj pipis chay kusikuyta qankunamanta qhechuyta atenqachu.

Quechua South Bolivia: Dios Parlapawanchej

²² Ajinallataj kancunapis cunan llaquiskas cashanquichej. Nokarí ujtawan ricuskayquichej. Sonkoyquichejtaj cusiska canka. Chay cusiytari kancunamanta ni pi khechusonkachejchu.

San Juan 16:22 ပူးပေါင်းရင်းမြစ်များ

Job 34:29

Chaywanpis, sichus Dios ch'inlla kakun chayqa, pitaj payta juchachayta atinmanri? Sichus uyanta pakan chayqa, pitaj rikuyta atinmanri? Payqa tukuy suyuta qhawashan, jinallataj sapa uj runatapis.

Salmos 146:2

Tata Diosta kawsanaykama jatunchasaj. Kay pachapi kawsanaykamaqa Diosniyman takisaj.

Salmos 33:21

Chayrayku sonqonchejqa Tata Diospi kusikun, may llimphu sutinpitaj tukuy sonqo atinikunchej.

Isaías 25:9

Chaypacha tukuy runakuna nenqanku: Qhawaychej, kaymin Diosninchejqa, paypi atinikunachej, paytaj kacharichiwasun. Kaymin Tata Dios, pipichus atinikorqanchej, chay. Kunanqa qhespichiwasqanchejmanta jatun kusiywan kusikunachej, nispa.

Jeremías 31:12

Tata Dios nillantaj: Chantá jamuspa, paykuna Sión orqo patapi kusiywan takenqanku. Noqa Tata Dios kay imakunawan paykunata saminchasqayrayku kusikonqanku: Trigowan, vinowan, aceitewan, ovejakunawan, wakakunawan ima. Paykunaqa sumaj qarpasqa huerta jina kanqanku, manañataj kallpankupis pisiyanqachu.

San Mateo 28:8

Jinapi chay warmikuna chay aya p'ampanamanta llojsiytawan, mancha manchalla, chaywanpis manchay kusisqa, usqhayta rerqanku Jesuspa yachachisqankunaman willamoj.

San Lucas 10:42

Ujllamin aswan allin kajqa. Mariaqa chay aswan allin kajta ajllakun, chaytataj mana pipis paymanta qhechonqachu, nispa.

San Lucas 16:25

Abrahamtajrí kuticherqa: Yuyarikuy wawáy, qan kawsashaspa tukuy imayoj karqanki. Lazarorí mana walejpichu karqa. Kunanqa pay sonqochasqa kashan, qantaj ñak'arishanki.

San Lucas 19:26

Kuraj kamachejrí kutichisqa: Noqa niykichej: Kapuyniyojmanqa aswan ashkha qosqa kanqa, mana imayojmantatajrí, pisilla kapusqanpis qhechusqa kanqa.

San Lucas 24:41

Paykunarí kusiywan t'ukuspa, manaraj pay kasqanta creerqankuchu. Chantá Jesús paykunata nerqa: Manachu ima mikhunapis kaypi tiyapusunkichej? nispa.

San Juan 14:1

Chaymanta Jesús yachachisqankunata nerqa: Ama phutikuychejchu. Qankunaqa Diospi atinikuychej, noqapipis atinikullaychejtaj.

San Juan 14:19

Uj chhikamantawan Diosman mana kutirikojkunaqa manaña rikuwanqankuchu. Qankunarí rikuwankichej. Noqa kawsasqayraykutaj qankunapis kawsallankichejtaj.

San Juan 14:27

Noqaqa sonqo tiyasqa kayta qoykichej. Noqaj qosqay sonqo tiyasqa kaytaj mana runakunaj qosqan jinachu. Chayrayku ama imamantapis phutikuychejchu, nitaj manchachikuychejchu.

San Juan 16:16

Tumpamantawan manaña rikuwankichejchu, chaymanta uj chhikamantawanrí watej rikullawankichejtaj, nispa. Ajinata Jesús nerqa.

San Juan 16:20

Kayta sut'ita niykichej: Waqankichej, llakikunkichejtaj, chaykamataj Diosman mana kutirikojkuna kusikonqanku. Chaywanpis qankuna llakisqapis kashaychej, aswan qhepanejman llakiyniykichejqa kusikuyman tukonqa.

San Juan 16:6

Astawanqa kayta nisqayrayku sonqoykichejpi may jinata llakikushankichej.

San Juan 21:7

Jinapi, pitachus Jesús munakorqa, chaymin Pedrota nerqa: Payqa Tukuyta Kamachej Jesús, nispa. Simón Pedrotaj Tukuyta Kamachej Jesús kasqanta nejta uyarispa, q'ara wasalla kashasqanrayku patanchana p'achanta churaykukorqa. Chantá usqhayta qocha kantuman chayananpaj yakuman phinkiykorqa.

San Juan 4:14

Noqaj qosqay yakuta ujyajrí manaña jayk'ajpis ujtawan ch'akichikonqachu. Aswanpis noqaj qosqay yakoqa paypi mana ch'akej pujyu jina kanqa, chay yakutaj payman wiñay kawsayta qonqa, nispa.

Hechos 13:52

Jesusta qhatikojkunarí mayta kusikorqanku jinataj Santo Espíritoj kamachiyninpi karqanku.

Hechos 16:25

Chawpi tutata jinataj Pablowan, Silaswan ima Dioswan parlarikusharqanku, takispataj, payta yupaychasharqanku. Waj wisq'asqakunapis chay takisqankuta uyarisharqanku.

Hechos 2:46

Chantá Temploj pationpi tukuyninku sapa p'unchay uj sonqolla tantakojpuni kanku. Wasinkupipis paykuna Jesuspa Cenanta ruwaj kanku, jinataj mikhunatapis khuska mikhoj kanku may kusiywan, llamp'u sonqowantaj.

Hechos 5:41

Chaywanpis Jesuspa kuraj kachankuna chay juntamanta llojsispa, mayta kusikorqanku Jesuspa sutinrayku ñak'arichisqa kasqankumanta.

2 Corintios 6:10

Llakisqa jina kayku, chaywanpis kusisqapuni kashayku. Wajcha jina kayku, chaywanpis wajkunata Diosmanta yachachispa qhapajyachiyku. Mana kapuyniyoj jina kashayku chaypis, tukuy imayoj kayku.

2 Tesalonicenses 2:16

Kikin Tukuyta Kamachej Jesucristonchej, chantá Tata Diosninchej ima munakuwanchej, jinataj wiñaypaj sonqochawanchej, paykunamantataj allin kajta jap'ikunanchejta suyakushallanchejtaj.

Hebreos 10:34

Jinallataj qankuna carcelpi wisq'asqa kajkunata khuyarikorqankichej. Wajkuna kapuyniykichejta qhechusojtiykichejpis, kusikorqankichej, imaraykuchus yacharqankichej janaj pachapi chayaqeykichej aswan sumaj mana tukukuyniyoj kasqanta.

Hebreos 6:18

Diosqa mana jayk'aj llullakunchu. Chayrayku tiluspa nisqanmanta mana kutiriyta atinchu. Ajinaqa pikunachus waqaychasqa kayta mask'aspa, payman qayllaykojkuna paypi atinikuyta atinchej imatachus niwasqanchejta qonawanchejmanta.

1 Pedro 1:8

Qankunaqa Jesucristota mana rikuspalla munakunkichej. Kunanpis mana payta rikuspalla, paypi atinikunkichej, kusikunkichejtaj may jatun mana niy atina kusiywan.