San Juan 16:11 - DIOSPA QHELQACHISQAN DEUTEROCANONICAL

¹¹ Jinallatataj Santo Espiritoqa runata reparachenqa Diosqa pichus kay pachapi kamachejta ñapis juchachasqantaña.

Qheshwa Biblia DC

¹¹ Juiciomanta, imaraykuchus kay pachapi kamachejqa juchachasqaña.

DIOSPA QHELQACHISQ

¹¹ Jinallatataj Santo Espiritoqa runata reparachenqa Diosqa pichus kay pachapi kamachejta ñapis juchachasqantaña.

Quechua South Bolivia: Dios Parlapawanchej

¹¹ Juiciomantataj reparachenka sajra camachejnincu supay Satanás juchachaskaña caskanraycu. [Chay quinsa imasmanta Santo Espíritu cay pacha runasta reparachenka.]

San Juan 16:11 ပူးပေါင်းရင်းမြစ်များ

Génesis 3:15

Noqataj qantawan, warmitawan jap'inachisqaykichej. Jinallataj mirayniykiwan, mirayninwanpis chejninakonqanku. Warmej mirayninmanta kajqa umaykita sarusonqa, qantaj chaki talonninmanta khaninki, nispa. Ajinata Diosqa katarita nerqa.

Salmos 68:18

18 (19) Diosníy, presochasqakunata apaspa pataman wicharerqanki. Runakuna, jinataj contraykipi oqharikojkunapis tukuy imata waqerqasunku. Kunantaj, Tata Diosníy, paykuna ukhupi tiyakunki.

San Mateo 12:18

Dios nin: Kaymin noqaj kamachiy, pitachus noqa ajllakuni, chay. Paymin munakusqay, paywantaj may kusisqa kani. Payman Espirituyta qoni, chantá tukuy suyuman justiciamanta willanqa.

San Mateo 12:36

Chayrayku niykichej: Juicio p'unchaypeqa tukuy runakuna cuentata qonqanku tukuy qhasi manakajta parlasqankumanta,

San Lucas 10:18

Jesustajrí nerqa: Noqaqa Kuraj Supay Satanasta lliuj lliujta jina janaj pachamanta urmamojta rikorqani.

San Juan 12:31

Kunan kay pachapi tukuy runata Dios juzganan p'unchay chayamun. Kay pachapi kamachej Kuraj Supaytaj kay pachamanta wijch'usqa kanqa.

San Juan 14:30

Manaña qankunawan anchata parlasajchu, imaraykuchus kay pachata kamachej jamushanña. Chaywanpis payqa atipanawanpaj mana atiyniyojchu.

San Juan 16:12

Qankunaman parlanayqa ashkharaj kashan. Chaywanpis kunan chay tukuyta ninayqa qankunapaj anchaña kanman.

Hechos 10:42

Paytaj kamachiwarqayku kay tukuyta runakunaman willanaykuta, rejsichinaykuta ima: Diosmin kay kikin Jesusta churan kawsajkunata, wañusqakunatapis juzgananpaj, nispa.

Hechos 24:25

Chaypacha Pabloqa cheqan kajta ruwanamanta, sonqoj munayninwan mana atipachikoj kanamanta, jamoj juicio p'unchaymanta ima parlarqa. Felixtajrí chayta uyarispa, mancharikorqa. Chayrayku Pablota nerqa: Kunanqa amaña chaymanta astawan parlawayñachu. Noqa waj p'unchaypi ujtawan wajyasqayki, nispa.

Hechos 26:18

Noqa qanta kachasqayki mana judío kajkunaj ñawinkuta kicharinaykipaj, laqhamanta sut'iman llojsimunankupaj, ajinamanta noqapi atinikusqankurayku Dios juchankuta pampachanqa. Jinallataj paykunapis Diospaj t'aqasqa kajkunawan khuska chayaqeta jap'illanqankutaj, nispa.

Romanos 16:20

Mana unaymantachu sonqo tiyaykuyta qoj Diosqa Supay Satanasta chakiykichej uraman churanqa. Tukuyta Kamachej Jesucristonchej qhasilla k'acha yanapaynin qankunawan kachun.

Romanos 2:16

Chay jinaqa Jesucristomanta sumaj willayta willasqay yachachin Diospa juzganan p'unchay qayllamushasqanta. Chaypachataj Diosqa tukuy runakuna pakaypi ruwasqankuta Jesucristonejta juzganqa.

1 Corintios 4:5

Chayrayku amaraj imatapis juzgaychejchu manaraj Jesucristo kutimushajtin. Pay kutimuspa, laqhapi pakasqa kajta sut'inchanqa, rikuchenqataj imatachus sapa uj sonqonchejpi yuyasqanchejta. Chaymantataj sapa ujta ruwasqanman jina Dios jatunchanqa.

2 Corintios 4:4

Kay pachapi kamachej diosninku Satanasqa Jesuspi mana atinikojkunaj yuyayninkuta laqhayachin, Jesusmanta sumaj willaypa k'anchayninta mana rikunankupaj. Chay sumaj willayqa Cristoj jatun kayninmanta willawanchej. Cristotaj Diospa jatun kayninpa lliphipiyninta rejsichiwanchej.

Efesios 2:2

Chaykunapi qankuna ñawpajta kawsaj kankichej, Diosman mana kutirikojkunaj purisqankuta qhatispa. Jinallataj mana rikukoj atiyniyojkunata kamachej Kuraj Supayta kasorqankichej, mayqenchus Diosta mana kasojkunaj sonqonkupi llank'ashan, chayta.

Colosenses 2:15

Ajinata ruwaspa, supaykunaj kamachiyninkuta, atiyninkuta ima qhechorqa. Ajinamantataj paykunata Cristonejta cruzpi atipaspa, tukuypa rikunanta p'enqaypi rikhuricherqa.

Hebreos 2:14

Chay wawakunaqa aychayoj, yawarniyojtaj kanku. Ajinallataj Cristopis paykuna jina kananpaj aychallikorqa, cruzpi wañuspa Kuraj Supayta atipananpaj, pichus runakunata wañuchinanpaj atiyniyoj karqa, chayta.

Hebreos 6:2

Jinallataj amaña parlanachu bautizakuna kasqanmanta, Santo Espirituta jap'inapaj makita umaman churanamanta, wañusqamanta kawsarimpuymanta, chantá wiñaypaj jasut'iymanta ima.

Hebreos 9:27

Nisqa kashan runaqa uj kutillata wañunan, chaymantataj Diospa ñawpaqenpi juzgasqa kanqa.

2 Pedro 3:7

Kunan kashaj janajpis, kay pachapisrí Diospa nisqannejta ninapi q'olachisqa kanankupaj waqaychasqa kashanku Diospa juzganan p'unchaykama. Chaypachallataj Diosqa paywan churanakojkunata juzgaspa, chinkarparichenqa.

1 Juan 3:8

Pichus juchallispallapuni purejrí Kuraj Supaypata kasqanta rejsichikushan, imaraykuchus Kuraj Supay qallariymantapacha juchallispallapuni purin. Chayrayku Diospa Churenqa Kuraj Supaypa ruwasqanta phirinanpaj jamorqa.

Apocalipsis 1:7

Qhawaychej: Cristo phuyupi jamushan. Tukuy runakuna payta rikonqanku, jinallataj payta t'ojsejkunapis. Kay pachapi kaj chhika runakuna payta manchachikuspa, manchayta waqanqanku. Arí, ajina kachun.