San Juan 15:8 - DIOSPA QHELQACHISQAN DEUTEROCANONICAL

⁸ Maypachachus qankuna uva yura jina ashkha poqoyniyoj kankichej chaypacha, cheqapuni yachachisqay kasqaykichejta yachayta qoshankichej, chaynejtataj Tatay jatunchasqa kanqa.

Qheshwa Biblia DC

⁸ Qankuna ashkha poqoyta apajtiykichej, Tatayqa jatunchasqa kanqa; ajinamanta yachachisqasniy kankichej.

DIOSPA QHELQACHISQ

⁸ Maypachachus qankuna uva yura jina ashkha poqoyniyoj kankichej chaypacha, cheqapuni yachachisqay kasqaykichejta yachayta qoshankichej, chaynejtataj Tatay jatunchasqa kanqa.

Quechua South Bolivia: Dios Parlapawanchej

⁸ C'acha causayniyoj caskayquichejka ashqha pokoyjinamin. Chaywan Tatayta jatunchanquichej, yachacojcunay caskayquichejtataj ricuchinquichej.

San Juan 15:8 ပူးပေါင်းရင်းမြစ်များ

Isaías 60:21

Chaypacha tukuyniykichej cheqanta ruwajkuna kankichej, jallp'aykichejtapis wiñaypaj jap'ikapunkichej. Qankuna mallkisqaypa ijimuynin kankichej, makiypa ruwasqantaj noqata jatunchanawaykichejpaj.

Isaías 61:3

Chantapis Tata Dios kachamullawantaj Sionpi llakisqa kajkunapaj kay allin imakunata ruwanaypaj: Pikunachus llakisqa kasqankurayku ushphawan qhallisqa kashanku, chaykunaman may k'achitu pilluta churasaj. Llakiy p'achawan churakuspa kanankutaqa, kusiywan p'achallisqa kanankuta ruwallasajtaj. Jinallataj phutisqa kanankumantaqa kusisqallapuni kanankuta ruwasaj. Paykuna justiciata ruwasqankurayku “Tata Diospa Mallkisqan Roble Sach'a”, nispa sutichasqa kanqanku, paypa jatun kayninta rikuchinankupaj.

Hageo 1:8

Chayrayku kunan orqoman rispa, kurkukunata apamuychej Temployta watej ruwanaykichejpaj. Noqataj chaymanta mayta kusikusaj, chaypitaj jatunchasqapuni kasaj. Noqa Tata Diosmin chayta nini.

San Mateo 5:16

Ajinallatataj, k'anchayniykichejqa runakunaj ñawpaqenpi k'anchachun. Ajinamanta paykuna allin ruwasqaykichejta rikuspa, janaj pachapi kashaj Tata Diosniykichejta jatunchanqanku.

San Mateo 5:44

Noqatajrí niykichej: Awqaykichejkunata munakuychej, jinallataj qankunata qhatiykachasojkunapaj Diosmanta mañapuychej.

San Mateo 9:8

Chaypi kajkunataj chayta rikuspa, manchachikorqanku, Diostataj jatuncharqanku chay jina atiyta runakunaman qosqanmanta.

San Lucas 6:35

Qankunarí awqaykichejkunata allinta ruwaspa munakuychej. Manuspapis, ama suyaychu imatapis kutichipusunankuta. Jinamanta t'inkaykichej jatun kanqa, qankunataj Patapi Kaj Diospa wawankuna kankichej. Diosqa paymanta mana yuyarikojkunata, millay sonqoyojkunata ima khuyarin.

San Juan 13:35

Qankunachus purajmanta munakunkichej chayqa, tukuy runakuna yachanqanku noqaj yachachisqay kasqaykichejta, nispa.

San Juan 15:5

Noqa uva sach'a jina kani, qankunataj chay uva sach'aj yuran jina kankichej. Pillapis noqaman ujchasqallapuni kaj, noqataj payman, chaymá ashkhata poqonqa. Chaywanpis sichus qankunamanta pillapis noqamanta t'aqakun chayqa, mana imatapis ruwayta atenqachu.

San Juan 8:31

Chantá Jesús paypi atinikoj runakunata nerqa: Nisqaytachus kasunkichej chayqa, cheqapuni yachachisqaykuna kankichej.

1 Corintios 10:31

Ajinaqa mikhuspapis, ujyaspapis, chayrí imata ruwaspapis, tukuy imata ruwaychej Dios chaynejta jatunchasqa kananpaj.

1 Corintios 6:20

Dios ashkha preciota pagaspa, qankunata rantikusorqachej. Chayrayku qankuna ukhuykichejwan Diospa munasqanta ruwaspa, payta jatunchaychej.

Filipenses 1:11

Chay jinamanta qankuna Jesucristoj yanapasqanwan allin kajta ruwayta atinkichej, runakuna Tata Diosta yupaychanankupaj, chantá jatunchanankupaj ima.

Tito 2:10

nitaj imatapis suwakuchunkuchu, manachayqa tukuy imachus ruwanankuta junt'aspa, k'acha kachunku. Wata runakuna ajinata ruwaspa, tukuy imapi qhespichiwajninchej Diospa yachachisqan may sumaj kasqanta rikuchenqanku.

Tito 2:5

Yachachillachunkutaj allinta qhawarikuspa purinankuta, llimphu puriyniyoj ima kanankuta. Yachachillachunkutaj wasinkupi imachus ruwana kajta ruwanankuta, k'acha kanankuta, chantá qosankuwan kasukuy sonqo kanankuta ima. Ajinata sipas warmikuna purejtinku, mana pipis Diospa nisqanmanta mana allinta parlanqachu.

1 Pedro 2:12

Jinallataj Diosta mana qhatejkunaj ñawpaqenkupi allinta puriychej. Paykuna kunan mana allin kajta qankunapaj rimanku, millayta ruwajkunapis kawajchej jina. Chaywanpis allin ruwasqaykichejta rikuspa, paykuna Diosta jatunchanqanku, Dios juzganan kashan, chay p'unchay chayamojtin.

1 Pedro 4:11

Pichus Diospa nisqanmanta parlananpaj atiyta jap'ejqa Dios kikinpis paynejta parlashanman jina parlachun. Pichus wajkunata yanapananpaj atiyta jap'ejqa Dios kallpa qosqanman jina yanapachun, Jesucristonejta tukuy imapi Tata Dios jatunchasqa kananpaj. Chantá Jesucristopis tukuy atiyniyoj kasqanrayku wiñay wiñaynintinpaj jatunchasqallataj kachun. Ajina kachun.