San Juan 14:9 - DIOSPA QHELQACHISQAN DEUTEROCANONICAL

⁹ Jesustajrí payman kuticherqa: Felipe, chhika unaytaña qankunawan kashajtiy, manarajpunichu rejsiwanki? Pichus noqata rikuwajqa Tataytapis rikullantaj. Jinaqa, imaraykutaj nishanki: Tata Diosta rikuchiwayku, nispari?

Qheshwa Biblia DC

⁹ Jesús payman kuticherqa: Felipe, chhika unaytaña qankunawan kani, manachu rejsiwanki? Noqata rikuwajqa, Tataytapis rikun; imaraykutaj Dios Tatata rikuchiway nishanki?

DIOSPA QHELQACHISQ

⁹ Jesustajrí payman kuticherqa: Felipe, chhika unaytaña qankunawan kashajtiy, manarajpunichu rejsiwanki? Pichus noqata rikuwajqa Tataytapis rikullantaj. Jinaqa, imaraykutaj nishanki: Tata Diosta rikuchiwayku, nispari?

Quechua South Bolivia: Dios Parlapawanchej

⁹ Jesustaj nerka: —Chhica unayña kancunawan cani, Felipe ¿manachu rejsiwanqui? Nokata ricuwajka Dios Tatata ricun. ¿Imaynatataj nishawanqui: “Dios Tatata ricuchiwaycu”, nisparí?

San Juan 14:9 ပူးပေါင်းရင်းမြစ်များ

Génesis 26:9

Chantá Abimelecqa Isaacta wajyachimuspa, nerqa: Ajá, chay warmeqa warmiykipuni, icharí? Chantá imaraykutaj qan nerqanki panayki kasqantari? nispa. Isaactaj kuticherqa: Ajinata nerqani, imaraykuchus yuyarqani: Ichapis warmiyrayku kay llajtayojkuna wañuchiwankuman, nispa.

Salmos 11:1

(1b) Noqaqa Tata Diospi atinikuni. Imaraykutaj niwanku: Orqoman p'isqo jina ayqey, nispari?

Jeremías 2:23

Imaynatataj niyta atiwaj: Mana ch'ichichakunichu, nitaj chay qhasi manakaj dioskunata yupaychanichu, nispari? Qhawarikuy imatachus vallepi ruwarqanki, chayta. Qanqa allinta reparakuy tukuy ruwasqaykita, china camello jina usqhayta rispa maymanpis thaskiykusqallaykita.

Marcos 9:19

Jesustaj kuticherqa: Ay, noqapi mana atinikuyta atej runakuna. Mayk'ajkamataj qankunawan kasajri? Mayk'ajkamataj awantasqaykichejri? Chay waynata pusamuwaychejmá, nispa.

San Lucas 12:56

Puraj uya kankichej. Qankuna sumajta rejsinkichej janajpa rijch'ayninta, kay pachajtapis, icharí? Chaywanpis mana reparayta atinkichejchu Dios imatachus kunan tiempo ruwashasqanta.

San Juan 1:14

Chay Simi Nisqaqa runaman tukorqa, jinataj noqayku ukhupi tiyakorqa. Chantá noqayku jatun kayninpa lliphipiyninta rikorqayku, chaytaj Tata Diospa uj k'ata Churin jatun kayninpa lliphipiynin karqa. Paypitaj munakuywan, chantá cheqa kajwan ima may jinapuni karqa.

San Juan 10:30

Noqawan, Tata Dioswanqa ujlla kayku, nispa.

San Juan 12:45

Pichus noqata rikuwajqa Kachamuwajniytapis rikullantaj.

San Juan 14:20

Chay p'unchay chayamojtin yachankichej noqaqa Tatayman ujchasqa kasqayta. Ajinata qankunapis noqaman ujchasqa kankichej, imaynatachus noqapis qankunaman ujchasqa kasaj, ajinata.

San Juan 14:7

Noqatachus rejsiwankichej chayqa, Tataytapis rejsillankichejtaj. Kunanmantapacha payta rejsinkichej, imajtinchus payta rikushankichej, nispa.

San Juan 8:19

Chantá Jesusta taporqanku: Tatayki maypitaj kashanri? nispa. Jesustaj kuticherqa: Qankunaqa mana noqata rejsiwankichejchu, nitaj Tataytapis. Sichus noqata rejsiwankichejman chayqa, Tataytapis rejsillawajchejtaj, nispa.

1 Corintios 15:12

Sichus noqayku Cristo wañusqamanta kawsarimpusqanta willayku chayqa, imaraykutaj qankuna ukhumanta wakin ninku wañojkuna mana kawsarinankutari?

Filipenses 2:6

Cristoqa Diospuni kashaspapis, payqa Dios kayninmanta mana ch'ipakorqachu.

Colosenses 1:15

Cristoqa mana rikukoj Dios imaynachus, ajinallataj. Chaytataj runaman rejsicherqa. Payqa manaraj Dios tukuy imata ruwashajtin, karqañapuni.

Hebreos 1:3

Diospa Churenqa Diospa jatun kayninpa lliphipiyninta rikuchin, paypa kaynintaj Tata Diospa kayninta rejsichiwanchej. Payllataj atiyniyoj simi nisqanwan tukuy kaj chhikata maychus kananpi purichin. Chantá juchanchejta pampachaspa llimphuchawarqanchej, jinaspataj, janaj pachapi jatun atiyniyoj Kamachejpa pañanman tiyaykukorqa.

1 Juan 5:20

Yachallanchejtaj Diospa Churin jamuspa yuyayta, yachayta ima qowasqanchejta, cheqa kaj Diosman kutirikunanchejpaj. Kunantaj cheqa kaj Dioswan ujchasqa kawsashanchej, imajtinchus Churin Jesucristowan ujchasqa kawsashanchej. Paymin uj k'ata Diosqa, payllataj wiñay kawsayta qon.