San Juan 14:6 - DIOSPA QHELQACHISQAN DEUTEROCANONICAL

⁶ Chantá Jesús kuticherqa: Noqa ñan kani, cheqa kajtaj, kawsaytaj. Mana pipis Tata Diosman chayayta atinchu, mana noqanejta rispaqa.

Qheshwa Biblia DC

⁶ Jesús payman nerqa: Noqa ñan kani, cheqataj, kausaytaj; mana pipis Dios Tataman jamuyta atinchu, mana noqanejta kaspaqa.

DIOSPA QHELQACHISQ

⁶ Chantá Jesús kuticherqa: Noqa ñan kani, cheqa kajtaj, kawsaytaj. Mana pipis Tata Diosman chayayta atinchu, mana noqanejta rispaqa.

Quechua South Bolivia: Dios Parlapawanchej

⁶ Jesustaj nerka: —Noka cani chay ñanka, chay cheka caj, chay wiñay causayta kojpis. Runaka nokanejllatataj Dios Tataman jamun.

San Juan 14:6 ပူးပေါင်းရင်းမြစ်များ

San Mateo 11:27

Chantá Jesús chaypi kajkunata nillarqataj: Tatayqa tukuy imata qowan. Mana pipis yachanchu pichus Churi kasqanta. Chaytaqa Tatalla yachan. Nitaj pipis yachanchu pichus Tata kasqanta, manachayqa Churillan yachan, jinallataj pimanchus Churin rejsichiyta munan, chay.

San Juan 1:14

Chay Simi Nisqaqa runaman tukorqa, jinataj noqayku ukhupi tiyakorqa. Chantá noqayku jatun kayninpa lliphipiyninta rikorqayku, chaytaj Tata Diospa uj k'ata Churin jatun kayninpa lliphipiynin karqa. Paypitaj munakuywan, chantá cheqa kajwan ima may jinapuni karqa.

San Juan 1:17

Diosqa kamachisqankunata Moisesnejta qorqa. Chaywanpis Diospa mana tukukuyniyoj munakuyninta, cheqa kaynintawan Jesucristonejta qowanchej.

San Juan 1:4

Simi Nisqa sutiyojtaj tukuy ima ruwasqa kajman kawsayta qorqa, chay kawsaynintaj k'anchay jina runakunaman Diosmanta sut'ita rikuchin.

San Juan 10:28

Noqaqa paykunaman wiñay kawsayta qoni, manataj jayk'ajpis chinkanqankuchu. Makiymantataj paykunata mana pipis qhechuwayta atenqachu.

San Juan 10:7

Chayrayku Jesús uj kutitawan chay runakunata nerqa: Sut'ita niykichej: Noqaqa oveja kanchaman yaykuna punku jina kani.

San Juan 10:9

Noqarí punku jina kani. Noqanejta yaykojqa qhespichisqa kanqa, mana pej ima nisqantaj yaykuyta, llojsiyta atenqa, chantá sumaj mikhunata tarenqa.

San Juan 14:19

Uj chhikamantawan Diosman mana kutirikojkunaqa manaña rikuwanqankuchu. Qankunarí rikuwankichej. Noqa kawsasqayraykutaj qankunapis kawsallankichejtaj.

San Juan 15:1

Jesús yachachisqankunata nillarqapuni: Noqaqa sumaj uva sach'a jina kani, Tataytaj uva huertata qhawaj jina.

San Juan 18:37

Chaymanta kamachej Pilato payta taporqa: Chantá qanqa kuraj kamachejchu kanki? nispa. Jesustaj kuticherqa: Qan nishanki noqa kuraj kamachej kasqayta. Noqatajrí kay pachaman jamorqani cheqa kajmanta willanaypaj. Cheqa kajta tukuy kasojkunaqa nisqayta uyarinku, nispa.

San Juan 5:21

Imaynatachus Tata Dios wañusqakunata kawsarichispa, kawsayta paykunaman qon, ajinallatataj Churinpis, pikunamanchá kawsayta qoyta munan, chaykunaman qon.

San Juan 6:33

Jinataj Diospa qosqan t'antaqa janaj pachamanta urayk'amuspa, runakunaman wiñay kawsayta qon, nispa.

San Juan 6:51

Noqamin janaj pachamanta urayk'amoj kawsayta qoj t'anta kani. Pillapis kay t'antamanta mikhojtaj wiñaypaj kawsanqa. Noqa qosaj, chay t'antaqa ukhuymin. Noqataj ukhuyta qospa wañusaj runakunaman wiñay kawsayta qonaypaj, nispa.

San Juan 6:57

Kachamuwaj Tatayqa kawsajmin, noqataj paynejta kawsani. Ajinallatataj noqata mikhuwajqa noqanejta kawsanqa.

San Juan 6:68

Chantá Simón Pedro kuticherqa: Wiraqochi, pimantaj riyta atiykumanri? Qanpa parlasqaykeqa wiñay kawsayman pusawayku.

San Juan 8:32

Jinataj Diosmanta cheqa kajta yachasqaykichejqa cheqatapuni kacharichisonqachej, nispa.

San Juan 8:51

Sut'ita niykichej: Pillapis nisqayta kasojqa mana jayk'ajpis wañonqachu, nispa.

Hechos 3:15

Ajinata qankuna pichus tukuyman kawsayta qojta wañucherqankichej. Diostajrí payta wañusqamanta kawsarichimorqa, noqaykutaj testigo jina chay rikusqaykuta willayku.

Hechos 4:12

Mana waj runanejta pipis qhespichisqa kayta atinmanchu manachayqa Jesucristonejllata. Diosqa tukuynin kay pachapi mana waj sutita churanchu, paypi atinikuspa noqanchej qhespichisqa kananchejpaj, nispa.

Hechos 9:2

Paymantataj cartakunata qonanta mañakorqa, Damasco llajtapi judiokunaj tantakunanku wasipi rikuchimunanpaj. Chay cartanejtataj kuraj kaj sacerdoteqa Sauloman atiyta qorqa, Jesuspa cheqan ñanninta qhatikojkunata jap'ispa cadenawan watasqata Jerusalenman apananpaj, qharikunapis, warmikunapis kachunku.

Romanos 15:16

Jesucristoj kamachin jina, paymanta sumaj willayta mana judío kajkunaman willaranaypaj. Ajinamanta paykuna Santo Espiritunejta sumaj jaywana jina Diospaj t'aqasqa kanqanku.

Romanos 5:2

Chantá Jesucristopi atinikusqanchejrayku, Dioswan allinpi kawsayman yaykunchej, mana chaypaj jina kashajtinchej. Chaypi sinch'ita sayaspataj, kusikunchej, Diospa jatun kayninpa k'anchayninpi paywan khuska kayta suyakuspa.

Romanos 5:21

Ajinaqa jucha atiyniyoj karqa tukuy runakuna wañuyta rejsinankupaj. Ajinallataj kunanqa Diospa qhasilla k'acha yanapayninpis atiyniyojllataj, runa Diospa ñawpaqenpi cheqanpaj qhawasqa kananpaj. Chantá Jesucristonejta Dioswan allinyachisqa kasqanchejrayku noqanchej wiñay kawsayta jap'inchej.

1 Corintios 15:45

Ajinaqa Diospa Qhelqachisqanpi nin: Ñawpaj kaj runa Adanqa kawsaj runa ruwasqa karqa, nispa. Qhepa kaj Adanrí kawsayta qoj Espiritumin karqa.

Efesios 2:18

Kunantaj paynejta judiokuna, mana judiokunapis kikin Santo Espiritunejllata Tata Diospa ñawpaqenman qayllayta atinchej.

Colosenses 2:17

Tukuy chaykunaqa, pichus jamunan karqa, chaypa llanthullan. Chaywanpis chay tukuy imata junt'ajqa Cristomin.

Colosenses 2:9

Cristoj yachachisqanrí aswan allinmin, imajtinchus Cristo runaman tukuspa jamojtin, imaynachus Dios kasqanqa, chay tukuy paypi karqa.

Colosenses 3:4

Cristomin chay kawsayta qosunkichej. Pay rikhurimojtintaj, qankunapis paywan khuska jatun kayninpa lliphipiyninpi rikhurimullankichejtaj.

Hebreos 7:25

Chayrayku pay wiñaypaj qhespichiyta atin, pikunachus paynejta Diosman qayllakojkunata, imaraykuchus pay wiñaypaj kawsallanpuni paykunarayku Diosmanta mañapunanpaj.

Hebreos 9:8

Chaywan Santo Espíritu yachachisharqa Diosllapaj T'aqasqa Cheqaman yaykuna manaraj kicharisqachu kasqanta runakuna yaykunankupaj. Chaytaj ajina karqa Dioswan Tinkukuna ñawpaj kaj Toldo kashanankama.

1 Pedro 1:21

Paynejta qankuna Diospi atinikunkichej, pichus Cristota wañusqamanta kawsarichispa jatuncharqa, chaymanta. Chayrayku Diospi atinikuspa, pay imatachus nisqanta qonantapuni suyakushankichej.

1 Pedro 2:4

Qankunaqa Tukuyta Kamachej Jesusman qayllaykuychej, imajtinchus payqa Diospa Templonpi kawsashaj aswan sumaj rumi jina. Paytaqa runakuna qhesacharqanku, Diostajrí payta ajllaspa jatuncharqa, may valorniyoj rumi jina kananpaj.

1 Pedro 3:18

Cristopis juchanchejrayku wiñaypaj uj kutillata ñak'arerqa. Pay mana juchayojchu karqa. Chaywanpis juchasapakunarayku wañorqa, Tata Diosman pusanasuykichejpaj. Cheqapuni payqa runa jina wañuchisqa karqa, Santo Espiritunejtataj kawsarichisqa karqa.

1 Juan 1:8

Sichus mana juchayoj kasqanchejta ninchej chayqa, noqallanchejtaj q'otiyakushanchej, manataj cheqa kajtachu parlashanchej.

1 Juan 2:23

Pichus Diospa Churinta qhesachajqa mana Tata Dioswanchu kashan. Pichus Churita Cristo kasqanta nejrí Tata Dioswan kashan.

1 Juan 5:20

Yachallanchejtaj Diospa Churin jamuspa yuyayta, yachayta ima qowasqanchejta, cheqa kaj Diosman kutirikunanchejpaj. Kunantaj cheqa kaj Dioswan ujchasqa kawsashanchej, imajtinchus Churin Jesucristowan ujchasqa kawsashanchej. Paymin uj k'ata Diosqa, payllataj wiñay kawsayta qon.

1 Juan 5:6

Jesucristo kay pachaman jamuspa, yakuwan bautizasqa karqa, chantá wañuspataj, yawarninta jich'arqa. Mana yakunejllatachu Jesusqa Diospa Churin kasqanta sut'incharqa, manachayqa yakunejta, chantá yawarnejta ima. Santo Espíritu cheqatapuni parlaj jina kayqa ajinapuni kasqanta sut'inchan.

2 Juan 1:9

Pichus pantaykuspa, mana Cristoj yachachisqanpi sayanchu chayqa, Dios mana paywanchu kashan. Pichus Cristoj yachachisqanpi sayajrí Tata Dioswan, chantá Churinwan ima ujchasqa kashan.

Apocalipsis 1:5

Jesucristoqa cheqanta willaj testigomin. Paymin wañusqamanta ñawpajta kawsarimporqa, payllataj kay pachapi tukuy kuraj kamachejkunata kamachin. Jesucristo munakuwarqanchej, jinataj wañuspa yawar jich'asqannejta juchanchejta pampacharqa.

Apocalipsis 19:11

Chaypacha, noqa janaj pachata kicharisqata rikorqani. Uj runa yuraj caballopi lloq'asqa kasharqa, sutintaj karqa Nisqanta Junt'aj Kaj, chantá Cheqa Kaj ima, imaraykuchus payqa justiciata ruwan, chantá cheqa kajta ruwaspa maqanakun.

Apocalipsis 20:15

Jinallataj pejpa sutinchus Kawsay P'anqapi mana listasqachu karqa chayqa, chay runa nina qochaman wijch'uykusqa karqa.

Apocalipsis 22:1

Chay qhepata angelqa kawsaj yakuyoj ch'uwa mayuta rikuchiwarqa, cristal jina lliphipejta, mayqenchus Diospa kamachina tiyananmanta, chantá Corderojmantawan llojsimusharqa, chayta.

Apocalipsis 22:17

Santo Espirituwan, casarakoj sipaswan ima ninku: Jamuy, nispa. Chayta uyarejpis nillachuntaj: Jamuy, nispa. Ch'akichikojqa jamuchun, ujyayta munajtaj kawsayta qoj yakumanta qhasilla ujyachun, nispa.

Apocalipsis 3:14

Laodicea llajtapi iglesiaj angelninman kay nisqayta qhelqay: Ajina kachun nej, cheqanta willaj, mana llullakoj testigo, pinejtachus Dios tukuy imata qallariypi ruwarqa, chay nisunki:

Apocalipsis 3:7

Filadelfia llajtapi iglesiaj angelninman kay nisqayta qhelqay: Kay jinata nin May Llimphu Kaj, Cheqa Kaj, pichus kuraj kamachej Davidpa llaventa jap'in, chay. Pay punkuta kicharejtin, mana pipis wisq'ayta atinchu, punkuta wisq'ajtintaj, mana pipis kichariyta atinchu.