San Juan 14:27 - DIOSPA QHELQACHISQAN DEUTEROCANONICAL

²⁷ Noqaqa sonqo tiyasqa kayta qoykichej. Noqaj qosqay sonqo tiyasqa kaytaj mana runakunaj qosqan jinachu. Chayrayku ama imamantapis phutikuychejchu, nitaj manchachikuychejchu.

Qheshwa Biblia DC

²⁷ Sonqo samakuyta saqeykichej, sonqo samayniyta qoykichej; mana mundoj qosqanta jinachu qoykichej. Sonqoykichej ama phutikuchunchu, nitaj manchachikuchun chu.

DIOSPA QHELQACHISQ

²⁷ Noqaqa sonqo tiyasqa kayta qoykichej. Noqaj qosqay sonqo tiyasqa kaytaj mana runakunaj qosqan jinachu. Chayrayku ama imamantapis phutikuychejchu, nitaj manchachikuychejchu.

Quechua South Bolivia: Dios Parlapawanchej

²⁷ ‘C'acha causaypi canayquichejpaj Diosman allinyacherkayquichej. Nokanejllata c'acha causayka tiyan. Nokalla c'achata causachiyquichej. Cay pacha runaska chayta mana atincuchu. Ama sonko nanayta llaquicuychejchu nitaj manchachicuychejchu.

San Juan 14:27 ပူးပေါင်းရင်းမြစ်များ

2 Crónicas 20:30

Ajinata Josafat kamachishajtenqa, mana ima ch'ajwapis karqachu, imaraykuchus Diosqa chay muyuyninkupi suyukunawan allinpi kawsakunankuta ruwarqa.

Job 34:29

Chaywanpis, sichus Dios ch'inlla kakun chayqa, pitaj payta juchachayta atinmanri? Sichus uyanta pakan chayqa, pitaj rikuyta atinmanri? Payqa tukuy suyuta qhawashan, jinallataj sapa uj runatapis.

Salmos 11:1

(1b) Noqaqa Tata Diospi atinikuni. Imaraykutaj niwanku: Orqoman p'isqo jina ayqey, nispari?

Salmos 112:7

Mana allin willaykunamanta mana manchachikonqachu, manachayqa tukuy sonqonwan Tata Diospi atinikusqanrayku sinch'ita sayanqa.

Salmos 27:1

(1b) Tata Diosqa k'anchawajniy, qhespichiwajniytaj. Pimantataj manchachikusajri? Tata Diosqa kallpachawajniy, tukuy mana allin kajmanta jark'akuwajniy ima. Imajtintaj imatapis manchachikuyman kasqari?

Salmos 28:3

Ama millayta purejkunatawan khuskataqa qhatatiwaychu, nitaj millayta ruwajkunatawanpis. Paykuna manchay k'acha runaman rijch'akunku, sonqonkupitajrí mana allin yuyana junt'a kashan.

Salmos 29:11

Tata Diosqa ayllunmanpis kallpata qollantaj. Jinallataj Tata Dios sonqo tiyaykusqa kawsakuywan ayllunta saminchan.

Salmos 56:11

11 (12) Diosllapi atinikuni, manataj manchachikunichu. Wañoj runa imatataj ruwawayta atinmanri?

Salmos 56:3

3 (4) Chaywanpis manchachikuspaqa, qanllapi atinikuni.

Salmos 72:2

Payqa cheqan justiciata ruwaspa aylluykita kamachichun, jinallataj pisi tiyapuyniyojkunata yanapachun.

Salmos 72:7

Pay kamachishajtin, justiciaqa may jina kachun, sonqo tiyaykusqa kawsakuypis anchapuni kallachuntaj killa kanankama.

Salmos 85:10

10 (11) Munakuywan, cheqa kajwan tinkonqanku, cheqan kaywan, sonqo tiyaykusqa kaywantaj much'anakonqanku.

Salmos 91:5

Tutan mancharichikoj imakunamanta ama manchachikuychu, nitaj p'unchaypi kacharimusqa flechakunamantapis.

Proverbios 3:25

Kaymanta jinalla ñak'ariykuna chayaykamusojtenqa, mana manchachikunkichu, nillataj mana allinta ruwajkunapaj ñak'ariy jamojtinpis.

Isaías 12:2

Diosmin kacharichiwajneyqa. Payllapi noqa atinikuni, manaña ni imamanta manchachikusajchu. Tata Dios kallpachawajneyqa, payllamantapuni takisaj, imaraykuchus paylla atipanaypaj yanapawan.

Isaías 41:10

Chayrayku ama manchachikuychu, imaraykuchus noqa qanwanpuni kashani. Ama q'enaqakuychu, imaraykuchus noqa Diosniyki kani. Noqa kallpachasqayki, yanapasqaykitaj. Jinallataj justiciata ruwaj paña makiywan sayachillasqaykipuni.

Isaías 41:14

Jacob ayllu, khuritu jinalla kanki, qanqa Israel pisi runakunayoj kanki. Chaywanpis ama manchachikuychu, imaraykuchus noqamin yanapasqayki. Noqa Tata Dios pagowan kacharichisoj Dios kani, Israelpa May Llimphu Kaj Diosnintaj.

Isaías 54:13

Noqa tukuynin churiykikunaman yachachisaj, wawaykikunataj allin kawsaypipuni kawsanqanku.

Isaías 55:12

Qankunaqa kusisqa Babiloniamanta jaqaymanta llojsimunkichej, sonqo junt'asqataj kay jallp'aykichejman kutimpunkichej. Orqokuna, lomakunapis ñawpaqeykichejta maytapuni takirenqanku. Campopi tukuy sach'akunapis mayta t'ajllarikonqanku.

Isaías 57:19

Noqataj paykunata nisaj: Karupi kajkunapaj jinallataj qayllapi kajkunapaj allin kawsay kachun. Ajinata noqamin aylluyta qhaliyachisaj, nispa.

Isaías 9:6

6 (5) Uj qhari wawa paqaripuwanchejña, Diostaj uj qhari wawata qowanchej. Kamachinanpaj jatun ateyqa paywan kanqa. Paytataj sutichanqanku: May K'acha Yuyaychaj, Tukuy Atiyniyoj Dios, Wiñay Kawsayniyoj Tata, Allin Kawsayta Apamoj Kamachej ima.

Jeremías 1:8

Ama paykunamanta manchachikuychu, imaraykuchus noqa qanwan kashani yanapasunaypaj. Noqa Tata Diosmin chayta nini, nispa.

Lamentaciones 3:17

Sonqo tiyaykusqa kayqa noqamanta karunchakun, kusiy kawsaytapis manaña tarinichu.

Ezequiel 2:6

Qanrí, runaj churin, imata nisojtinkupis, paykunamanta ama manchachikuychu, khishka chawpipi jina tarikuspapis, chayrí atojsillukuna chawpipi jina kashaspapis. Amapuni paykunaj parlasqankumanta manchachikuychu, amataj paykunaj ñawpaqenkupi kharkaychu, imaraykuchus paykuna contraypi oqharikoj ayllu kanku.

Daniel (hebreo) 4:1

1 (3.31) Kuraj kamachej Nabucodonosor uj cartata qhelqachispa, tukuynin kamachisqan suyukunaman apacherqa. Kay jinata chay cartapi willarqa: Noqa kuraj kamachej Nabucodonosor tukuy suyukunapi tiyakojkunata napaykuykichej: Qankunapaj allin kawsay kachun, nispa.

Daniel (hebreo) 6:25

25 (26) Chantá kuraj kamachej Darío waj kamachisqata qhelqarqa, tukuy suyukunapi tiyakojkunaman, tukuy llajtakunaman, kay pachapi kaj imaymana parlayniyojkunaman ima kay jinata nichispa: Munani qankuna allin kawsaypi kawsakunaykichejta, tukuy imapitaj allin risunaykichejta.

Zacarías 6:13

Temployta jatarichejtinñataj, pay kuraj kamachej jina jatunchasqa kanqa. Chantá kamachinan tiyanaman tiyaykonqa, chay tiyananpa ladonpitaj sacerdote tiyanqa, iskayninkutaj allin kawsaypi kamachenqanku.

Números 6:26

Jinallataj Tata Diosqa khuyarikususqanta rikuchisuchun, sonqo tiyaykusqa kawsarikuytataj qosuchun, nispa.

San Mateo 10:26

Jesús nillarqataj: Chayrayku, ama runakunata manchachikuychejchu. Tukuy pakasqa kajpis, jinallataj mana sut'inchasqa kajpis sut'inchakonqapuni.

San Lucas 1:79

Pay jamun laqhapi tiyakojkunata, wañuypa llanthunpi kajkunatapis k'anchananpaj. Chantá puriyninchejta cheqanchaspa, allinpi kawsayta qowasunchej. Ajinata nispa, Zacariasqa Diosta jatuncharqa.

San Lucas 10:5

Mayqen wasiman chayakuspa, ñawpajta wasiyojkunata napaykuychej: Diosmanta sonqo tiyaykuy kay wasipi kachun, nispa.

San Lucas 12:4

Munasqa kawsaqeykuna, qankunaman niykichej: Ama manchachikuychejchu qankunata wañuchejkunata, imaraykuchus chaymanta astawanqa manaña imatapis ruwayta atisunkichejchu.

San Lucas 2:14

Janaj pachapi Dios jatunchasqa kachun, kay pachapitaj allinpi kawsay kachun, pikunawanchus Dios sonqo junt'asqa kashan, chaykunapaj, nispa.

San Juan 14:1

Chaymanta Jesús yachachisqankunata nerqa: Ama phutikuychejchu. Qankunaqa Diospi atinikuychej, noqapipis atinikullaychejtaj.

San Juan 16:33

Kay tukuyta niykichej, noqaman ujchasqa kaspa, sonqoykichej tiyaykusqa kanaykichejpaj. Kay pachapeqa llakiykunata, chantá pisipaj qhawasqa kayta ima ñak'arinkichej. Chaywanpis sonqoykichejpi kallpachakuychej, imaraykuchus noqaqa Diosman mana kutirikojkunaj tukuy yuyasqankuta atipaniña, nispa.

San Juan 20:19

Chay kikin semana qallariy p'unchay ch'isiyaykuytaña, Jesuspa yachachisqankuna uj wasipi tantasqa kasharqanku. Judiokunaj kurajninkukunata manchachikusqankurayku wasej punkun sumaj wisq'asqa kasharqa. Jinapi Jesús rikhuriytawan, chawpinkupi sayarqa, paykunatataj napaykorqa: Diospa sonqo tiyaykuynin qankunawan kachun, nispa.

San Juan 20:21

Chantá Jesús ujtawan paykunata nerqa: Diospa sonqo tiyaykuynin qankunawan kachun. Imaynatachus Tata Diosniy noqata kay pachaman kachamuwarqa, ajinallatataj qankunatapis kay pachapi tukuy runaman kachaykichej, nispa.

San Juan 20:26

Pusaj p'unchayninman Jesuspa yachachisqankuna ujtawan wasipi tantakorqanku. Tomaspis paykunawan kasharqa. Wasej punkun sumaj wisq'asqa kashajtin, Jesús ujtawan chawpinkupi rikhurispa, paykunata napaykorqa: Diospa sonqo tiyaykuynin qankunawan kachun, nispa.

Hechos 10:36

Uyarinkichejña Dios Israelpa mirayninman kay sumaj willayta willasqanta: Payqa runakunata paywan allinyachin Jesucristonejta, pichus Tukuyta Kamachej kashan, chaynejta.

Hechos 18:9

Uj tutarí Tukuyta Kamachej Jesús mosqoypi jina Pabloman rikhurispa, nerqa: Ama manchachikuspa, noqamanta wajkunaman willallaypuni, amataj ch'inyakuychu.

Romanos 1:7

Noqa kay cartata Roma llajtapi Diosta qhatejkunaman apachimuykichej. Qankunaqa Diospa munakusqan kankichej, Diospaj t'aqasqa kanaykichejpaj wajyasqataj. Kunantaj napaykuykichej: Tata Diosninchejpa, chantá Tukuyta Kamachej Jesucristojta qhasilla k'acha yanapayninku, sonqo tiyaykuyninku ima qankunawan kachun.

Romanos 15:13

Qankuna Diospi atinikusqaykichejrayku suyakuyniyoj kankichej. Chayrayku Diosmanta mañakuni tukuy kusiywan, sonqo tiyaykuywan ima sonqoykichejta junt'achinanta. Ajinamanta Santo Espiritunejta Diospi atinikuspa suyakusqaykichejqa astawan astawan kanqa.

Romanos 5:1

Noqanchej Diospi atinikusqanchejrayku cheqan runapaj qhawasqa kaspa, Tukuyta Kamachej Jesucristonejta Dioswan allinyachisqa kanchej.

Romanos 5:10

Diospa contranpiraj kashajtinchej, Dios kikin Churinpa wañuyninnejta paywan allinyachiwarqanchej. Jina chayqa, astawanraj ari Dioswan allinyachisqaña kaspa, Cristo kawsashasqanrayku qhespichisqapuni kasunchej.

Romanos 8:6

Ajinaqa, sichus juchallinaman aysasqa sonqoj munasqanwan apachikusunman chayqa, wañuyllata tarisunchej. Santo Espíritoj munasqanta ruwanapi yuyasun chayrí wiñay kawsayniyoj, chantá sonqo tiyaykusqa kasunchej.

1 Corintios 1:3

Tata Diosninchejmanta, jinataj Tukuyta Kamachej Jesucristomantawan qhasilla k'acha yanapayninku, sonqo tiyaykuyninku ima qankunawan kachun.

Gálatas 1:3

Tata Diosninchej, chantá Tukuyta Kamachej Jesucristo qhasilla k'acha yanapayninkuta, jinataj sonqo tiyaykuyninkuta ima qankunaman qosuchunku.

Gálatas 5:22

Cristota qhatej runapi Santo Espíritoj ruwasqanrí kaykuna kanku: Munakuyniyoj kay, kusikuyniyoj kay, sonqo tiyaykusqa kay, pacienciayoj kay, khuyakuyniyoj kay, k'acha kay, nisqanta junt'aj kay,

Gálatas 6:16

Jinapi noqa nini: Kay kamachisqaman jina tukuy purejkunamanqa sonqo tiyaykuy, khuyakuytaj kachun, pikunachus cheqapuni Diospa ayllun kanku, chaykunaman, nispa.

Filipenses 4:7

Ajinamanta Dios chay mana unanchay atina sonqo tiyaykuyninta qosonqachej, chaytaj Cristo Jesusnejta sonqoykichejta, yuyayniykichejtawan waqaychanqa.

Colosenses 1:2

kay cartata qhelqaspa apachimuni, Colosas llajtapi pikunachus Cristopi atinikojkuna kanku, chaykunaman. Qankunaqa Diospaj t'aqasqa kasqaykichejrayku paypaj manchay munasqa kankichej. Chayrayku Tata Diosninchejpa qhasilla k'acha yanapaynin, sonqo tiyaykuynintaj qankunawan kachun.

Colosenses 1:20

Tata Dios munallarqataj Churinnejta tukuy kaj chhika, janaj pachapi kaj, jinataj kay pachapi kaj ima paywan allinyachisqa kananta. Payllataj ajina kananpaj tukuy imata ruwarqa, Churin cruzpi wañuspa yawar jich'asqanrayku.

Colosenses 3:15

Chantá Cristomanta jamoj sonqo tiyaykuy sonqoykichejpi kamachispa nichun imatachus ruwanaykichejta, imaraykuchus uj ukhullaman churasqa kankichej. Chayrayku tukuywan allinpi kawsakunaykichejpaj wajyasqa kankichej. Jinallataj Diosta pachis nillaychejpuni.

2 Tesalonicenses 1:2

Tata Diosninchejmanta, chantá Tukuyta Kamachej Jesucristonchejmantawan sonqo tiyaykuyninku, jinataj qhasilla k'acha yanapayninku ima qankunawan kachun.

2 Tesalonicenses 3:16

Sonqo tiyaykuyta qoj Tukuyta Kamachej Jesús qankunaman sonqo tiyaykuyta tukuy p'unchay qosuchun. Tukuyta Kamachej Jesustaj qankunawan kachun.

2 Timoteo 1:7

Ajinata niyki, imaraykuchus Diosqa mana manchachikoj sonqotachu qowarqanchej, manachayqa Espíritun atiyta qowanchej, wajkunata munakunapaj kallpata, sonqonchejpa munasqanwan mana apaykachachikuyta ima.

Hebreos 13:20

Sonqo tiyaykusqa kawsakuyta qoj Diosqa ovejakunaj jatun Michejnin Jesucristota wañusqamanta kawsaricherqa, jinataj paypa yawar jich'asqanwan noqanchejwan wiñaypaj tratota ruwarqa.

Hebreos 7:2

Jinataj Abrahamqa kuraj kamachejkunawan maqanakuspa qhechusqanmanta sapa chunkamanta ujta Melquisedecman qorqa. Melquisedec chay suti niyta munan: Cheqan Kajta Ruwaj Kuraj Kamachej. Jinallataj ujnin sutin Salenpa Kuraj Kamachejnin, niyta munan: Sonqo Tiyaykusqa Kaypa Kuraj Kamachejnin.

Apocalipsis 1:4

Noqa Juan kayta Asiapi kaj qanchis iglesiakunaman qhelqamuykichej: Wiñaypaj kawsaj Dios wiñaymantapacha karqapuni, paytaj uj p'unchay ujtawan jamunan kashan. Pay, jinataj Tukuyta Kamachej Jesucristo, chantá kamachinan tiyanaj ñawpaqenpi qanchis jinamanta rejsichikoj Santo Espíritu ima qankunaman qhasilla k'acha yanapayninta, sonqo tiyaykuytataj qochun.

Apocalipsis 2:10

Chaywanpis imatachus ñak'arinaykimanta ama manchachikuychu, imaraykuchus Kuraj Supay qankunamanta wakinta wisq'achenqa, cheqatapunichus noqapi atinikusqaykichejta yachananpaj. Chaypacha, chunka p'unchayta ñak'arichisqa kankichej. Qanrí wañunaykikama kasuwaspallapuni puriy, noqataj wiñay kawsayta t'inkata jina qosqayki.

Apocalipsis 21:8

Manchalikunarí, Diospi mana atinikuyta munajkuna, millay kajkuna, runa wañuchejkuna, khuchichakojkuna, layqakuna, lanti yupaychajkuna, chantá tukuy llullakojkuna ima azufrewan lawrashaj nina qochaman wijch'uykusqa kanqanku. Chaymá iskay kaj wañoyqa.