San Juan 14:26 - DIOSPA QHELQACHISQAN DEUTEROCANONICAL

²⁶ Chaywanpis sonqochaj Santo Espíritu, pitachus sutiypi Tata Dios kachamonqa, chaymin tukuy imata yachachisonqachej, yuyarichisonqachejtaj tukuy imatachus qankunaman nisqayta.

Qheshwa Biblia DC

²⁶ Sonqochaj Santo Espiritutaj, pitachus sutiypi Dios Tata kachamonqa; pay tukuy imata yachachisonqachej, yuyarichisonqachej taj tukuy ima nisqayta.

DIOSPA QHELQACHISQ

²⁶ Chaywanpis sonqochaj Santo Espíritu, pitachus sutiypi Tata Dios kachamonqa, chaymin tukuy imata yachachisonqachej, yuyarichisonqachejtaj tukuy imatachus qankunaman nisqayta.

Quechua South Bolivia: Dios Parlapawanchej

²⁶ Chay Yanapaj Santo Espiritutarí Tatay sutiypi cachamonka. Paymin mosoj causayniyquichejpi tucuy imata yachachisonkachej. Noka nerkayquichej, tucuy chay niskasniyta yuyarichisonkachejtaj.

San Juan 14:26 ပူးပေါင်းရင်းမြစ်များ

Salmos 51:11

11 (13) Ñawpaqeykimanta ama wijch'uwaychu, amataj Santo Espirituykita qhechuwaychu.

Isaías 54:13

Noqa tukuynin churiykikunaman yachachisaj, wawaykikunataj allin kawsaypipuni kawsanqanku.

Isaías 63:10

Chaywanpis paykuna mana kasukuspa, May Llimphu Espiritunta phiñacherqanku. Chayrayku Diosmin paykunaj awqankuman tukuspa, contrankuta maqanakorqa.

San Mateo 1:18

Jesucristoj paqarikusqan kay jina karqa: María mamanqa mañaqasqa karqa Josewan casarakunanpaj. Chaywanpis manaraj khuska tiyakushajtinku, Mariaqa wijsallisqa rikhurerqa Santo Espíritoj atiyninwan.

San Mateo 1:20

Joseqa Mariata saqerpayayta yuyashajtintaj, Diospa angelnin payman mosqoypi rikhurispa, nerqa: José, Davidpa ayllunmanta kaj, Mariawan casarakullay, amataj p'enqakuychu, imaraykuchus pay wijsallisqa kashan Santo Espíritoj atiyninnejta.

San Mateo 28:19

Chayrayku qankuna rispa, tukuy suyupi runakunata yachachisqayman tukuchimuychej. Paykunatataj Tata Diospa, Churej, chantá Santo Espíritoj sutinpi bautizaychej.

San Mateo 3:11

Noqaqa yakuwan bautizaykichej, Diosman kutirikusqaykichejmanta yachayta qospa. Qhepayta jamojrí noqamanta aswan atiyniyoj, noqataj mana paypa wata runan kanaypaj jinallapischu kani. Payqa Santo Espirituwan, ninawan ima bautizasonqachej.

Marcos 12:36

Kikin Davidqa Santo Espiritunejta nerqa: Tata Diosqa Tukuyta Kamachejniyta nerqa: Kay pañaynejpi tiyarikuy, awqaykikunata chakiyki uraman churanaykama, nispa.

Marcos 13:11

Maypachachus atiyniyoj kamachejkunaman apasonqachej chaypacha, ama llakikuychejchu imatachus ninaykichejmantaqa. Aswanpis, imatachus Dios yuyaychasonqachej, chayllata parlaychej, imaraykuchus manamin qankunachu parlankichej, manachayqa Santo Espiritumin qankunanejta parlanqa.

San Lucas 1:15

imaraykuchus pay jatunpaj qhawasqa kanqa Tukuyta Kamachej Diospa ñawpaqenpi. Mana vinota, nitaj ima machachej ujyanata ujyanqachu. Chantá mamanpa wijsanmantapacha Santo Espíritoj kamachiyninpi kanqa.

San Lucas 1:35

Angeltaj kuticherqa: Santo Espíritu qanman jamonqa, Diospa atiynintaj llanthuykusonqa. Chayrayku paqarichikunki, chay wawaqa Diospaj t'aqasqa kanqa, Diospa Churin sutichasqataj.

San Lucas 1:41

Jinapi Mariajpa napaykusqanta Elisabet uyarejtin, wawaqa Elisabetpa wijsan ukhupi kuyurerqa. Elisabettaj Santo Espíritoj kamachiyninpi rikhurerqa.

San Lucas 1:67

Chaypacha Juanpa tatan Zacariasqa Santo Espíritoj kamachiyninpi rikhurispa, kay jinata sut'incharqa:

San Lucas 11:13

Qankunachus mana allin runakuna kashaspa, allin kajta wawaykichejman qoyta yachankichej chayqa, astawanraj janaj pachapi kaj Tataykichejqa mañakojkunaman Santo Espirituta qonqa, nispa.

San Lucas 2:25

Chaypacha Jerusalenpi uj runa Simeón sutiyoj tiyakorqa. Pay cheqanta ruwaj runa karqa, Diostataj may jatun respetowan qhawarqa. Chayrayku pay suyasharqa Dios Israelta qhespichinanta. Santo Espíritoj kamachiyninpipis kallarqataj.

San Lucas 24:49

Noqataj, Tata Diosniy pitachus kachamusunaykichejta nerqa, chayta kachamusqaykichej. Chaykamarí, Jerusalén llajtapi qhepakuychej, janaj pachamanta atiywan kallpachasqa kanaykichejkama, nispa.

San Lucas 3:22

Jinapitaj Santo Espíritu urpi jina paypa patanman urayk'amorqa, janaj pachamantataj Dios nimorqa: Qanmin munasqa Churiy kanki, qanwantaj sonqo junt'asqa kani, nispa.

San Juan 1:33

Noqa manaraj payta rejsishajtiy, pichus yakuwan bautizajta kachamuwaj niwarqa: Pimanchus Santo Espíritu urayk'amuspa tiyaykojta rikunki, chaymá Santo Espirituwan runakunata bautizanqa, nispa.

San Juan 12:16

Jesuspa yachachisqankuna chaypacha imachus kashasqanta mana entienderqankuchu. Aswan qhepamanrí, maypachachus Jesús janaj pachaman kutiporqa chaypacha, yuyarikorqanku Jesusta imachus qhatirisqanqa Diospa Qhelqachisqanman jina kasqanta.

San Juan 14:16

Noqataj Tata Diosmanta mañasaj waj Sonqochajta kachamunanta, paytaj wiñaypaj qankunawan kanqa.

San Juan 14:25

Qankunawan kashaspa, kay jinamanta nishaykichej.

San Juan 15:26

Noqarí qankunaman Sonqochajta kachamusaj, chay Santo Espiritutaj Tataymanta jamuspa, cheqa kajmanta yachachisonqachej. Maypachachus Santo Espíritu Tata Diosmanta jamonqa chaypacha, pay noqamantamin willanqa.

San Juan 16:7

Noqarí sut'ita niykichej: Noqa ripunayqa qankunapaj aswan allin kanqa, imaraykuchus mana ripuymanchu chayqa, Sonqochaj Santo Espíritu mana qankunaman jamunmanchu. Ripusajchus chayrí, payta kachamusqaykichej.

San Juan 2:22

Chayrayku yachachisqankuna Jesuspa nisqanta yuyarikorqanku, maypachachus Jesús wañusqamanta kawsarimporqa, chaypacha. Chantá Diospa Qhelqachisqanpi imatachus nisqanta jap'ikorqanku, jinallataj Jesuspa nisqantapis.

San Juan 20:22

Chayta niytawan, paykunaman phukuspa, nillarqataj: Santo Espirituta jap'iychej.

San Juan 6:45

Diosmanta sut'inchajkunaj qhelqasqankupi nin: Diosqa tukuyninkuman yachachenqa, nispa. Ajinaqa pikunachus Tata Diosta uyarispa yachaqakunku, chaykuna noqaman jamunku.

San Juan 7:39

Chayta nispa, Jesús paypi atinikojkunamanta parlasharqa, pikunamanchus Dios Santo Espirituta qonan karqa, chaykunamanta. Chaywanpis Santo Espíritu manaraj jamusqachu, imajtinchus Jesús manaraj janaj pachaman kutipusqachu.

Hechos 1:2

janaj pachaman riporqa, chay p'unchaykama. Chaywanpis Jesús manaraj janaj pachaman ripushaspa, Santo Espiritunejta kamacherqa ajllasqan kuraj kachankuna imatachus ruwanankuta.

Hechos 1:4

Ajina kuraj kachankunawan tantasqa kashaspa, Jesús paykunata kamacherqa: Jerusalén llajtamanta amaraj ripuychejchu, manachayqa suyaychej Tata Diospa nisqan junt'akunanta, mayqenmantachus noqa willarqaykichej, chayta.

Hechos 1:8

Manachayqa Santo Espíritu qankunaman jamuspa, pay atiyta qosonqachej. Chantá rispa, qankuna noqamanta testigo jina willankichej Jerusalenpi, tukuy Judea jap'iypi, Samariapi, jinallataj tukuy kay pachaj k'uchunkama, nispa.

Hechos 11:16

Chaypachataj Tukuyta Kamachej Jesuspa kay nisqanmanta yuyarikorqani: Juanqa yakuwan bautizarqa, qankunatajrí Santo Espirituwan bautizasqa kankichej, nispa.

Hechos 13:2

Uj p'unchay ayunaspa Diosta yupaychashajtinku, Santo Espíritu paykunata nerqa: Bernabeta, Saulotawan t'aqapuwaychej, imapajchus ajllakuni, chayta ruwamunankupaj, nispa.

Hechos 13:4

Chantá Bernabewan, Saulowan Santo Espíritoj kamachisqanta kasuspa, Seleuciaman rerqanku. Chaymantataj botepi rispa, Chipre churuman chayarqanku.

Hechos 15:28

Santo Espirituman, noqaykumanpis kayqa allin rijch'awayku: Noqaykoqa Moisespa kamachisqantaqa mana llasa q'epita jina qankunaman q'epirichiyta munaykuchu. Manachayqa kayllata junt'anaykichejta munayku:

Hechos 15:8

Diosqa tukuy runaj sonqonkuta rejsin, paytaj yachayta qorqa mana judío kajkunatapis allinpaj qhawasqanta, imaraykuchus Santo Espirituta paykunamanpis qorqa, imaynatachus ñawpajta noqanchejman qowarqanchej, ajinata.

Hechos 16:6

Pablowan, Silaswan, Timoteowan ima chay qhepata Frigianta, Galacianta rishajtinku, Santo Espíritu paykunata jark'arqa ama Asia suyupi Jesusmanta sumaj willayta willanankupaj.

Hechos 2:33

Chaymantataj Diosqa Jesusta pañanman tiyaykucherqa. Payllataj Santo Espirituta Jesusman qorqa. Kunantaj Jesús Santo Espirituta kachamun, imaynatachus kunan rikushankichej, uyarishankichej, ajinata.

Hechos 2:4

Tukuyninkutaj Santo Espíritoj kamachiyninpi rikhurerqanku. Jinapitaj waj parlaykunapi parlayta qallarerqanku, Santo Espíritu atiyta qosqanman jina.

Hechos 20:28

Chayrayku qankuna Dioswan imaynatachus purisqaykichejta qhawakuychej. Jinallataj tukuy wawqe panakunatapis michillaychejtaj, imaraykuchus Santo Espíritu qankunata churasorqachej paykunata qhawanaykichejpaj, Diospa Iglesianta michinaykichejpaj ima, mayqentachus Jesucristo kikin yawarninwan rantikorqa, chayta.

Hechos 20:35

Ajinata ruwaspa, yachacherqaykichej llank'asqanchejwan pisichikojkunata yanapana kasqanta. Jinapi Tukuyta Kamachej Jesuspa nisqanmanta yuyarikuna: Wajmanta imatapis qorichikuspaqa kusikunchej. Wajman imatapis qosparí, astawanraj kusikunchej, nispa.

Hechos 28:25

Paykunapura mana uj yuyaylla kaspataj, chay judiokuna ripunankupaj wakichikorqanku. Pablorí paykunata nerqa: Santo Espiritoqa sut'inchaj Isaiasnejta ñawpa tatanchejkunaman nerqa:

Hechos 5:3

Jinapi Pedro payta nerqa: Ananías, imaraykutaj Supay Satanasta sonqoykipi kasunki? Qanqa Santo Espirituta q'otiyayta munaspa vendesqayki qolqemanta wakinta pakaykorqanki.

Hechos 7:51

Esteban nillarqataj: Qankunarí Diosta mana kasukoj rumi sonqo, mana uyarej kankichej. Chayrayku qankunapis ñawpa tatanchejkuna jina Santo Espirituta mana uyariyta munankichejchu.

Hechos 7:55

Estebanrí Santo Espíritoj kamachiyninpi kashaspa, patata qhawarerqa, chantá Diospa jatun kayninpa lliphipiyninta rikorqa. Jesustapis Diospa pañanpi sayashajta rikullarqataj.

Romanos 14:17

Diospa kamachiyninmanta parlaspaqa, mana mikhunamantachu nitaj ujyanamantachu parlashanchej, manachayqa cheqanta ruwaspa kawsanamanta, sonqo tiyaykuymanta, chantá kusikuymanta ima. Chayta Santo Espiritunejta ruwayta atisunchej.

Romanos 15:13

Qankuna Diospi atinikusqaykichejrayku suyakuyniyoj kankichej. Chayrayku Diosmanta mañakuni tukuy kusiywan, sonqo tiyaykuywan ima sonqoykichejta junt'achinanta. Ajinamanta Santo Espiritunejta Diospi atinikuspa suyakusqaykichejqa astawan astawan kanqa.

Romanos 15:16

Jesucristoj kamachin jina, paymanta sumaj willayta mana judío kajkunaman willaranaypaj. Ajinamanta paykuna Santo Espiritunejta sumaj jaywana jina Diospaj t'aqasqa kanqanku.

Romanos 5:5

Diospi suyakuspataj, mana q'otiyasqachu kasunchej, imaraykuchus Dios Santo Espiritunejta munakuyninta sonqonchejman junt'achin, pitachus pay qowarqanchej, chaynejta.

1 Corintios 12:3

Chayrayku kayta yachanaykichejta munani: Mana pipis Diospa Espiritunnejta parlajqa ninmanchu: Jesús maldicisqa kachun, nispa. Nillataj pipis niyta atinchu: Jesusqa Tukuyta Kamachejmin, nispa, manachus Santo Espíritoj yanapasqan kanman chayqa.

1 Corintios 6:19

Manachu yachankichej ukhuykichejqa Santo Espíritoj templon kasqanta? Payqa qankunapi tiyakun. Diosmin Santo Espiritunta qosunkichej, chayraykutaj ukhuykichejqa manaña qankunajtachu.

2 Corintios 13:14

Tukuyta Kamachej Jesucristoj qhasilla k'acha yanapaynin, Tata Diospa munakuynin, chantá Santo Espiritumanta jamoj k'acha kawsakuy ima tukuy qankunawan kachun. Ajina kachun.

2 Corintios 6:6

Chaywanpis noqaykoqa Diospa sumaj kamachinkuna kasqaykumanta yachayta qoyku llimphu kawsayniyoj kaspa, yachayniyoj kaspa, llamp'u sonqo kaspa, chantá k'acha kaspa ima. Ajinata ruwayku Santo Espíritoj kamachiyninpi kaspa, ch'uwa sonqo munakuywan ima.

Efesios 1:13

Qankuna mana judío kajkunapis Dios qhespichinanmanta sumaj willayta uyarerqankichej, chay willaytaj cheqa willaymin. Maypachachus Cristopi atinikorqankichej chaypacha, Diosqa paypata kasqaykichejmanta yachayta qospa, Santo Espirituwan sellasorqachej, pitachus ñawpajta qonanta nerqa, chaywan.

Efesios 1:17

Mañapuykichej Tukuyta Kamachejninchej Jesucristoj Diosnin, atiyniyoj Tataqa Santo Espiritunejta yachayta, yuyayta ima qosunaykichejta, ajinamanta Dios imaynachus kasqanta maychus kajta yachanaykichejpaj.

Efesios 4:30

Imaynachus purisqaykichejwan Diospa Santo Espiritunta ama llakichiychejchu, imaraykuchus paywan sellasqa kankichej jaqay jamoj p'unchaypi wiñay kawsaypaj kacharichisqa kanaykichejkama.

1 Tesalonicenses 4:8

Ajinaqa, pichus kay yachachisqaykuta pisipaj qhawajqa mana runatachu pisipaj qhawan, manachayqa Diosta, pichus Santo Espirituta qowarqanchej, chayta.

2 Timoteo 1:14

Jinallataj qanman qosqa karqa, chay cheqan yachachiyta allinta qhaway Santo Espíritoj atiyninnejta, pichus noqanchejpi tiyakun, chaynejta.

Tito 3:5

Pay qhespichiwarqanchej mana noqanchej ima allinta ruwasqanchejraykuchu, astawanqa khuyakuwasqanchejraykulla. Chantá Santo Espiritunejta juchanchejmanta mayllawarqanchej, watej paqarichispataj, mosoj kawsayta qowarqanchej.

Hebreos 10:15

Chayllamantataj Santo Espiritupis rikoj jina willan, imajtinchus nin:

Hebreos 2:4

Jinallataj Tata Diospis chay willawasqanchejta cheqa kasqanta rikucherqa runaj mana jayk'aj rikusqanta ruwaspa, chantá jatun atiyninwan waj t'ukuna imakunata ruwaspa ima. Jinallataj Santo Espiritunejta ruwanapaj atiykunata qospa, chaykunatapis munasqanman jina rak'irarqa.

Hebreos 3:7

Chayrayku Santo Espíritu nin: Kunan p'unchaychus parlasqanta uyariwajchej chayqa,

Hebreos 9:8

Chaywan Santo Espíritu yachachisharqa Diosllapaj T'aqasqa Cheqaman yaykuna manaraj kicharisqachu kasqanta runakuna yaykunankupaj. Chaytaj ajina karqa Dioswan Tinkukuna ñawpaj kaj Toldo kashanankama.

1 Pedro 1:12

Diosrí sut'incharqa chay tukoyqa mana paykunapajchu kasqanta, manachayqa qankunapaj. Kunantaj Jesucristomanta sumaj willayta willajkuna chaymanta parlasorqachej, janaj pachamanta kachamusqa Santo Espíritoj atiyninwan. Chay jina t'ukuna imakunata angelkunapis maytapuni rikuyta munallankutaj.

2 Pedro 1:21

imaraykuchus Diosmanta sut'inchajkuna mana jayk'ajpis runaj munasqanman jinachu sut'incharqanku. Manachayqa Santo Espiritumin Diosmanta sut'inchajkunata yuyaycharqa, paykunataj Diospa sutinpi parlarqanku.

1 Juan 2:20

Aswanpis Cristoqa Santo Espiritunejta qankunata paypaj t'aqasorqachej, tukuyniykichejtaj cheqa kajta yachankichej.

1 Juan 2:27

Qankunamanrí Diosqa Santo Espirituta qosorqachej, paytaj qankunapi tiyakushan. Chayrayku mana pejpa yachachinanrajchu kanaykichej tiyan, manachayqa Santo Espíritu tukuy imata yachachisunkichej. Paypa yachachisqanqa cheqanmin, manataj llullachu. Chayrayku qankunaqa Cristowan allinpipuni kawsakuychej, imaynatachá Santo Espíritu yachachisorqachej, ajinata.

1 Juan 5:7

Jinapuni kasqanta sut'inchajkunaqa kinsa kanku:

Judas 1:20

Qankunarí munasqa wawqe panakuna, Diospi sinch'ita atinikuyniykichejpi wiñaychej. Dioswan parlarikuspaqa, Santo Espíritu imatachus yuyaychasonqachej, chayta parlaychej.

Apocalipsis 2:11

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun. Pikunachus atipajkunaqa manapuni wiñaypaj Diosmanta karunchasqachu kanqanku.