San Juan 12:48 - DIOSPA QHELQACHISQAN DEUTEROCANONICAL

⁴⁸ Pichus noqata pisipaj qhawawaspa parlasqayta mana kasojtaqa juchachajmin tiyan. Cheqa kajta parlasqaymin kay pachaj tukukuynin p'unchaypi payta juchachanqa.

Qheshwa Biblia DC

⁴⁸ Pichus noqata qhesachawan, parlasqasniytataj mana jap'ikunchu chayqa, tiyan payta juchachaj; parlarqani chay palabraytaj tukukuy p'unchaypi payta juchachanqa.

DIOSPA QHELQACHISQ

⁴⁸ Pichus noqata pisipaj qhawawaspa parlasqayta mana kasojtaqa juchachajmin tiyan. Cheqa kajta parlasqaymin kay pachaj tukukuynin p'unchaypi payta juchachanqa.

Quechua South Bolivia: Dios Parlapawanchej

⁴⁸ Pillapis nokata khesachawaspa niskasniyta mana jap'ejka juchachaska canka. Chay niskay payta khepa p'unchaypi juchachanka.

San Juan 12:48 ပူးပေါင်းရင်းမြစ်များ

Isaías 53:3

Runakuna payta qhesachanqanku, pisipajtaj qhawanqanku. Payqa imaymana nanaywan ñit'isqa kanqa, jinataj ñak'ariypi, llakiypi ima yachasqa kanqa. Payta wasanchaspa, wajnejta qhawasunchej. Payta qhesachasun manataj munakuywan qhawasunchu.

San Mateo 10:15

Noqataj sut'ita niykichej: Juicio p'unchaypeqa chay llajtayojkunapaj aswan ñak'ariy kanqa, Sodomapi, Gomorrapi tiyakojkunamanta nisqaqa, astawanraj, nispa.

San Mateo 21:42

Chantá Jesús nerqa: Manachu jayk'ajpis Diospa Qhelqachisqanpi kayta ñawirerqankichej? Ajinata nin: Wasi ruwajkunaj qhesachasqanku rumeqa cimiento esquinapaj sumaj rumiman tukupun. Chayqa Tukuyta Kamachej Diospa ruwasqanmin, noqanchejtaj t'ukuspa qhawanchej, nispa.

San Mateo 25:31

Maypachachus Runaj Churin kuraj kamachej jina jatun kayninpa lliphipiyninpi, tukuy angelninkuwan jamonqa chaypacha, lliphipej kamachinan tiyanapi tiyaykukonqa.

Marcos 12:10

Manachu kayta Diospa Qhelqachisqanpi ñawirerqankichej? Ajinata nin: Wasi ruwajkunaj qhesachasqanku rumeqa cimiento esquinapaj sumaj rumiman tukupun.

Marcos 16:16

Pichus noqapi atinikojqa, chantá bautizachikojtaj, qhespichisqa kanqa. Noqapi mana atinikojrí wiñaypaj juchachasqa kanqa.

Marcos 8:31

Chaymanta Jesusqa yachachisqankunaman kay jinata yachachiyta qallarerqa: Noqa Runaj Churenqa maytapuni ñak'arisaj. Jinallataj kurajkuna, kuraj sacerdotekuna, Diospa kamachisqanmanta yachachejkuna ima qhesachawanqanku, wañuchiwanqankutaj. Chaywanpis kinsa p'unchaymanta kawsarimpusaj, nispa.

San Lucas 10:16

Yachachisqankunatatajrí Jesús nerqa: Pichus qankunata uyarejqa noqata uyariwan, pitajchus qankunata qhesachajqa noqata qhesachawan. Noqata qhesachawajrí, Diostapis qhesachallantaj, nispa.

San Lucas 17:25

Chaywanpis ñawpajtaqa Runaj Churin anchataraj ñak'arinan kanqa, kay tiempopi kawsajkunataj payta qhesachanqanku.

San Lucas 20:17

Jesustajrí paykunata qhawarispa, nerqa: Chantá Diospa kay qhelqachisqan ima niytataj munan: Wasi ruwajkunaj qhesachasqanku rumeqa cimiento esquinapaj sumaj rumiman tukupun, nispa?

San Lucas 7:30

Chaywanpis fariseokuna, Diospa kamachisqanmanta yachachejkuna ima, imatachus Dios paykunapaj munasqanta qhesacharqanku, imaraykuchus mana Juanwan bautizachikusqankuchu.

San Lucas 9:22

Jesús nillarqataj: Noqa Runaj Churenqa maytapuni ñak'arisaj. Jinallataj kurajkuna, kuraj sacerdotekuna, Diospa kamachisqanmanta yachachejkuna ima qhesachawanqanku. Chantá wañuchiwanqanku. Chaywanpis kinsa p'unchaymanta kawsarimpusaj, nispa.

San Lucas 9:26

Sichus pipis noqamanta, chantá nisqaymantawan ima p'enqakun chayqa, Runaj Churinpis paymanta p'enqakullanqataj. Ajinata ruwanqa, maypachachus jatun kayninpa lliphipiyninpi kutimonqa, chantá Tatanpa jatun kayninpa lliphipiyninwan, ajllasqa angelkunaj lliphipiyninkuwan ima, chaypacha.

San Juan 11:24

Martataj nerqa: Arí, kay pachaj tukukunan p'unchaypi kawsarimunanta yachani, mayk'ajchus wañusqakuna watejmanta kawsarimonqanku, chaypacha, nispa.

San Juan 5:45

Ama yuyaychejchu noqa Tataypa ñawpaqenpi qankunata juchachanayta. Qankunata juchachajqa wajmin, chaytaj Moisés. Qankunataj paypi atinikuspa, qhespichisqa kayta suyashankichej.

San Juan 6:39

Kachamuwaj Tata Diosqa munan tukuy qowasqan runakunamanta mana ujllatapis chinkachinayta. Pay munallantaj kay pachaj tukukuynin p'unchaypi noqa paykunata wañusqamanta kawsarichinayta.

San Juan 8:47

Diospata kajkunaqa paypa nisqanta tukuy sonqo uyarinku. Qankunatajrí mana uyariyta munankichejchu, imaraykuchus mana Diospa wawanchu kankichej, nispa.

Hechos 17:31

Chayqa ajina, imaraykuchus Dios uj p'unchayta wakichinña, chay p'unchaypitaj cheqa kayninman jina tukuy runata juzganqa kachamusqan runanejta. Diostaj sut'ita yachayta qon pichus chay runa kasqanta, chay runata wañusqamanta kawsarichimuspa, nispa. Ajinata Pabloqa juntapi kajkunaman nerqa.

Hechos 3:23

Pillapis Diosmanta chay sut'inchajpa nisqanta mana kasojrí Diospa ayllunmanta wijch'usqa kanqa, nispa.

Romanos 2:16

Chay jinaqa Jesucristomanta sumaj willayta willasqay yachachin Diospa juzganan p'unchay qayllamushasqanta. Chaypachataj Diosqa tukuy runakuna pakaypi ruwasqankuta Jesucristonejta juzganqa.

2 Corintios 4:3

Sichus Jesusmanta willasqayku, chay sumaj willay velowan jina pakasqallaraj kashan chayqa, chinkay ñanpi kajkunallapaj pakasqa kashan.

2 Tesalonicenses 1:8

Payqa Diosman mana kutirikojkunata, jinataj Tukuyta Kamachej Jesusmanta sumaj willayta mana jap'ikojkunata jasut'enqa.

Hebreos 10:25

Amallataj sayk'uychejchu Diosta yupaychanapaj tantakuyman riyta, imaynatachus wakin riyta saqerparinku, jinataqa. Manachayqa ujkuna ujkuna sonqonchejta oqharinakuna, astawanqa Tukuyta Kamachej Jesuspa kutimunan p'unchay qayllamushasqanrayku.

Hebreos 12:25

Chayrayku allinta qhawakuychej, ama pichus parlawanchej, chayta qhesachanamanta. Sichus israelitakuna Moisespa parlasqanta mana uyariyta munasqankurayku jasut'isqapuni karqanku chayqa, imaynatataj noqanchej llusp'isunman sichus janaj pachamanta parlamojta qhesachasunman chayri?

Hebreos 2:3

Ajina kajtenqa, sichus noqanchejman kunan Dios qoshawanchej, chay jina ashkha valorniyoj qhespichiyta pisipaj qhawasunman chayqa, imaynatataj jasut'iyninmanta llusp'isunmanri? Chay qhespichiymanta Tukuyta Kamachej Jesús ñawpajta willarqa, payta uyarejkunataj chay willasqan cheqapuni kasqanta willallawarqanchejtaj.

Hebreos 4:12

Diospa simi nisqanqa kawsayniyoj, atiyniyojtaj, puraj filoyoj espadamantapis aswan filochasqa. Ajinaqa Diospa simi nisqan runaj sonqon ukhukamapuni chayan. Jinallataj runaj yuyasqanta, sonqonpi imatachus munasqantapis sut'ita sut'inchan, allinchus manachus kasqanta.

1 Pedro 1:5

Diospi atinikusqaykichejrayku qankunapis Diospa atiyninwan waqaychasqallataj kankichej, tukuy imamanta qhespichisqa kanata jap'inaykichejkama. Chayqa qhepanejman rikuchisqa kananpaj wakichisqa kashan.

2 Pedro 3:3

Ñawpajta kayta yachaychej: Qhepanejman cheqa kajmanta alqorakojkuna rikhurimonqanku, paykunataj sonqonkoj millay ruwayta munasqanman jina purenqanku.

2 Pedro 3:7

Kunan kashaj janajpis, kay pachapisrí Diospa nisqannejta ninapi q'olachisqa kanankupaj waqaychasqa kashanku Diospa juzganan p'unchaykama. Chaypachallataj Diosqa paywan churanakojkunata juzgaspa, chinkarparichenqa.

1 Samuel 10:19

Kunantajrí noqa Diosniykichejta manakajpaj qhawankichej. Kamachinasuykichejpaj kuraj kamachejta mañakuspa, tukuy imaymana llakiykunapi yanapasoj Diosta qhesachawankichej. Chayrayku kunanqa ñawpaqeyman qayllamuychej, sapa jatun ayllu, jinataj sapa wasi ayllu ima, nispa.

1 Samuel 8:7

Tata Diostajrí kay jinata kuticherqa: Israelitakuna imatachus mañakusqankuta uyarillay. Manamin qantachu qhesachashasunku, manachayqa noqatamin, ama paykunata kamachinaypaj.