San Juan 12:43 - DIOSPA QHELQACHISQAN DEUTEROCANONICAL

⁴³ Paykunaqa runallaman allin rijch'ayta munarqanku, manataj Diosmanqa.

Qheshwa Biblia DC

⁴³ Runasllaman allin rijch'ayta munarqanku; manataj Diosmanqa.

DIOSPA QHELQACHISQ

⁴³ Paykunaqa runallaman allin rijch'ayta munarqanku, manataj Diosmanqa.

Quechua South Bolivia: Dios Parlapawanchej

⁴³ Paycunaka astawan munarkancu runas paycunata sumajpaj khawanancuta Diosmanta niskaka.

San Juan 12:43 ပူးပေါင်းရင်းမြစ်များ

Salmos 22:29

29 (30) Kay pachapi tukuy atiyniyojkuna payta yupaychanqanku. Tukuy wañojkunapis paypa ñawpaqenpi k'umuykullanqankutaj, imaraykuchus paykuna jallp'aman tukoj runalla kanku.

Proverbios 29:25

Runa masita manchachikoyqa tojlla jina. Chaywanpis Tata Diospi atinikojrí mana ni imamanta manchachikuspa purenqa.

San Mateo 6:2

Chayrayku qolqeta wajchakunaman qospaqa, ama tukuyman willaychejchu, imaynatachus puraj uya runakuna ruwanku tantakuna wasikunapi, callekunapi ima, ajinata. Paykunaqa runakunawan allinpaj qhawasqa kanallankupaj chayta ruwanku. Noqatajrí kayta sut'ita niykichej: Paykuna ajinata ruwaspa, chayllata t'inkata jina jap'enqanku.

San Lucas 16:15

Chayrayku Jesús paykunatañataj nerqa: Qankuna runa masiykichejpa ñawpaqenpi cheqan runaman tukunkichej. Chaywanpis Dios sonqoykichejta sumajta rejsin. Ajinaqa imatachus runakuna maypaj qhawanku, chayta Dios millaypaj qhawan, nispa.

San Lucas 19:17

Kuraj kamachejtaj kutichisqa: Walejpacha, sumaj kamachi kanki. Chay pisillawan allinta ruwasqaykirayku, kunanmantapacha chunka llajtakunata kamachinki, nispa.

San Juan 12:26

Qankunamanta pillapis kamachiy kayta munajqa kasunawan tiyan. Pikunachus kamachiy kajkunataj, maypichus noqa kasaj, chayllapitaj kanqanku. Tataytaj tukuy kamachiykunata jatunchanqa, nispa.

San Juan 5:41

Jesús nillarqataj: Noqaqa runakuna jatunchanawankuta mana mask'anichu.

San Juan 5:44

Qankunaqa qankunapuralla jatunchanakuyta munankichej, manataj Dios jatunchasunaykichejta mask'ankichejchu. Jina chayqa, imaynatataj noqapi atinikuwajchejri?

San Juan 7:18

Pillapis pay kikinmanta parlajqa paylla runakunawan jatunpaj qhawachikuyta mask'an. Pichus kachamojninta jatunchayta munajrí cheqanta parlan, manataj llullakunchu.

San Juan 8:54

Chantá Jesús nerqa: Noqachus jatunchakuyman chayqa, jatunchakusqay qhasilla kanman. Tatayqa, pitachus ninkichej Diosniykichej kasqanta, paymin noqata jatunchawan.

Romanos 2:29

Cheqapuni judioqa sonqon ukhumantapacha judío. Cheqapuni circuncidasqa kajtaj Santo Espiritunejta sonqonpi circuncidasqa kaj, manataj qhelqasqa kamachisqanejtachu. Chay jina judiotaqa Diosmin allinpaj qhawan, amapis runa allinpaj qhawachunchu.

Romanos 2:7

Allinta ruwaspa mana sayk'ojkunaman Dios wiñay kawsayta qonqa, pikunachus Diospa ñawpaqenpi jatunpaj qhawasqa kayta mask'anku, mana jayk'aj wañuyta ima, chaykunaman.

1 Corintios 4:5

Chayrayku amaraj imatapis juzgaychejchu manaraj Jesucristo kutimushajtin. Pay kutimuspa, laqhapi pakasqa kajta sut'inchanqa, rikuchenqataj imatachus sapa uj sonqonchejpi yuyasqanchejta. Chaymantataj sapa ujta ruwasqanman jina Dios jatunchanqa.

2 Corintios 10:18

Pichus anchata jatunchakojrí mana allinpajchu qhawasqa kanqa. Aswanqa, pitachus Dios jatunchan, chay runamin allinpaj qhawasqa kanqa.

1 Tesalonicenses 2:6

Noqayku manallataj jayk'ajpis pi jatunchanawaykuta mask'arqaykuchu, ni qankuna nitaj wajkunapis. Cristoj kachan kasqaykurayku, qankunawan imapipis yanapachikuyta atiykuman karqa.

1 Pedro 3:4

Manachayqa sumaj llamp'u sonqo kaywan, chantá k'acha sonqo kaywan ima sonqoykichejta k'achanchaychej. Chay jina k'achanchakoyqa mana chinkapunchu, chaytaj Diospa ñawpaqenpi may jatunpaj qhawasqa.

1 Samuel 15:30

Chantá Saúl ujtawan nerqa: Noqa juchallini. Chaywanpis, ama jina kaspa, tukuy israelitakunaj ñawpaqenkupi, jinataj kurajkunaj ñawpaqenkupipis kuraj kamachejta jinallapuni qhawariway ari. Kutinalla, Tata Diosniykita noqawan yupaychamuna, nispa.

1 Samuel 2:30

Chayrayku Israelpa Diosnin Tata Dios nin: Noqa nerqani qanwan, aylluykiwan ima ñawpaqeypi wiñaypaj sacerdoteykuna kanaykichej tiyan, nispa. Kunanrí niykichej: Manapuni jinachu kanqa, manachayqa jatunchawajkunata jatunchallasajtaj, qhesachawajkunatapis p'enqaypi rikhurichisaj. Noqa Tata Diosmin chayta nini.