San Juan 12:40 - DIOSPA QHELQACHISQAN DEUTEROCANONICAL

⁴⁰ Diosqa ñawinkuta ñawsayacherqa, sonqonkutataj rumiyacherqa, ñawinkuwan ama rikunankupaj, nitaj sonqonkuwan unanchaspa, noqaman kutirikamunankupaj, noqa paykunata qhaliyachinaypaj, nispa.

Qheshwa Biblia DC

⁴⁰ Ñawisninkuta ciegoyacherqa, sonqonkutataj rumiyacherqa; ñawisninkuwan ama rikunankupaj, nitaj sonqonkuwan unanchaspa, noqaman kutirimunankupaj, noqataj paykunata thañichinaypaj.

DIOSPA QHELQACHISQ

⁴⁰ Diosqa ñawinkuta ñawsayacherqa, sonqonkutataj rumiyacherqa, ñawinkuwan ama rikunankupaj, nitaj sonqonkuwan unanchaspa, noqaman kutirikamunankupaj, noqa paykunata qhaliyachinaypaj, nispa.

San Juan 12:40 ပူးပေါင်းရင်းမြစ်များ

1 Reyes 22:20

Tata Diostaj nerqa: Pitaj Ajabta ch'awkiyaspa pusanman, Galaadpi Ramot llajtaman rispa, maqanakupi wañuchisqa kananpaj? nispa. Angelkunamantataj ujnin uj jinata nerqa, ujkunataj waj jinata nerqanku.

Salmos 147:3

Payqa sonqo p'akisqa kajkunata kawsarichin, k'irisqa kajtapis jampiykun.

Salmos 41:4

4 (5) Noqa nerqani: Tata Diosníy, khuyarikuway ari. Qanpa contraykita juchallikorqani chaypis, onqoyniymanta qhaliyachiway, nispa.

Salmos 6:2

2 (3) Tata Dios, noqamanta khuyarikuway, imaraykuchus kallpay pisiyashan. Onqoyniymanta qhaliyachiway, Tata Dios, imaraykuchus tukuy ukhuy kharkatitishan.

Éxodo 10:1

Chantá Tata Dios Moisesta nerqa: Riy faraonwan parlaj, imaraykuchus noqa paypa sonqonta, jinallataj yanapajninkunaj sonqonkutapis rumiyachini. Ajinata runaj mana jayk'aj rikusqan t'ukunata ruwasaj, atiyniyoj kasqayta rikuchinaypaj.

Éxodo 11:10

Moiseswan, Aaronwan ima faraonpa rikunanta t'ukunapaj jina may chhika imakunata ruwarqanku. Tata Diostajrí faraonpa sonqonta rumiyacherqa, chayrayku israelitakuna Egiptomanta ripunankupaj mana kacharipuyta munarqachu.

Éxodo 14:17

Noqataj Egipto llajtayojkunaj sonqonkuta rumiyachisaj, qhepaykichejta qhatiykamusunaykichejpaj. Chantá faraonta, soldadonkunata, carretapi, jinataj caballopi soldadonkunatawan atipaykusaj. Ajinamanta noqa may jina atiyniyoj kasqayta rikuchisaj.

Éxodo 14:4

Noqataj ujtawan faraonpa sonqonta rumiyachisaj, qankunata qhatiykamunasuykichejpaj. Chaypacha faraonta, jinataj soldadonkunata chinkachispa, noqa may atiyniyoj kasqayta rikuchisaj. Ajinamanta Egipto llajtayojkuna yachanqanku noqa Tata Dios kasqayta, nispa. Chantá Moisés ajinata paykunaman willasqanrayku israelitakunaqa Diospa kamachisqanta kasorqanku.

Éxodo 14:8

Chaypacha Tata Dios Egiptota kuraj kamachejpa sonqonta ujtawan rumiyacherqa soldadonkunawan israelitakunata qhatiykunanpaj, imaraykuchus israelitakuna Egiptomanta may jina atiywan llojsisqanku.

Éxodo 4:21

Chaymanta Tata Diosqa Moisesta nillarqataj: Egiptoman kutispa, faraonpa ñawpaqenpi kamachisusqayman jina t'ukuna ruwanaykita ruwankipuni. Noqatajrí faraonpa sonqonta rumiyachisaj, paytaj israelitakunata mana kachariyta munanqachu.

Éxodo 7:13

Chayta rikuspapis, faraón sonqonta astawan rumiyacherqa, Tata Dios nisqanman jinataj pay Moisesta, Aaronta ima mana kasuta ruwarqachu.

Éxodo 7:3

Noqatajrí faraonpa sonqonta rumiyachisaj, Egipto suyupitaj runaj mana jayk'aj rikusqan t'ukuna imakunata ruwasaj.

Éxodo 9:12

Chay tukuywanpis Moisesman Tata Dios nisqanman jina, faraón astawan sonqonta rumiyacherqa. Chayrayku Moisesta, Aarontawan ima mana kasuta ruwarqachu.

Isaías 26:11

Tata Dios, qanqa ñapis paykunata jasut'inaykipajña kashanki, paykunatajrí mana reparakunkuchu. Chay aylluykipaj munakuyniykita rikuspa, millayta ruwajkuna p'enqaypi rikhurichunku, k'araj phiñakuyniykej lawraynintaj awqaykikunata tukuchichun.

Isaías 29:10

Noqa Tata Dios qankunaman uj sinch'i puñuyta apachimuykichej. Noqamanta sut'inchajniykichejtapis puñurparichini, ñawinkuta velowan jina qhataykuspa.

Isaías 53:5

Chaywanpis pay k'irisqa kanqa noqanchej Tata Diosta mana kasusqanchejmanta, juchanchejraykutaj tukuy ukhun t'unasqa kanqa. Jinapis pay jasut'isqa kasqanrayku sonqo tiyaykuyta apamuwasunchej, ukhun chay jina khallasqa kasqanraykutaj qhaliyachisqa kasunchej.

Isaías 6:10

Kay runakunaj sonqonkuta rumiyachiy, ninrinkutapis wisq'aykuy, ñawinkutapis ñawsayachiy. Ajinamanta ñawinkuwan mana rikonqankuchu nitaj ninrinkuwan uyarenqankuchu, manallataj entiendenqankuchu. Ajinamanta mana noqaman kutirikamonqankuchu qhaliyachisqa kanankupaj, nispa.

Isaías 6:9

Jinapi Tata Dios niwarqa: Rispa, kay jinata chay runakunaman willamuy: Allinta uyarispapis, mana yachakunkichejchu. Rikushaspapis, manallataj entiendenkichejchu, nispa.

Jeremías 3:22

Tata Diosrí paykunata nin: Mana kasukoj churikuna, noqaman kutirimpuwaychej, noqataj contrayta oqharikoj sonqollapuni kasqaykichejmanta qhaliyachisqaykichej, nispa. Qankuna niwankichej: Arí, watejmanta kutimpusqayku, imaraykuchus qanllamin Diosniyku Tata Dios kanki.

Jeremías 5:21

Wampukuna, mana yuyayniyoj Israel ayllu, kayta uyariychej: Ñawiyoj kankichej, manataj rikunkichejchu. Ninriyoj kankichej, manataj uyarinkichejchu.

Ezequiel 12:2

Runaj churin, mana kasukoj runakuna chawpipi tiyakushanki. Paykunaqa ñawiyoj kaspapis, mana rikunkuchu. Ninriyoj kaspapis, mana uyarinkuchu, imaraykuchus contrayta oqharikoj runakuna kanku.

Ezequiel 14:9

Sichus Diosmanta uj sut'inchaj llullata parlanqa chayqa, noqa chay sut'inchajta q'otiyarqani. Jinaqa makiyta oqharisaj payta jasut'inaypaj, Israel ayllumantataj chinkachisaj.

Oseas 14:4

Tata Dios nin: Mana kasukoj kasqaykichejta noqa jampisaj. Noqa tukuy sonqo munakusqaykichej mana munakunapaj jina kashajtiykichejpis, imaraykuchus phiñakuyneyqa tiyaykapunña.

Oseas 6:1

Jamuychej, Tata Diosman kutirikunachej. Paymin mitharpariwarqanchej, jinapis payllataj jampikapuwasunchej. Pay k'iriwarqanchej chaypis, payllataj qhaliyachiwasun.

San Mateo 15:14

Paykunata saqeychej, imaraykuchus ñawsakuna kanku, waj ñawsakunata pusaykachajtaj. Sichus ñawsa runa waj ñawsata pusaykachanman chayqa, iskayninku t'oqoman urmaykonqanku, nispa.

Marcos 4:12

Ñawpa qhelqakunapi kay jinata nin: Qhawashaspapis, mana yachakonqankuchu. Uyarishaspapis, mana entiendenqankuchu. Ajinamanta, Diosman mana kutirikonqankuchu, juchankupis manallataj pampachasqachu kanqa, nispa.

Marcos 6:52

imaraykuchus Jesús t'antata ashkhayachisqanta rikorqanku chaypis, chay ruwasqan imatachus niyta munasqanta mana entiendeyta aterqankuchu, sonqonku rumiyasqa kasqanrayku.

San Lucas 4:18

Tukuyta Kamachej Diospa Espíritun noqapi kashan, imaraykuchus pay ajllawan sumaj willayta wajchakunaman willanaypaj. Chantá kachamuwan presokunaman kacharichisqa kanankuta willanaypaj, ñawsakunata qhawarichinaypaj, chantá ñak'arichisqa kajkunata qhespichinaypaj.

San Lucas 8:10

Paytaj nerqa: Qankunamanqa Dios kamachiyninmanta pakasqa yachayta rejsichisunkichej. Wajkunamanrí rijch'anachinakunawan parlan, Diospa Qhelqachisqanpi nin jina: Qhawashaspapis, mana rikonqankuchu. Uyarishaspapis, manataj entiendenqankuchu, nispa.

San Juan 12:39

Chayrayku judiokunaqa mana Jesuspi atinikuyta aterqankuchu, imajtinchus Diosmanta sut'inchaj Isaías nillasqataj: Dios nin:

San Juan 9:39

Jesustaj nerqa: Noqaqa kay pachaman juzganaypaj jamorqani: Ñawsakunata qhawarichinaypaj, rikushasqankuta yuyajkunatataj ñawsa kashasqankuta sut'inchanaypaj, nispa.

Hechos 15:3

Jinapi Antioquía iglesia paykunata kacharpayajtin, paykuna Fenicianejta, Samarianejta ima rerqanku. Rej jinataj Jesuspi atinikojkunaman willararqanku imaynatachus mana judío kajkunapis Diosman kutirikusqankumanta. Chay wawqe panakunataj chayta uyarispa, maytapuni kusirikorqanku.

Hechos 28:26

Kay runakunaman rispa, willamuy: Qankuna uyarillankichej, manataj imachus kasqanta entiendenkichejchu. Qhawashaspapis, mana yachankichejchu imatachus rikusqaykichejta, nispa.

Hechos 3:19

Chayrayku Diosman kutirikuychej Jesuspi atinikuspa, juchaykichej pampachasqa kananpaj.

Romanos 9:18

Ajinamanta yachanchej Diosqa pimantachus khuyakuyta munan, chaymanta khuyakusqanta. Jinallataj pejpa sonqontachá rumiyachiyta munan, chaypa sonqonta rumiyachin.

Deuteronomio 29:4

4 (3) Chaywanpis kunankama Tata Diosqa entiendej sonqota manaraj qosunkichejchu, nitaj reparanaykichejta munanchu imaraykuchus chaykunata ruwasqanta.

Josué 11:20

Tata Diospuni chay llajtayojkunaj sonqonkuta rumiyacherqa, israelitakunawan maqanakoj sayaykunankupaj. Ajinata Diosqa israelitakuna mana khuyakuspa tukuyninta wañuchinankupaj ruwarqa, Tata Dios Moisesman kamachisqanman jina.